Миландағы олимпиадада Қазақстан конькишілері мен шорт-трекшілерінің формасында Қазақстан даласынан көне заманда тастарға салынған петроглифтер бейнелеген. Спортшылардың жарысқа киіп шығатын комбинезонындағы бейнелердің сыры неде?

Парламенттегі жанжал, Конституция жобасы, "Атажұрт" соты — AzatNEWS l 12.02.2026

🔹 Конституциялық комиссия мүшелерімен Тоқаев қашан кездесті? Ақорда ақпаратына суреттің дерегі қайшы.

🔹 Билік мақтап, қоғам сынаған Конституция жобасының соңғы мәтіні жарияланды. Не алынды, не қосылды?

🔹 Ақтай ма, соттай ма? Талдықорғанда "Атажұрт" белсенділеріне қарсы сот ісі жалғасып жатыр.

Мәскеу сұрайды, Астана береді. Ресей босқындарының ісі

Кейінгі екі айда Қазақстан Мәскеу сұрауымен кемінде төрт ресейлікті экстрадициялау туралы шешім шығарды. Олардың арасында оппозиция белсендісі де, соғыстан қашқан әскери қызметкер де, ІТ маман да бар. Құқық қорғаушылар бұл үрдіс Астананың баспана сұрағандарға қатысты саясаты күмән туғызғанын айтады. https://www.youtube.com/watch?v=Y9rEtm2VcvE

Қамшыбек Ташиев Бішкекке оралды

13 ақпанда түнгі сағат 3-те Қырғызстан ұлттық қауіпсіздік жөніндегі мемлекеттік комитеттің бұрынғы төрағасы Қамшыбек Ташиев Бішкекке келгені хабарланды.

Журналист Айбек Бибосынов Facebook-те жариялаған қысқа бейнежазбасында Ташиевті үш ер адам қарсы алғаны, жол талғамайтын көлікке мініп жатқаны көрінеді.

Қырғызстан президентінің ұзақ уақыттан бергі саяси серіктесі болған Ташиевтің қызметтен босатылуы қоғамда қызу талқыланып, екі саясаткер арасындағы қарым-қатынастың салқындағаны жайлы әртүрлі пікір айтылған еді.

Видео: Айбек Бибосынов

Қызылорда облысында белсенді Ерғали Құлбаев 4 жыл түрмеге кесілді

Белсендіге "Бопсалау" бабы (194-баптың 2-бөлігі 2-тармағы) бойынша айып тағылған. Сот Құлбаевпен бірге дәл осындай баппен айыпталған Ақлима Ертайқызын да 4 жылға бас бостандығынан айырған. Оның кәмелетке толмаған баласының болуына байланысты сот жазасын өтеуді бес жылға шегерген.

Алматы тұрғыны Жолдасбек Темірғалиев @zholdas.web автобуста бір әйелдің әлдекімдермен сөйлесіп жатқанын кездейсоқ естіп қалған. Әйелге хабарласқандар алаяқтар ма деген күмән туып, әңгімеге араласқан. Жолдасбек бейтаныс әйел әуелі қарсыласқанын, кейін алаяқтар екеніне көзі жеткенін айтады.

Журналист Данияр Молдабеков шіркеу қызметкері Иаков Воронцов ұсталғанын хабарлады.

“Менде бар дерек бойынша, түнде оның үйіне күштік құрылымдар басып кіріп, тінтіп, өзін полиция департаментінің изоляторына алып кеткен. Ақпаратпен бөлісіп отырамын” деп жазды журналист.

Алматы полициясы әзірге түсініктеме бермеді.

Бұған дейін ҚазТАГ Иаков Воронцов “діни бірлестігін тіркеуден бас тартқаны үшін” Алматы әкімшілік сотына қалалық әділет департаменті үстінен шағым түсіргенін жазған еді.

ҚазТАГ-тың жазуынша, 1,5 жыл бұрын “экстремизм” бойынша оған қарсы ашылған қылмыстық іс тоқталған.

Иаков Воронцов Қазақстан қоғамын алаңдатқан өзекті мәселелерге пікірін ашық айтып жүрген азамат. Ол Украинадағы соғысты да айыптаған.

Мәжілістегі талқы барысында депутат Еділ Жаңбыршин мұнай компаниялары өкілдерінің дайындық деңгейін сынға алды. Депутат компанияларды қазақстандық өндірушілермен келісімшарты бола тұра, тауарды Қытайдан сатып алып жатыр деп сөкті.

«Матен Петролеум» АҚ бас директоры Лю Цзиньчэн компанияның қазақстандық тауар өндірушілермен ұзақ мерзімді алты келісімшарт жасасқанын айтты. Бірақ нақты қай кәсіпорын екенін атап бере алмады, көмекшісі оның құлағына сыбырлап, компания атауын айтып тұрды.

⚡Шайдоров медальға таласатын күн

Бүгін, 13 ақпанда олимпиадада мәнерлеп сырғанаудан қазақстандық Михаил Шайдоров негізгі бағдарламасын орындап, жүлдеге таласады.

Шайдоров пен басты қарсыластарының жоспарлаған секіру элементтері мынандай (тізім түзгенде элементтерінің қиындығын ескердік):

🔹Илья Малинин (АҚШ) жеті рет төрт айналым элемент жоспарлайды. Егер Малинин жоспарлаған жеті элементті де таза орындаса, олимпиада тарихына енеді. Ол – олимпиадада жеті мәрте төрт айналым секірген алғашқы мәнерлеп сырғанаушы болмақ. Малинин төрт айналым аксель (мәнерлеп сырғанаудағы ең қиын элемент) секіруді жоспарлап отыр.

🔹Петр Гуменник (Бейтарап атлет) бес рет төрт айналым секіру элементіне тапсырыс берген.

🔸Михаил Шайдоров (Қазақстан) төрт рет төрт айналым элементін жоспарлайды. Бірінші элементі – үш айналым аксель+төрт айналым сальхов. Қазір әлемде үш айналым аксельге төрт айналым элемент қосып секіре алатын тек Шайдоров қана. Егер сәтті секірсе бұл каскады үшін өте жоғары ұпай алмақ.

🔹Юма Кагияма (Жапония) мен Адам Сия Хим Фа (Франция) да төрт рет төрт айналым элемент секіруді жоспарлап отыр. Ал Даниэль Грассл (Италия) үш рет төрт айналым элементке тапсырыс берген.

Әрине, бұл тек жоспар. Мәнерлеп сырғанаушылар тапсырыс берген элементтерін таза секіруі тиіс. Бірақ мұзда элементтерін өзгертіп жіберуі де мүмкін. Мысалы, қазір Шайдоров төрт рет емес бес рет төрт айналым элемент секіруі мүмкін екені айтылып жатыр.

Қысқа бағдарламадан кейінгі ахуал мынандай:

1. Илья Малинин (АҚШ) — 108,16
2. Юма Кагияма (Жапония) — 103,07
3. Адам Сяо Хим Фа (Франция) — 102,55
4. Даниэль Грассль (Италия) — 93,46
5. Михаил Шайдоров (Қазақстан) — 92,94
6. Ча Чун Хван (Корея) — 92,72
7. Кевин Аймоз (Франция) — 92,64
8. Эндрю Торгашев (АҚШ) — 88,94
9. Сун Сато (Жапония) — 88,70
10. Стефен Гоголев (Канада) — 87,41
11. Кирилл Марсак (Украина) — 86,89
12. Петр Гуменник (Бейтарап атлет) — 86,72

t.me/azattyq

"Путинді ешкім тоқтата алмай отыр". Украинадағы ахуал

АҚШ-Украина-Ресей келіссөзінің кезекті кездесуі алдағы аптада өтуі мүмкін. Бұл жолғы жиын Әбу-Даби не Майамиде болуы ықтимал. Тараған ақпаратқа Кремль әзірге ештеңе демеді. Ал Еуропа Украинаның қорғаныс саласын қолдауға қомақты көмек беретінін мәлімдеді.

Ташиевтің қадамы, Нығматулиндердің қылмысы, референдум ақшасы — AzatNEWS l 13.02.2026

🔹 Референдум өткізуге үкімет шамамен 21 миллиард теңге бөлмек.

🔹 Бірер күн бұрын ғана қызметтен алынған Қырғызстандағы аса ықпалды тұлға Қамшыбек Ташиев еліне оралды.

🔹 Ағайынды Нығматулиндерге қарсы қылмыстық іс қаралып жатыр
.