Адам құқығын қорғау бюросы Оразалы Ержановтың ұсталуының жай-жапсарын жазды

Facebook және Instagram парақшалары бұғатталған журналист Вадим Борейкоға сүйенген Адам құқығын қорғау бюросы қоғам белсендісі Оразалы Ержановтың ұсталуының жай-жапсарын жазды. Ондағы мәліметке қарағанда тергеу соты Оразалы Ержановты 5 наурызға дейін қамаған.

Бір күн бұрын Алматы полициясы "сайлау құқықтарын жүзеге асыруға кедергі келтіру фактісі негізінде қылмыстық іс қозғалғанын" хабарлаған еді.

Сурет: Адам құқығын қорғау бюросының сайтынан алынған скриншот

Бас прокурор Берік Асылов депутаттардың Эпштейн файлдарында аты аталған қазақстандықтарды тексеру туралы ұсынысына жауап берді.

Оның сөзінше, прокуратура мұндай тексерісті депутаттар сауал жасамай тұрып бастаған.

“Бүкіл әлем мұны талқылап жатыр, сол себепті бас прокуратура да өзге ведомстволық органдар сияқты фактілерді тексеріп жатыр. Кәрім Мәсімов бойынша тексерісті бастадық. Алдын ала тексерісті бастадық. Осы жаққа Эпштейн келді ме. Келімбетовтің өзі барды ма, жоқ па, қосымша тексеріледі” деді Асылов.

❗Сот белсенді Ілияшевтің Тоқаев үстінен түсірген шағымын кері қайтарды

🔹Сот не дейді?

Астана қаласы ауданаралық әкімшілік соты белсенді Әлнұр Ілияшевтің президент Қасым-Жомарт Тоқаевтың үстінен түсірген арызын қарамай кері қайтарған. Бұл туралы Азаттыққа соттың анықтама бөліміндегі маман айтты.

Кеше, 26 ақпанда Ілияшев желіде президент Тоқаевтың референдум тағайындау туралы жарлығының заңдылығын даулап, сотқа шағым түсіргенін жазған. Белсенді Астана қаласының мамандандырылған ауданаралық әкімшілік соты шағымды тіркегенін айтқан. Қазір Ілияшевтің шағым түсіргені туралы жазбасы Facebook парақшасында көрінбей қалды. Ал белсенді жазбасын парақшасынан алмағанын айтты.

🔹Белсенді неге шағымданып еді?

Белсенді «азаматтардың коституциялық құқығы мен бостандығын бұзатын, Республика қызметінің түбегейлі принциптерін өзгертетін жобаны 15 наурыздағы референдумға шығармақ» деп мәлімдеген. Сондықтан ол соттан президенттің референдум өткізу туралы жарлығын заңға қайшы деп тануды талап еткен еді.

Қазақстанда жаңа Конституция жобасы бойынша референдум 15 наурызда өтеді.

🔹Ақорда Конституция жобасы жайлы не дейді?

Ақорда конституциялық түзетулерді «жаңа тарихи дәуірдің талаптарына сәйкес мемлекетті қайта құру және қоғамдық сананы жаңарту» деп түсіндіреді. Конституция жобасында екі палаталы парламенттің орнына бір палаталы парламент құрылатыны, Жоғарғы соттың, Конституциялық соттың, Ұлттық банктің, ҰҚК төрағасын, Бас прокурорды президент тағайындайды.

Ал кейбір заңгерлер мен құқық қорғаушылар жоба президенттің билігін күшейте түседі, биліктің заң шығарушы тармағының рөлін төмендетіп, азаматтардың құқығын шектейді деп санайды. Билік Конституция президент билігін күшейтеді деген сөзді "аңыз" деп атаған.

Тоқаев пен АҚШ елшісі бір айда екінші рет кездесіп, экономика және инвестиция келісімдерін талқылады

Қазақстан президенті Қасым-Жомарт Тоқаев АҚШ-тың Қазақстандағы елшісі Джули Стаффтты қабылдап, сауда-экономика, инвестиция саласындағы келісімдерді жүзеге асыру жайын талқылады. Бұл туралы 27 ақпанда Ақорда хабарлады.

Тоқаев пен Стаффт келісімдер бойынша нақты нәтижеге жету үшін екі елдің салалық министрлері деңгейінде тығыз қарым-қатынасты жалғастыру керегін айтқан. Бұған қоса, АҚШ президенті Дональд Трамп құрған Бейбітшілік кеңесі аясындағы ықпалдастық мәселелері жайлы да сөйлескен.

"АҚШ елшісі аталған ұйымның ізгі мақсатын ілгерілетуге белсене атсалысқаны үшін Қазақстан тарапына ризашылығын білдірді" деп мәлімдеді Ақорда ресми хабарламасында.

Тоқаев пен Стаффт осы айда екінші рет кездесіп отыр. 13 ақпандағы кездесуде де сауда-экономика, инвестиция саласындағы қарым-қатынасты талқылаған.

Джули Стаффтты былтыр шілдеде АҚШ президенті Дональд Трамп Қазақстандағы елші қызметіне ұсынған. Сенат оны қазанда осы қызметке бекіткен. Джули Стаффт биыл 9 қаңтарда Қазақстан президентіне сенім грамотасын тапсырып, қызметіне кіріскен.

Тоқаевқа арыз жазған белсенді, Тшановты қаралағандар — AzatNEWS | 27.02.2026

🔹 Заңгер, алматылық белсенді Әлнұр Ілияшев президент Қасым-Жомарт Тоқаевтың үстінен арыз жазды. Бірақ шағымы қаралмайтын болды.

🔹 Президент Тоқаевқа үндеу жасап, Конституция жобасын сынаған саяси қайраткер Амалбек Тшановты қаралайтын жазба көбейді. Мұның артында кім тұр?

🔹 Азаттық жиырма депутатқа хабарласып, референдум қарсаңында "сөз еркіндігі шектеліп жатыр" деген сынға пікір сұрады. Сөйлескен екі мәжілісмен қудалау бар дегенге келіспейді.

2017 жылы Қытайда қуғын көрген Тұрсынбек Қаби қазір Қазақстанда істі болып жатыр. Оның әйелі Оралхан Әбен қазір 9 жыл бұрынғы ахуалды қайта бастан кешіріп жатқандаймын дейді. Ол Қытай саясатын сынаған күйеуінің босап шығатынына сенеді. Видеоның толық нұсқасын Азаттықтың YouTube арнасынан көріңіз.

Қазақстанда жаңа Конституция жобасына сын айтқан саясаткерлер мен осы тақырыпты үнемі талқылап келе жатқан журналисті қаралайтын жазбалар көбейді. Бұл ұйымдасқан шабуыл ма?

⚡⚡⚡ Израиль Тегераннан төнетін «қауіпті сейілту» мақсатында Иранға «превентив соққы жасағанын» мәлімдеді. Бұл жөнінде қорғаныс министрі Исраэль Кацқа сілтеген Израильдің Channel 12 телеарнасы хабарлады.

«Израиль мемлекеті өзіне төнген қауіпті сейілту үшін Иранға превентив соққы жасады» делінген мәлімдемеде.

Жергілікті телеарнаның хабарлауынша, шабуыл АҚШ-пен «бірлесіп жасалған». АҚШ-тың ресми өкілдері Иранға шабуыл жалғасып жатқанын айтты.

Иран ақпарат құралдары Тегеран орталығында жарылыс болғанын хабарлап, оның видео, фотоларын таратты.

АҚШ президенті Дональд Трамп 8-минуттық мәлімдеме таратып, Иранға жасалған соққыға АҚШ-тың да тіке қатысы барын растады.

“Америка әскері Иранда ірі әскери операция бастады. Біздің мақсатымыз – Иран режимінен төнген қатерге төтеп беріп, Америка халқын қорғау” деді Трамп.

Оның сөзінше, Иранның ядролық бағдарламаны жалғастыруы және ұзақ қашықтыққа ұшатын ракетаны әзірлеуі АҚШ-ке тіке қауіп төндіреді.

“Біз олардың ракеталарын жоямыз, ракета өнеркәсібін жермен-жексен етеміз” деді Трамп.

Иран Израильге қарай ракета жіберді деп хабарлады Израиль әскері (ЦАХАЛ).

“Қауіптің алдын алу мақсатында қорғаныс жүйесі істеп тұр” деп жазылған Израиль әскерінің мәлімдемесінде.

Израильде тиісті аудан тұрғындарына жасырыну қажеттігі жөнінде ескерту берілген.

Таяу Шығыста жағдайдың ушығуы және Иранның әуе кеңістігін жабуына байланысты қазақстандық Air Astana әуе компаниясы рейстер кестесіне өзгеріс енгізілгенін хабарлады.

“KC263 Алматы - Медина, KC897 Алматы - Дубай, KC653 Алматы - Доха, KC205 және КС207 Астана - Дубай рейстері ұшып кету әуежайларына қайтып оралады. Алматы-Дубай KC899 Делиге, FlyArystan FS7617 Ақтау-Дубай рейсі қосалқы әуеайлаққа ұшты” деп жазылған Air Astana әуе компаниясының хабарламасында.

28 ақпанда Таяу Шығысқа қалған рейстер тоқтатылды деді әуе компаниясы.

Air Astana жолаушыларды рейстердің кестесін қайта тексеруге кеңес берді.

“Сатып алу орны бойынша Жидда, Медина және Дубайға билеттерді 6 наурызды қоса алғанға дейін тегін қайта брондауға және қайтаруға рұқсат етіледі” деді әуе компаниясы.

Израиль премьері Биньямин Нетаньяху АҚШ пен Израильдің сенбі күні Иранға жасаған соққысы “батыл Иран халқына өз тағдырын өз қолына алуына жағдай жасайды” деп мәлімдеді.

“Иран қоғамындағы барлық топ үшін... [режимнің] қамытын тастап, еркін әрі бейбітшілікті сүйетін Иранды құратын мезгіл жетті” деп жазылған Нетаньяхудың мәлімдемесінде.

Бұған дейін Дональд Трамп Иран азаматтарын қауіпсіз орындарды паналауға, АҚШ соққысы аяқталғаннан кейін билікті өз қолына алуға шақырған. Трамптың сөзінше, қазір еркіндікке қол жеткізудің теңдессіз мүмкіндігі туып тұр.

AFP: Бахрейн астанасында жарылыс естілді

AFP ақпарат агенттігінің тілшілері Бахрейн астанасы Манамада жарылыс естілгенін хабарлады. Әзірге толымды ақпарат жоқ.

Бахрейнде АҚШ бесінші флотының кемелері шоғырланған. Алайда бірнеше күн бұрын америкалық кемелердің барлығы қауіпсіздік мақсатында Бахрейндегі базадан ашық теңізге шығып кеткені хабарланған еді.

Иран ракеталары Катар мен Біріккен Араб Әмірліктеріне шабуылдады

Катар әуе кеңістігінде ирандық ракета атып түсірілді деп хабарлады ел билігіне сүйенген AFP ақпарат агенттігі. Елде Американың аймақтағы ең ірі "Эль-Удейд" базасы шоғырланған.

Халықаралық ақпарат құралдары БАӘ астанасы Абу-Дабиде жарылыс естілгенін хабарлады. Әуе кеңістігін уақытша жаптық деп хабарлады БАӘ билігі.

Reuters: Иран президенті Израиль мен АҚШ-тың соққысы кезінде зардап шеккен жоқ, аятолла Әли Хаменеи елден кеткен

Ирандық Shargh ақпарат агенттігінің хабарлауынша, Тегеранда президент резиденциясы мен оның штаб-пәтеріне соққы тиген. Иран ақпарат құралдарының жазуынша, президент Масуд Пезешкиан соққының салдарынан зардап шекпеген.

Иранның рухани көсемі аятолла Әли Хаменеи қазір ел аумағында емес деп жазды Reuters. Ақпарат агенттігі дереккөзінің хабарлауынша, аятолла қауіпсіз жерге әкетілген.