Тизим соф фойдаси ўсишининг катта қисми битта банк ҳиссасига тўғри келди: Ipoteka bank OTP Group'нинг соф фойдаси бир йилда 1 триллион 969,8 миллиард сўмга ошди, бу тизим бўйича ўсишнинг 44,9 фоизини ташкил этади. Мазкур банкни ҳисобга олмаганда, қолган банклар соф фойдаси 22,4 фоизга ошган.

@bankers_uz_live

Етакчи «ўнлик»

9 ойлик натижаларга кўра, 5 та банк соф фойдасини 1 трлн сўмдан оширди. Ўтган йилнинг мос даврида бундай банклар тўртта эди. Бу банклар қуйидагилар:

➖ Ipoteka bank OTP Group (2 трлн 72,3 млрд сўм);
➖ Ўзмиллийбанк (1 трлн 552,2 млрд сўм);
➖ Hamkorbank (1 трлн 480,4 млрд сўм);
➖ Капиталбанк (1 трлн 313 млрд сўм);
➖ Ўзсаноатқурилишбанк (1 трлн 207 млрд сўм).

Етакчи «ўнлик»дан, шунингдек, Халқ банки (837,3 млрд сўм), Ипак Йўли банк (821,8 млрд сўм), Трастбанк (766,8 млрд сўм), Ориент Финанс банк (724,6 млрд сўм) ҳамда KDB Bank (644,7 млрд сўм) ўрин олди.

Энг юқори соф фойда қайд этган 10 та банк тизим бўйича соф фойданинг 74,8 фоизини берди, ўтган йилнинг мос даврида бу кўрсаткич 80,6 фоиз эди.

@bankers_uz_live

Давлат банклари

Давлат улуши мавжуд 9 та банкнинг жами соф фойдаси 4 трлн 649 млрд сўмни ташкил этди. Бу ўтган йилнинг мос давридагидан 14,9 фоиз кўп.

Давлат банклари орасида энг йириги — Ўзмиллийбанкнинг соф фойдаси 7,1 фоизга (1 трлн 449,7 млрд сўмдан 1 трлн 552,2 млрд сўмгача) ошди. Халқ банки (269,1 млрд сўмдан 837,3 млрд сўмгача, 3,1 баробар), Агробанк (32,8 млрд сўмдан 170,6 млрд сўмгача, 5,2 баробар), Туронбанк (+74,2%), Алоқабанк (+58,4%) ва Асакабанк (+51,4%) соф фойдасини сезиларли оширди. Ўзсаноатқурилишбанк (−178,9 миллиард сўм), Бизнесни ривожлантириш банки (−127,3 миллиард сўм) ва Микрокредитбанкда (−141,3 миллиард сўм) эса пасайиш кузатилди.

@bankers_uz_live

Бошқа банклар

Давлат улуши бўлмаган 25 та банк эса 9 ойда жами 10 трлн 613 млрд сўм соф фойда олди, ўсиш 55,4 фоизни ташкил этди. Натижада хусусий банкларнинг жами соф фойдадаги улуши бир йилда 62,8 фоиздан 69,5 фоизга ошди. Бу ўсишнинг ҳам ярмидан кўпи (52,1 фоизи) Ipoteka bank OTP Group ҳиссасига тўғри келади: уни ҳисобга олмаганда, давлат улуши бўлмаган банклар соф фойдаси 26,9 фоизга ошган.

@bankers_uz_live

Ipoteka bank OTP Group'нинг соф фойдасининг кескин ошишида кредит портфели бўйича захиралар қолдиғининг бир йилда 1 трлн 138 млрд сўмдан 685 млрд сўмгача тушгани ҳамда банкнинг соф фоизсиз даромадлари эса 527,7 млрд сўмдан 977,4 млрд сўмгача, қарийб икки баробар ошгани таъсир кўрсатган.

@bankers_uz_live

Ориент Финанс банк TenPay Global билан ҳамкорликни йўлга қўйиб, ОФБ иловаси орқали Хитойда Weixin Pay QR-кодлари билан тўловларни жорий этди.

@bankers_uz_live

Асакабанкда 2026 йил 22 октябрь куни Чакана бизнес департаментининг 9 ойлик натижалари ва 2026 йил якунига қадар вазифаларига бағишланган брифинг бўлиб ўтди.

@bankers_uz_live

Tayanch mikromoliya banki 10 млрд сўмлик корпоратив облигация чиқармоқда

"Tayanch mikromoliya banki" АЖ Кузатув кенгаши йиғилишида номинал қиймати 100 000 сўм бўлган 100 минг дона корпоратив облигацияни ёпиқ обуна йўли билан жойлаштириш тўғрисида қарор қабул қилинди.

Облигациянинг купон тўлови йиллик 20% ни ташкил қилади. Купон тўлови ҳар 3 ойлик. Облигация 731 кун муомалада бўлади. Инвестицион воситачи сифатида Kapital Securities танланган.

@bankers_uz_live

Таъзия

Bankers.uz таҳририяти жамоаси интернет-нашр асосчиси Исмоил Туроповга волидаси Мухтабар аянинг вафоти муносабати билан ҳамдардлик билдиради.

@bankers_uz_live

Марказий банк асосий ставкани кўриб чиқиш бўйича 28 октябрда белгиланган бошқарув йиғилишини 4 ноябрга кўчирди.

@bankers_uz_live

❗️Ўзбекистонда ислом банк фаолияти учун илк лицензия берилди

Марказий банк Бошқарувининг 2026 йил 23 октябрдаги 28/1-сонли қарорига мувофиқ, «Open bank» АЖга ислом банк фаолиятини амалга ошириш ҳуқуқини берувчи 1-I-сонли лицензия берилди.

@bankers_uz_live

27–28 октябрь кунлари Самарқанд шаҳрида Халқаро исломий молия форуми бўлиб ўтади

Форум доирасида маҳаллий ва хорижий мутахассислар иштирокида исломий молиянинг долзарб масалалари, соҳадаги халқаро тажриба ва истиқболли ёндашувлар муҳокама қилинади.

Форумнинг асосий тадбирларини Марказий банкнинг расмий саҳифаларида жонли эфирда бериб борилади.

@bankers_uz_live

Бугунги кунда 11 та микромолия ташкилоти исломий молия хизматларини таклиф қилмоқда

— Тимур Ишметов

@bankers_uz_live

2026 йил 1 октябрь ҳолатига тижорат банкларидаги муаммоли кредитлар ҳажми 25 триллион 41 миллиард сўмга етди.

@bankers_uz_live