ҲАЁТИЙ ВОҚЕА

Унинг ишлари бирданига орқага кетди. Кечагина катта даромад кўриб юрган тадбиркор эди. Энди эса қай ишга қўл урмасин, фақат қарзлари кўпайяпти. Бир ёқда ҳақдорлар қарзларини қистаб қўйишмайди. Ўзини тўрт томонга ургани билан, натижа йўқ. Худди барча нажот йўллари беркилгандек…

Шундай ўйлардан мияси ғовлаб, хиёбон четидаги ўриндиққа оғир чўкди. Лўқиллаб оғриётган бошини эгганча яна изтиробли хаёлларга берилди. Кимнингдир нигоҳини ҳис қилиб, бошини кўтарганида ёнида бир қарияни кўрди: «Жуда ғамгин кўринасан. Бошингга қандайдир ташвиш тушгани аҳволингдан маълум. Балки дардингни менга айтарсан…»

Негадир у ҳамма дардларини шу қарияга айтгиси келди, айтди ҳам. Сўзларини бўлмай эшитиб турган қария ниҳоятда хотиржамлик билан: «Сенга ёрдам беришим мумкин», деди ва ёнидан чек дафтарини чиқариб ёзди: «Бу пул сенга. Роппа-роса бир йилдан кейин шу ерда кўришамиз ва қарзингни қайтарасан». Шундай дея тезлик билан кўздан узоқлашди.

Қария кетганидан кейин қўлидаги чекка қараган қаҳрамонимизнинг кўзлари яшнаб кетди – роппа-роса 500 минг доллар. Имзо эса Жон Рокфеллерга, яъни замонасининг энг бой одамига тегишли! «Бу пул билан ҳамма қарзларимдан қутулишим мумкин», деб ўйлади у. Лекин негадир бу қимматли чекни бузгиси келмади, авайлаб сейфга солди. Ўзида ишлашга олдингидан ҳам кўпроқ иштиёқ туғилганини ҳис қилди ва айни ғайрат билан ишга киришди. Катта-кичик демай барча ишларини йўлга қўя бошлади, янги режалар тузди ва шу асосда аста-секин барчаси яхши томонга ўзгара бошлади. Шу тарзда бир неча ой ўтгач, қарзларидан батамом халос бўлди, ишлари аввалгидан ҳам гуркираб кетди…

Келишилган бир йил ўтди. У қўлида бузилмаган чек билан таниш хиёбонга йўл олди. Айтилган соатда ўзи томон тез одимлар билан келаётган қарияни кўрди. Миннатдорчилик билан чекни қайтариб, қўлга киритган ютуқлари ҳақида ҳаяжон билан гап бошлади. Шу пайт ёнларига югурганча бир ҳамшира келди ва қариянинг қўлидан тутди:

– Топа олмайманми деб қўрққандим, яхшики узоққа кетиб қолмабсиз. Кейин унга қаради ва хижолатомуз деди: «Сиз, албатта, унинг ёлғонига ишонмагандирсиз. Бу жанобга қариялар уйидан қочиб, шу хиёбонга келиш, кўринган одамга ўзини Жон Рокфеллер деб таништиришни одат қилиб олган…»

Қаҳрамонимиз нима дейишини билмай, узоқлашиб бораётган қария ва ҳамширанинг ортидан ҳайрон қараб қолди. Демак, йил бўйи ишонган, кўнглини тўлдириб илхомлантирган, уни янги чўққилар сари етаклаган 500 минг доллар асли йўқ нарсамиди? Унда эришган ютуқларига асос нима эди?! Унинг ҳаётига таъсир қилган нарса унга билдирилган ИШОНЧ эди.

Кимдандир ёрдам кутиб ўтириш ярамайди... Атрофда рухлантирувчи мўжизалар хам кўп, уларни кўра билинг...

​Болаларни алдаманг!

Тилимизга ўрнашиб қолган, ўзимиз билмаган ҳолда ишлатиб, фарзандларимизни ёлғончилик ва ўзига нисбатан ишончсизликка олиб келиши мумкин бўлган иборалар мавжуд. Биз уларни кундалик ҳаётда ўзимизнинг ҳаловатимизни ўйлаб ишлатамиз. Лекин уларнинг бола руҳиятига таъсири салбийдир. Уларни сиз ҳам ишлатгансиз:

1. «Қўрқма, оғримайди!»

Биз болани даволаётганда (укол, яраларни боғлашда) мана шу гапни айтишимиз табиий ҳол. Лекин бу жараёнлар оғриқсиз бўлмаслиги ҳаммага аён. Шу гапдан сўнг оғриқни ҳис қилган бола ота-онасига ҳам, шифокорга ҳам ишонмай қўяди.

2. «Сен қолавер, мен кетдим!»

Ўйнаётган болани уйга олиб кетиш учун айтган гапингиздан сўнг бола қўрққанидан йиғлаганча ортингиздан югуради. Сиз мақсадингизга етдингиз, шундайми? Лекин бола бу таҳдид ёлғон эканини билмайди ва бир куни мени ташлаб кетишлари мумкин, деган фикрга келиб қолади. Бу ҳолнинг такрорланиши эса унинг ота-онасининг муҳаббатига бўлган ишончини парчалаб боради. Балки фарзандингиз яна озгина ўйнагани яхшироқдир, нима дедингиз?

3. «Баракалла, яхши бажаряпсан!»

Тўғри, болани рағбатлантириб туриш керак. Лекин агар бу меъёрдан ортиқча бўлса, 30 ёшга кирганида ҳам дастрўмолчасини ўзи ювгани учун мақтов эшитишни хоҳлаб туради. Мақтамасангиз, рағбатлантирмасангиз, ҳеч бир ишни қилишни хоҳламайди. Шунинг учун бола улғайган сари у билан гаплашишнинг меъёрларига амал қилган маъқул.

4. «Мана, етиб қолдик!»

Йўлда йиғлаётган болани кўндириш учун энг яхши усул, тўғрими? Лекин кун келиб бола ҳам мана шундай ёлғон ишлата бошлашига розимисиз?!

5. «Билмайман!»

Жуда кўп савол бериш болаларга хос одат. Уларнинг саволларига эринмасдан жавоб беринг. «Билмайман!» деган жавобни дунёдаги энг билимли инсонлар деб ҳисоблаган ота-онасидан эшитган бола учун бу жуда қаттиқ зарба ҳисобланади. Айниқса, жавобни тарбиячисидан ёки бошқа бировдан эшитган болага бу янада аянчлироқдир. Энди унинг назарида ота-онасидан ҳам ақлли инсонлар бор.

6. «Ўйлаб кўрамиз!»

Ҳаммамиз биламизки, бу «йўқ» деган гапнинг бошқача кўринишидир. Болада умид уйғотиб, уни алдаб нима қилдик?! «Йўқ!» деб қўяқолайлик! Унинг ҳар бир илтимосига «Хўп!» дейишимиз шарт эмас.

7. «Бугун парк ишламайди».

Ота-оналар вақтлари йўқлигида мана шу ёлғонни ишлатишади. Лекин деразадан, машина ойнасидан парклар ёки болалар майдончаларида ўйнаётган болаларни кўриб қолган бола энди сиз ҳақингизда нима деб ўйлайди? Демак, ёлғон гапириш мумкин экан, деган фикрга келади.

8. «Мен сенинг ёшингдалигимда бундай қилмаганман!»

Болалар биз ҳам адашганимизни, хатолар қилганимизни, ҳар қандай одам ҳам бирор ишни бир неча бор уринганидан сўнг уддасидан чиқишини билишлари лозим. Бизнинг юқоридаги гапимиз эса боладаги ўзига бўлган ишончни синдириб қўяди.

9. «Мен сенинг ҳар бир қадамингни кўриб, билиб тураман!»

Бу гапдан кейин бола ўзини ҳимоясиз ҳис қилади. Ҳар бир қадамини қўрқиб босади, қўрқоқликка ўргана бошлайди. Ундан кўра боланинг ўзини қилган ишларининг ростини қўрқмасдан айтишга ўргатиш лозим. У сиздан қўрқяптими, айбни бошқаларга тўнкашни ўрганади.

10. «Торт ёки шоколад тугади!»

Болалар зарарли егуликларни кўп емасликлари учун ишлатиладиган машҳур ёлғон. Лекин фарзандингиз шоколадни дўкондан сотиб олганингизда қанча бўлган-у, яна қанча қолганини кўргани аниқ. Ёлғон гапиришнинг нима кераги бор? Яна озгина бериш ёки зарарини тушунтириш яхшироқ эмасми?

11. «Ўйинчоқларинг қаердалигини билмайман. Ўзинг йўқотгансан!»

Ота-оналар болаларнинг ўйинчоқларини ёйиб ташламаслиги ёки қайта ўйнамаслиги учун уни яшириб қўйишади. Кейин болага ўзи йўқотганини сингдирмоқчи бўлишади. Излаб топа олмаган бола ўзини айбдор ҳис қила бошлайди. Бу эса кейинчалик ҳам айбдорлик ҳисси билан яшашига олиб келади.

12. «Эртага яна келамиз!»

Болани кўндириш учун айтиладиган бу гапнинг ёлғонлиги аниқ. Кейинроқ келамиз ёки умуман келмаймиз, дейишни эп кўрмаган ота-оналар шу гапни ишлатишади. Бола бунинг ёлғонлигини билганидан сўнг сизга бўлган ишончи сўнади.

АСАЛ ҚИЗИМ

Жоним олар ширин сўзи,
Кулиб боқса қора кўзи,
Дунёимга шодлик ўзи,
Беғуборим, асал қизим!

Баҳор каби сабо мисол,
Хар нафасим, хаво мисол,
Севгимизнинг бахти тимсол,
Беғуборим асал қизим!

Ҳаммадан ҳам гўзалимсан,
Битсам достон ғазалимсан,
Сен ўзимнинг асалимсан,
Беғуборим асал қизим!

Доим шодон ахтли бўлиб,
Бахтлилардан бахтли бўлиб,
Ўниб ўсиб тахтли бўлгин,
Беғуборим асал қизим!

QALB OROM OLGUVCHI MANZIL

@Barno_Otinoyimiz🌸

Nima uchun bomdoddan keyin uxlamaslik kerak?

Йўл юрарди Донишманд тинмай,
Бир қишлоқда бир дам тўхтади.
Савол берди қишлоқнинг аҳли:

- АЁЛ ЗОТИ ҚАНДАЙ ЗОТ ЎЗИ...?

Ўйлаб, деди - Донишманд секин: -

- АЁЛ асли қалбнинг гавҳари,
Усиз ишнинг йўқдир самари.

АЁЛ шундай зотдир ожиза,
АЁЛ бизга ЕТТИ МЎЪЖИЗА.

Оёғининг остида ЖАННАТ,
Қўли гулдир ажойиб САНЪАТ.

Тишлари дур товланиб турар,
Кўзларида меҳр мавж урар.

Пичирлайди лаблари фақат,
АЁЛ учун берилган тоқат.

Сочларида қор, қиров номи,
Тилларида Бахтнинг каломи.

Қулоқлари тинглар яхши сўз,
Киприклари мисли бир товус.

Қошларида камоннинг акси,
Ҳеч ЗОТ йўқдир АЁЛДЕК яхши.

Ўзи эмас болам есин дер,
Ширин болам ОНАМ десин дер.

Кўникади шарт қўйса ТАҚДИР,
Бундай ЗОТ ким, АЁЛдир ахир.

Эркаксизми АЁЛни дерсиз,
АЁЛ менинг бир ёрим дерсиз.

Онам АЁЛ, Аёлим АЁЛ,
Опа -сингил, жигарим АЁЛ.

Ўзбек аёли иболари бор,
Бошда рўмол, Зеболари бор.

Сўзим бисёр АЁЛ васлига,
Сўзим ожиз, АЁЛ наслига.

Деди, шундай сўзлар ДОНИШМАНД!
Қишлоқ аҳлин қамради ҲАЙРАТ!!!

Наҳот АЁЛ, шундай УЛУҒ ЗОТ,
АЁЛларнинг бори ўзи БАХТ...!!!

#АЁЛ 🧕

• Аёл қаҳва ☕️ кабидир:
- пишгунича аччиқ бўлади, пишгандан сўнг ҳузур беради.
• Аёл бола 👩‍🦲 кабидир:
- бошида гапиришини жуда хоҳлайсан, кейин қачон жим бўлишини кутиб яшайсан.
• Аёл денгиз 🌊 кабидир:
- қачон сокин бўлишини ва қачон тўфон кўтарилишини билмайсан.
• Аёл топишмоқ 🧐 кабидир:
- жавобини топгунингча жиғибийрон бўласан, топганингда эса жуда осон эканини билиб кулиб қўясан.
• Аёл кока-кола 🥤 кабидир:
- зарари борлигини биласану лекин тарк этолмайсан.
• Аёл термост 🌪 кабидир:
- Ҳар қандай эски муаммони қайноқ ҳолда тутиб тура олади.
• Аёл гул 🌹 кабидир:
- эътибор берганинг сари гўзаллашади.

© Маҳбубий

Аёллар ўқиб, уқиб, амал қилсин!

Муслима аёлнинг асосий 10 қоидаси:

Дунёда турмуш ўртоғининг доимий муҳаббатига сазовор бўлишни истамайдиган аёл бўлмаса керак. Чунки бахтнинг асосий мезони ҳам эр-хотин ўртасидаги ўзаро меҳр-муҳаббатдир. Қолаверса, икки дунё саодатига эришмоқчи бўлган солиҳа аёл, биринчи галда, эрининг юксак муҳаббатини қозонмоғи лозим. Ана шу бахтдан умидвор ҳар бир солиҳанинг асосий 10 қоидани билиши эса нур устига нур.

🌸1. Ўз эрингиз учун жозибали бўлинг!
Аллоҳ Таоло барча аёлларни ўз эрлари учун пардоз-андоз қилишга, доим гўзал, покиза ва ораста бўлиб юришни буюрган. Аллоҳ амр этганидек эрингиз юрагини забт этиш учун ўз чиройингизни ишга солинг!

🌸2. Яхши кайфият билан қаршиланг!
Тасаввур қилинг, эрингиз ишдан қайтди: саранжом-саришта уй, ширин калом, яхши кайфият билан кулиб қарши олган гўзал аёли, у севиб истеъмол қиладиган мазали таомлар, озода фарзандлар. Шунда ҳам эрингизда салбий муносабат кузатилармикан?!

🌸3. Жаннатдаги аёлларни ўрганиб чиқинг ва уларга тақлид қилинг.
Қуръони Каримда битилишича, Жаннатдаги аёллар ипак матоли кўйлаклар кийган, йирик қора кўзли, эрлари учун қўшиқлар куйловчи ва ҳаказо сифатларга эга. Сиз ҳам турмуш ўртоғингиз учун нафис ипак матолардан тикилган кўйлаклар кийинг, кўзингизни йирикроқ кўрсатувчи қора қаламдан фойдаланинг, эрингиз учун қўшиқлар куйлаб беринг.

🌸4. Уйингизда гўзал тақинчоқларга бурканинг ва ўзингизга оро беринг.
Барча аёллар болалигидан нафис сирғалар, билакузуклар тақади, чиройли кийимлар кийишади. Ана шу одатни энди уйингизда давом эттиринг. Бу эрингизга маъқул бўлади.

🌸5. Ҳазиллашинг, кайфиятини кўтаринг!
Бир сир мавжуд: эркаклар кўпинча хушчақчақ аёлларга талпинишади. Бир куни Расулуллоҳ соллаллоҳу алайҳи ва саллам Жобир исмли саҳобасига уни кулишга мажбур қила оладиган аёлга уйланиш маслаҳатини берди.

🌸6. Оиласи учун қилаётган барча эзгу ҳаракатлари ва меҳнатлари учун миннатдорлик билдириб туринг!
Жаннати аёлнинг безаги шукрона ва эрини доимий қўллаб-қувватлаш, оиласи бахту фаровонлиги учун қилаётгани ишларига ижобий баҳо бериш, раҳмат айтиш.

🌸7. Баҳс пайтида, айбингиз бўлмаса-да, “кечиринг”, “узр” деган сўзни канда қилманг.
Албатта, ҳар бир хонадонда келишмовчилик, катта-кичик жанжалли ҳолатлар кузатилиши табиий. Ана шундай пайтларда баҳслашманг, оловга мой сепманг. Вазиятни кутинг ва “Кечиринг, жаҳлингизни чиқардим. Илтимос, баҳслашмайлик, дадаси”, денг — олам гулистон.

🌸8. Доим “Жаннат калити” бўлган эрингизнинг кўнгилини олишга ҳаракат қилинг.
Набийлар саллоллоҳу алайҳи ва саллам қазосига етганида эридан рози-ризолик, чин миннатдорлик ола билган ҳар бир муслима Жаннатга киришини айтдилар.

🌸9. Тингланг ва итоат қилинг!
Эрига итоат этиш — фарз. Сизнинг умр йўлдошингиз — оила бошлиғи. Унга ана шу туйғуни ҳис этиш имконини беринг ва ҳурматига сазовор бўлинг.

🌸10. Никоҳингиз мустаҳкам, оилавий муносабатларингиз абадий бўлишини Аллоҳдан сўранг.
Барча неъмат буюк Аллоҳдан. Ибодат чоғи дуога қўл очганингизда Яратган Эгам инъом этган никоҳ ришталари мустаҳкам бўлишини сўрашни ва ана шундай сийлов учун шукрона билдиришни ҳеч қачон унутманг.

Аллоҳ таоло барча оилаларга икки дунё саодатини берсин! Омин

Аёл шундай саркарда-ки, бош эгганда ғолиб бўлар...