🎓 Qadrli abituriyent tanlovda adashmang!

Kelajagingiz uchun eng to'g'ri qarorni bugun qabul qiling.
📍 Andijon davlat pedagogika institutini tanlang!
✨ Zamonaviy ta'lim, keng imkoniyatlar va yorqin kelajak aynan shu yerdan boshlanadi.
🚀 Kelajakni kutmang — uni bugundan yarating!

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube

ADPIda o‘qish istagi bormi? Imkoniyat qo‘lingizda!

Andijon davlat pedagogika institutida 2026/2027-o‘quv yili uchun tabaqalashtirilgan to‘lov-kontrakt (super-kontrakt) asosida o‘qish imkoniyati mavjud.

Kirish imtihonlarida Andijon davlat pedagogika institutini tanlagan, imtihon natijalariga ko‘ra 56,7 va undan yuqori ball to‘plagan, biroq talabalikka tavsiya etilmagan abituriyentlar tabaqalashtirilgan to‘lov-kontrakt asosida o‘qishga qabul qilinadi.

Mazkur imkoniyatdan foydalangan abituriyentlar Andijon davlat pedagogika instituti talabasi sifatida 2-sentyabrdan o‘qishni boshlashlari mumkin.

Super-kontrakt asosida o‘qishga kirish tartibi, to‘lov miqdori, zarur hujjatlar hamda boshqa muhim masalalar yuzasidan batafsil ma’lumot olish uchun institutning Qabul markaziga murojaat qilishingiz mumkin.

📞 Murojaat uchun telefonlar:
+998 77 110 01 75
+998 77 120 01 75
+998 74 224 44 09
+998 74 224 01 72

🎓 Andijon davlat pedagogika instituti — kelajagingiz sari ishonchli qadam!

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

#rasmiy_xabar

⚡️Andijon davlat pedagogika institutida yangi o‘quv yili boshlanish sanasi belgilandi

2026/2027-o‘quv yilida Andijon davlat pedagogika institutida o‘quv jarayonlari quyidagi grafikda boshlanadi:

✅1-bosqich talabalari uchun — 7-sentyabrdan;
✅2-bosqich va undan yuqori bosqich talabalari uchun — 14-sentyabrdan o‘quv jarayonlari tashkil etiladi.

Super kontrakt asosida o'qish istagida bo'lgan talabgorlar Andijon davlat pedagogika instituti talabasi sifatida 7-sentyabrdan o‘qishni boshlashlari mumkin.

Super-kontrakt asosida o‘qishga kirish tartibi, to‘lov miqdori, zarur hujjatlar hamda boshqa muhim masalalar yuzasidan batafsil ma’lumot olish uchun institutning Qabul markaziga murojaat qilishingiz mumkin.

📞 Murojaat uchun telefonlar:
+998 77 110 01 75
+998 77 120 01 75
+998 74 224 44 09
+998 74 224 01 72

Talabalar turar joylari hamda ijara xonadonlari bo'yicha batafsil ma'lumot olish uchun maxsus elektron platforma:
https://adpittj.netlify.app/

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube

ANDIJON DAVLAT PEDAGOGIKA INSTITUTI REKTORINING BAYRAM TABRIGI

Hurmatli ustozlar, aziz talabalar, qadrli hamkasblar!

Siz azizlarni, sizlar orqali barcha yurtdoshlarimizni xalqimiz hayotidagi eng ulug‘ va eng qadrli sana — O‘zbekiston Respublikasi davlat mustaqilligining 35 yilligi munosabati bilan chin qalbimdan samimiy muborakbod etaman!

Mustaqillik — xalqimizning asriy orzu-intilishlari ro‘yobga chiqqan, milliy davlatchiligimiz, o‘zligimiz, sha’n-u g‘ururimiz qayta tiklangan buyuk tarixiy ne’matdir. Aynan istiqlol tufayli xalqimiz o‘z taqdiri va kelajagini o‘zi belgilash, erkin va farovon hayot barpo etish, ajdodlarimizning boy ma’naviy merosini tiklash hamda uni kelajak avlodlarga munosib yetkazish imkoniyatiga ega bo‘ldi.

O‘tgan 35 yil davomida mamlakatimiz ulkan taraqqiyot yo‘lini bosib o‘tdi. Yurtimiz qiyofasi tubdan yangilandi, xalqimizning dunyoqarashi va tafakkuri yuksaldi, ta’lim, ilm-fan, iqtisodiyot, madaniyat hamda ijtimoiy hayotning barcha jabhalarida keng ko‘lamli islohotlar amalga oshirildi.

Bugun Yangi O‘zbekistonni barpo etish yo‘lida olib borilayotgan yangilanishlar, bunyodkorlik ishlari va ezgu tashabbuslar zamirida inson qadri, xalq farovonligi va kelajak avlodlar taqdiri mujassam. Ayniqsa, yoshlarning zamonaviy bilim olishi, o‘z iste’dod va salohiyatini ro‘yobga chiqarishi uchun yaratilayotgan imkoniyatlar yurtimizning ertangi kuniga bo‘lgan yuksak ishonchning yorqin ifodasidir.

Aziz do‘stlar!
Andijon davlat pedagogika instituti jamoasi ham mamlakatimizda amalga oshirilayotgan ulkan bunyodkorlik jarayonlarining faol ishtirokchisi sifatida ta’lim sifatini yuksaltirish, zamonaviy pedagog kadrlarni tayyorlash, ilmiy salohiyatni oshirish va yosh avlodni Vatanga sadoqat ruhida tarbiyalash yo‘lida fidokorona mehnat qilib kelmoqda.

Institutimizda yaratilayotgan yangi imkoniyatlar, xalqaro hamkorlikning kengayib borayotgani, ilmiy-tadqiqot faoliyatidagi yutuqlar, professor-o‘qituvchilarimizning fidoyiligi hamda talabalarimizning respublika va xalqaro miqyosdagi muvaffaqiyatlari barchamizga faxr va g‘urur bag‘ishlaydi.

Aziz talabalar! Sizlar — Yangi O‘zbekistonning ertangi kuni, Vatanimiz taraqqiyotini yangi bosqichlarga olib chiqadigan bilimli, tashabbuskor va vatanparvar avlodsiz. Sizlarning har bir yutug‘ingiz, har bir ezgu tashabbusingiz va bilim yo‘lidagi intilishingiz yurtimiz kelajagiga qo‘shilgan munosib hissadir.

Shu qutlug‘ ayyomda barchangizga mustahkam sog‘lik, xonadonlaringizga tinchlik-xotirjamlik, fayz-u baraka, oilaviy baxt va farovonlik tilayman. Ilmiy, pedagogik va ijodiy faoliyatingizda ulkan muvaffaqiyatlar, Vatanimiz ravnaqi yo‘lidagi barcha ezgu ishlaringizda yangi zafarlar hamroh bo‘lsin!

Yurtimiz osmoni hamisha musaffo, xalqimiz tinch va farovon, mustaqilligimiz esa abadiy bo‘lsin!

O‘zbekiston Respublikasi davlat mustaqilligining 35 yilligi barchamizga muborak bo‘lsin!

Hurmat bilan,
RASULOV Baxtiyor Mahmudjonovich
Andijon davlat pedagogika instituti rektori

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

🟦🟦🟦 🟦🟦

2026/2027-O‘QUV YILIDA O‘QUV JARAYONLARI VA TALABALAR TURAR JOYIGA JOYLASHISH MUDDATLARI

Andijon davlat pedagogika institutida 2026/2027-o‘quv yilida o‘quv jarayonlari bosqichlar kesimida quyidagi muddatlarda boshlanadi (Bakalavr va magistratura uchun):

✅ 1-bosqich talabalari uchun — 7-sentyabrdan;
✅ 2-bosqich va undan yuqori bosqich talabalari uchun — 14-sentyabrdan.

Shuningdek, tabaqalashtirilgan to‘lov-kontrakt — super-kontrakt asosida tahsil olish istagida bo‘lgan talabgorlar ham Andijon davlat pedagogika instituti talabasi sifatida 7-sentyabrdan o‘quv jarayonlarida ishtirok etishlari mumkin.

Super-kontrakt asosida o‘qishga kirish tartibi, to‘lov miqdori, zarur hujjatlar va boshqa muhim masalalar yuzasidan batafsil ma’lumot olish uchun institutning Qabul markaziga murojaat qilishingiz mumkin.
📞 Murojaat uchun telefonlar:
+998 77 110 01 75
+998 77 120 01 75
+998 74 224 44 09
+998 74 224 01 72

TALABALAR TURAR JOYIGA JOYLASHISH TARTIBI

1-bosqichga qabul qilingan talabalar my.gov.uz platformasi orqali ariza yuborib, talabalar turar joyiga joylashish bo‘yicha yo‘llanmasi shakllangan bo‘lsa, quyidagi muddatlarda joylashishlari mumkin:

🔹 1- va 2-sonli talabalar turar joylari hamda DXSHga — 5-sentyabrdan;
🔹 3-sonli talabalar turar joyiga — 6-sentyabrdan.

❗️Yuqori bosqich, ya’ni 2–4-bosqich talabalari esa my.gov.uz platformasi orqali ariza yuborib, TTJga joylashish bo‘yicha yo‘llanmasi shakllangan taqdirda 8-sentyabrdan boshlab talabalar turar joyiga joylashishlari mumkin.

⚠️Talabalardan TTJga kelishdan avval my.gov.uz platformasidagi ariza holatini va joylashish bo‘yicha yo‘llanmasi shakllanganini tekshirish so‘raladi.

🏠 Talabalar turar joylari hamda ijara xonadonlari bo‘yicha batafsil ma’lumot olish uchun maxsus elektron platforma:
https://adpittj.netlify.app/

🗺Manzil: Andijon shahar, do'stlik ko'chasi 4-uy (🚕20 yo'nalishdagi damaslar qatnaydi)

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube

🟦🟦

PREZIDENTIMIZNING ANDIJON VILOYATIGA TASHRIFI — YANGI IMKONIYATLAR VA YUKSAK MARRALAR SARI MUHIM QADAM

O‘zbekiston Respublikasi Prezidenti Shavkat Mirziyoyevning Andijon viloyatiga tashrifi hududimizning ijtimoiy-iqtisodiy rivojida yangi istiqbollarni belgilab berdi.

Davlatimiz rahbarining tashrif davomida viloyat taraqqiyoti, yangi investitsiya loyihalari, zamonaviy infratuzilma, ta’lim va yoshlar uchun yaratilayotgan imkoniyatlarga qaratgan alohida e’tibori andijonliklarga katta ishonch va mas’uliyat yuklaydi.

🎥 Andijon davlat pedagogika instituti rektori, professor Baxtiyor Rasulov Prezidentimizning Andijon viloyatiga tashrifi yuzasidan o‘z munosabatini bildirdi.

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube

AZIZ HAMKASBLAR, MUHTARAM PROFESSOR-O‘QITUVCHILAR!

Siz, aziz ustoz va murabbiylarni, ta’lim sohasi fidoyilarini 1-oktyabr — O‘qituvchi va murabbiylar kuni munosabati bilan chin qalbimdan samimiy muborakbod etaman!

Ustozlik — shunchaki kasb emas, balki inson tafakkurini yuksaltirish, qalbiga ezgulik urug‘ini qadash, uning hayot yo‘lini belgilashdek ulkan mas’uliyatni o‘z zimmasiga olgan sharafli va muqaddas missiyadir. Har bir yetuk mutaxassis, olim, ziyoli va Vatan ravnaqiga hissa qo‘shayotgan insonning kamolotida, avvalo, ustozning bilimi, sabri, fidoyiligi va mehr-muhabbati mujassam.

Bugun Yangi O‘zbekistonda ta’limni rivojlantirish, pedagogning jamiyatdagi mavqei va nufuzini yuksaltirish davlat siyosatining eng muhim yo‘nalishlaridan biriga aylandi. Muhtaram Prezidentimiz Shavkat Miromonovich Mirziyoyev rahbarligida o‘qituvchi va murabbiylarning sha’ni va qadr-qimmatini himoya qilish, ularning munosib mehnat qilishi uchun zarur shart-sharoitlar yaratish, moddiy va ma’naviy rag‘batlantirish borasida amalga oshirilayotgan keng ko‘lamli islohotlar buning yaqqol tasdig‘idir.

Ayniqsa, o‘qituvchining maqomi va uning kasbiy faoliyatiga oid kafolatlarning qonunchilik darajasida mustahkamlanishi, pedagoglarni o‘z vazifasiga daxldor bo‘lmagan ishlarga jalb etishga qarshi huquqiy mexanizmlarning yaratilishi, mehnatiga haq to‘lash va rag‘batlantirish tizimining izchil takomillashtirilayotgani ustozga bo‘lgan ehtiromning amaliy ifodasidir.

Davlatimiz rahbari ta’kidlaganidek, “Biz o‘qituvchi va ustozlik kasbining maqomi va nufuzini oshirishga hal qiluvchi masala sifatida qaramoqdamiz.” Bugun bu ezgu tamoyil ta’lim tizimining barcha bo‘g‘inlarida o‘z aksini topmoqda.

Andijon davlat pedagogika instituti jamoasi uchun bu e’tibor ayniqsa katta mas’uliyat yuklaydi. Chunki bizning dargohimizda tahsil olayotgan bugungi talaba ertaga minglab yosh avlod vakillariga bilim va tarbiya beradigan USTOZ bo‘lib kamol topadi. Demak, biz nafaqat mutaxassis tayyorlaymiz, balki jamiyatning ma’naviy va intellektual kelajagini bunyod etadigan pedagoglarni voyaga yetkazamiz.

Shu bois institutimizda ta’lim sifatini yuksaltirish, ilmiy-tadqiqot faoliyatini rivojlantirish, zamonaviy pedagogik va raqamli texnologiyalarni o‘quv jarayoniga keng tatbiq etish, xalqaro hamkorlikni mustahkamlash, professor-o‘qituvchilarimizning ilmiy va kasbiy salohiyatini qo‘llab-quvvatlash bundan keyin ham faoliyatimizning ustuvor yo‘nalishlari bo‘lib qoladi.

Qadrli ustozlar!

Institutimiz erishayotgan har bir yutuq, talabalarimizning har bir muvaffaqiyati, ilm-fan va ta’lim sohasidagi har bir natija ortida sizlarning zahmatli mehnatingiz, boy tajribangiz, tashabbuskorligingiz va kasbingizga bo‘lgan sadoqatingiz mujassam.

Sizlar auditoriyada faqat bilim bermaysiz. Siz yoshlarning dunyoqarashini shakllantirasiz, ularga mustaqil fikrlashni, Vatanga sadoqatni, insoniylikni, mas’uliyatni va ezgu maqsadlar sari intilishni o‘rgatasiz. Eng muhimi, o‘z shaxsiy namunangiz bilan kelajak avlod uchun haqiqiy hayot maktabini yaratasiz.

Fursatdan foydalanib, Andijon davlat pedagogika institutining barcha professor-o‘qituvchilari, faxriy ustozlari va ta’lim-tarbiya sohasi fidoyilariga sharafli va mas’uliyatli faoliyatingiz, yosh avlod kamoloti hamda institutimiz taraqqiyoti yo‘lidagi fidokorona mehnatingiz uchun chuqur minnatdorlik bildiraman.

Sizlarni 1-oktyabr — O‘qituvchi va murabbiylar kuni bilan yana bir bor chin qalbimdan muborakbod etaman!

Barchangizga mustahkam sog‘lik, oilaviy baxt va xotirjamlik, xonadonlaringizga fayzu baraka, ilmiy-pedagogik faoliyatingizda ulkan muvaffaqiyatlar, shogirdlaringiz kamolini ko‘rib yurish baxtini tilayman.

Ustozga ehtirom — ilmga ehtirom,
ustozga hurmat — kelajakka hurmatdir!

Bayramingiz muborak bo‘lsin, aziz va muhtaram ustozlar!

©Rasulov Baxtiyor Mahmudjonovich
Andijon davlat pedagogika instituti rektori

✅@BaxtiyorRasulov

🌍 ANDIJON DAVLAT PEDAGOGIKA INSTITUTI — XALQARO THE IMPACT RANKINGS 2026 REYTINGIDA!

🏆 Andijon davlat pedagogika instituti nufuzli Times Higher Education (THE) xalqaro reytingining 2026-yilgi natijalarida munosib ishtirok etdi.

Dunyo oliy ta’lim muassasalarining Birlashgan Millatlar Tashkiloti Barqaror rivojlanish maqsadlariga qo‘shayotgan hissasini baholovchi THE Sustainability Impact Ratings 2026 reytingida institut 17 ta maqsaddan 15 tasi bo‘yicha 1000-o‘ringacha bo‘lgan reyting oralig‘iga kiruvchi yoki 1000-o‘rin chegarasidan boshlanuvchi ochiq natijalarni qayd etdi.

📊 Institutning eng yuqori natijalari:
🥇 401–600-o‘rin:
Munosib mehnat va iqtisodiy o‘sish (BRM 8)
Quruqlikdagi hayot (BRM 15)

🏅 601–800-o‘rin:
Sifatli ta’lim (BRM 4)
Sanoat, innovatsiyalar va infratuzilma (BRM 9)
Tengsizliklarni qisqartirish (BRM 10)
Barqaror shaharlar va hamjamiyatlar (BRM 11)
Iqlim o‘zgarishiga qarshi kurash (BRM 13)

Shuningdek, institut gender tengligi yo‘nalishida 801–1000-o‘rinni egalladi. Qolgan bir qator yo‘nalishlarda ham xalqaro reyting natijalari qayd etildi.

🌐 Mazkur natijalar institutda ta’lim sifatini oshirish, ilmiy tadqiqotlarni rivojlantirish, ijtimoiy mas’uliyat, ekologik barqarorlik va xalqaro hamkorlikni mustahkamlash borasidagi faoliyatning xalqaro miqyosda baholanayotganini ko‘rsatadi.

🔗 THE rasmiy reyting natijalari

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

#SavolJavob

❓Kunduzgi ta’lim shaklida tahsil olayotgan talaba asosiy ish joyida to‘liq 1 stavkada ishlashi mumkinmi? Amaldagi mehnat qonunchiligida talabaning kunduzgi ta’limda o‘qishi va bir vaqtning o‘zida to‘liq stavkada mehnat faoliyatini amalga oshirishiga nisbatan qandaydir cheklovlar mavjudmi?

🧢Ushbu savolga ekspert, Toshkent davlat yuridik universiteti katta o‘qituvchisi, advokat Muhammadamin Karimjonov javob beradi.

Facebook | Instagram | YouTube | Telegram

🟦🟦

REKTORNING SAYYOR QABULI ÖTKAZILADI!

🔹 23-oktyabr kuni soat 10:00 da Andijon davlat pedagogika instituti rektori Baxtiyor Rasulov tomonidan talabalar, professor-öqituvçilar hamda fuqarolar uçun sayyor qabul taşkil etiladi.

✅ Sayyor qabul davomida murojaatçilarning taklif va taşabbuslari, mavjud muammolari hamda murojaatlari tinglanib, ularni ijobiy hal etiş yuzasidan tegişli çoralar köriladi.

📌 Xususan, ta’lim sifati, öquv jarayonlari, talabalar uçun yaratilgan şart-şaroitlar, ijtimoiy qöllab-quvvatlaş, bandlik va boşqa dolzarb masalalar yuzasidan rektorga bevosita murojaat qiliş imkoniyati yaratiladi.

📅 Sana: 23-oktyabr, 2026-yil
🕙 Vaqt: 10:00

💬 Savolingiz, taklifingiz yoki murojaatingiz bormi? Unda sayyor qabulda iştirok eting!

Har bir murojaat — e’tiborda, har bir taklif — muhim!

🟦Rasmiy sahifalarimizni kuzatib boring
🟦Telegram🟦Facebook🟦Instagram🟦YouTube