#OnlaynTest

Qo‘shma ta'lim dasturlariga navbatdagi qabul imtihonlari bo‘lib o‘tdi

Qo‘shma ta’lim dasturlariga navbatdagi qabul imtihonlari bo‘lib o‘tdi

📆 2026-yil 26-oktyabr kuni qo‘shma ta’lim dasturlariga qabulning ikkinchi bosqichi doirasida Toshkent davlat texnika universiteti, O‘zbekiston davlat jismoniy tarbiya va sport universiteti, Bank-moliya akademiyasi hamda Oziq-ovqat texnologiyasi va muhandisligi institutida chet tillari bo‘yicha test sinovlari o‘tkazildi.

💼 Talabgorlar Bilim va malakalarni baholash agentligi tomonidan ishlab chiqilgan elektron platforma orqali test sinovlarini topshirdilar. Sinovlar yakunida ular o‘zlari to‘plagan ballar bilan shu vaqtning o‘zida tanishish imkoniga ega bo‘ldilar.

📝 Imtihon natijalari bo‘yicha qaydnomalar rasmiylashtirilganidan so‘ng, belgilangan tartibda tegishli oliy ta’lim tashkilotlariga taqdim etiladi.

📎 Ma’lumot uchun: O‘zbekiston Respublikasi Vazirlar Mahkamasining 2021-yil 6-iyuldagi 421-son qaroriga muvofiq, respublikadagi oliy ta’lim muassasalari hamda xorijiy hamkor oliy ta’lim tashkilotlarining qo‘shma ta’lim dasturlariga qabulning ikkinchi bosqichi — ta’lim dasturi doirasida o‘qitiladigan chet tili bo‘yicha kirish imtihonlari Bilim va malakalarni baholash agentligi tomonidan o‘tkazib kelinmoqda.

✅ Agentlikning rasmiy sahifalari:
Telegram | Facebook | Instagram | YouTube

Bugun Prezident Shavkat Mirziyoyev Ko‘ksaroy qarorgohida sog‘liqni saqlash va farmatsevtika sohasi xodimlari bilan uchrashuv o‘tkazdi

Unda Prezidentimiz 2027-yildan oliygohlarda tor soha mutaxassisligi bo‘yicha o‘qish – rezidentura bepul bo‘lishini ma’lum qildi. Talabalarga 3 million so‘m stipendiya to‘lanadi.

Yo‘nalishga qarab rezidentura ikki yildan besh yilgacha davom etadi. Oilaviy shifokorlik bo‘yicha o‘qish ikki yil, jarrohlik bo‘yicha esa besh yil bo‘ladi.

Oliygohlarga klinikalar bog‘lanib, “universitet klinikasi” tizimi joriy etilgan. Endi tibbiyotdagi ilmiy tadqiqotlarning 80 foizi oliygohlar klinikasida bo‘lishi kerakligi ko‘rsatib o‘tildi.

✅ Agentlikning rasmiy sahifalari:
Telegram | Facebook | Instagram | YouTube

#OnlaynTest

Ichki ishlar organlariga ishga kiruvchi nomzodlar uchun test sinovlari o‘tkazildi

📆 2026-yil 27-oktyabr kuni Ichki ishlar organlarida xizmatga nomzodlarni qabul qilish uchun navbatdagi test sinovlari bo‘lib o‘tdi.

🇺🇿 Test sinovlari O‘zbekiston Respublikasi Vazirlar Mahkamasining “Ichki ishlar organlarida xizmatga nomzodlarni qabul qilish uchun test sinovlarini o‘tkazish tartibi to‘g‘risidagi nizomni tasdiqlash haqida” 2023-yil 31-avgustdagi 433-son qaroriga muvofiq o‘tkazildi.

📍 Test sinovlari respublikamizning barcha hududlarida tashkil etildi. Ularda 960 nafardan ziyod talabgor ishtirok etdi.

💼 Test sinovlari Bilim va malakalarni baholash agentligining “Onlayn test” axborot tizimi orqali o'tkazildi va talabgorlar shu vaqtning o‘zida to‘plagan ballarini bilib oldilar.

📝 Test natijalari bo‘yicha qaydnomalar rasmiylashtirilgach, tegishli vazirlikka taqdim etiladi.

✅ Agentlikning rasmiy sahifalari:
Telegram | Facebook | Instagram | YouTube

#Sertifikat_natija

〰️〰️〰️〰️〰️〰️〰️〰️

Milliy sertifikat imtihoni natijalari e’lon qilindi

🗓 2026-yil 26–29-sentabr va 2–4-oktabr kunlari o‘tkazilgan biologiya, kimyo, fizika va matematika fanlaridan milliy sertifikat imtihonlari natijalari e'lon qilindi.

🆔 Talabgorlar o‘z natijalarini my.gov.uz saytining “Mening arizalarim” bo‘limi orqali bilishlari va sertifikatni elektron tarzda yuklab olishlari mumkin.

📊 Test natijalari xalqaro metodika – Rash modeli asosida hisoblangan bo‘lib, talabgorlarga to‘plagan bali asosida quyidagicha sertifikat taqdim etiladi:

🔹 70 balldan yuqori ball — A+ daraja;
🔹 65 - 69,9 ball — A daraja;
🔹 60 - 64,9 ball — B+ daraja;
🔹 55 - 59,9 ball — B daraja;
🔹 50 - 54,9 ball — C+ daraja;
🔹 46 - 49,9 ball — C daraja.

❗️O‘z natijasidan norozi bo‘lgan talabgorlar 5 kun ichida my.gov.uz sayti orqali apellyatsiya shikoyati berishlari mumkin. Apellyatsiya arizalari arizalarni qabul qilish toʻliq yakunlangandan so‘ng ikki hafta ichida ko‘rib chiqiladi.


✅ Agentlikning rasmiy sahifalari:
Telegram | Facebook | Instagram | YouTube

#Korrupsiya

💪 BILIM VA ADOLAT UÇUN BIRLAŞAMIZ!

🤝 Jamiyat rivojini orqaga tortuvçi eng katta illat — bu korrupsiyadir. Ayniqsa, yoşlarning bilimini baholaş jarayonlarida adolatning ta’minlanişi har qaçongidan ham muhim.

👧 Qobiliyatli, öz ustida tinimsiz işlaydigan va halol raqobatga tayyor yoşlarimiz kelajak drayverlari hisoblanadi. Şaffoflikni ta’minlaş, inson omilini kamaytiriş va adolatli baholaş muhitini yaratiş yölida barçamiz mas’ulmiz.

👮 Korrupsiyaga qarşi kuraşiş faqat qonun bilan emas, balki har birimizning vijdonimiz va halolligimiz bilan amalga oşadi. Kelajakka qarşi jinoyatga yöl qöymaylik!

✍️ @BBASirdaryo

President Sh.Mirziyoyev Markaziy Osiyo xalqaro ta’lim forumi ishtirokchilariga tabrik yo‘lladi

Unda ta’lim yo‘nalishida ham buyuk alloma va mutafakkirlarimiz merosiga tayanishimiz, bunday boy ma’rifiy an’analarni bugungi texnologik davr talablari bilan uyg‘unlashtirish bo‘yicha katta imkoniyatlarga egaligi,

qariyb 85 million aholi istiqomat qilayotgan mintaqamizning bebaho boyligi bu – bilimga chanqoq, katta orzu-intilishlar bilan yashayotgan yosh avlod ekani hamda ana shu ulkan demografik salohiyatni qudratli intellektual kuchga aylantirishda eng samarali yo‘l – sifatli, zamonaviy ta’lim va tarbiya ekaniga alohida urg‘u berildi.

Prezidentimiz o‘z tabrigida quyidagilarni ta’kidlab o‘tdi:

Ta’lim tizimi faqat tayyor bilim berish bilan cheklanmasdan, yoshlarda mustaqil fikrlash, ijod qilish, mas’uliyatni his etish va butun umr davomida yangilikka intilib, o‘rganib yashash ko‘nikmalarini ham shakllantirishi zarur.

Buning uchun o‘qituvchi va murabbiylarning rolini oshirish, ta’limning ma’no-mazmunini yangilash, yoshlarni mehnat bozorida talab katta bo‘lgan kasb-hunarlarga yo‘naltirish, maktab, texnikum, universitet va ishlab chiqarish o‘rtasida hamkorlikni mustahkamlashga ustuvor e’tibor qaratiladi.

Sun’iy intellekt, raqamli texnologiyalar va zamonaviy muhandislik yo‘nalishlarini rivojlantirish, universitetlarni ilmiy ixtiro va ishlanmalar markaziga aylantirish, yosh tadqiqotchilarni qo‘llab-quvvatlash ham muhim vazifadir.

Shu bois universitetlar o‘rtasida hamkorlikni kengaytirish, qo‘shma ta’lim dasturlari va ilmiy tadqiqotlarni ko‘paytirish, talaba va olimlar almashinuvini qo‘llab-quvvatlashga alohida ahamiyat berishimiz kerak.

Shuningdek, “Bizning bu sohadagi strategik maqsadimiz – Markaziy Osiyoni o‘zaro ishonch va do‘stlik diyoriga, ilm-ma’rifat, yuksak texnologiyalar va innovatsiyalar birlashgan umumiy intellektual makonga aylantirishdir” – deyiladi Prezident tabrigida.

✅ Agentlikning rasmiy sahifalari:
Telegram | Facebook | Instagram | YouTube