Isitish mavsumida ehtiyojmand aholi uchun moddiy yordam va kompensatsiyalar qamrovi kengaytiriladi

🖋 O‘zbekiston Respublikasi Prezidentining 2026-yil 28-oktabrdagi PF–236-son Farmoni bilan aholini yoqilg‘i-energetika xarajatlari bo‘yicha qo‘llab-quvvatlashga qaratilgan quyidagi choralar belgilandi.

✅ Noyabr oyida 1 million so‘mdan bir martalik moddiy yordam ajratiladi

Yordam quyidagi oilalarga beriladi:

✅ Ijtimoiy reyestrga kiritilgan oilalarga;
✅ reyestrga kiritilmagan, reyestr mezonlariga to‘g‘ri kelgan, oilaning o‘rtacha bir oylik daromadi minimal iste’mol xarajatlarining ikki barobarigacha bo‘lgan, “mahalla yettiligi” xulosasi asosida aniqlangan ehtiyojmand oilalarga;
✅ o‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar reyestridagi fuqarolarga;
✅ yetim va ota-ona qaramog‘idan mahrum bo‘lgan bolalar yashayotgan oilalarga.

Qo‘shimcha ro‘yxatlar 15-noyabrga qadar shakllantiriladi. Mablag‘lar 30-noyabrga qadar fuqarolarning ijtimoiy yoki bank kartalariga o‘tkaziladi.

✅ Reyestrga kiritilmagan ehtiyojmand oilalar ham qamrab olinadi

Bunda oiladagi jon boshiga daromadi minimal iste’mol xarajatlarining 2 barobaridan oshmaydigan oilalar nazarda tutilgan.

Markazlashtirilgan isitish tizimiga ulangan ko‘p qavatli uylarda yashovchi oilalar uchun har bir a’zoga to‘g‘ri keladigan o‘rtacha oylik daromad chegarasi Qoraqalpog‘iston Respublikasi va viloyatlarda 2 barobar, Toshkent shahrida 3 barobar etib belgilangan.

Mazkur choralar ehtiyojmand oilalarning isitish mavsumidagi xarajatlarini yengillashtirish va ijtimoiy yordam bilan qamrovini kengaytirishga qaratilgan.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Elektr, gaz va ko‘mir xarajatlari uchun yordam qamrovi kengaytiriladi

Farmon bilan ehtiyojmand oilalarning energiya va kommunal xarajatlarini yengillashtirish maqsadida yordam olish mezonlari kengaytirilib, kompensatsiya to‘lash muddatlari uzaytirilmoqda.

✅Elektr va gaz kompensatsiyasini olish imkoniyati kengaytiriladi

Kompensatsiya tayinlashda oilaning har bir a’zosiga to‘g‘ri keladigan o‘rtacha oylik daromad mezoni minimal iste’mol xarajatlarining 1,5 barobaridan 2 barobarigacha oshiriladi.

Bazaviy me’yor doirasidagi va undan ortiq iste’mol uchun belgilangan tariflar o‘rtasidagi farqni kompensatsiya qilish muddati 2028-yil 1-aprelga qadar uzaytiriladi.

✅Ko‘mir xarajatlari uchun yordam muddati uzaytiriladi

Ko‘mir sotib olish xarajatlarining bir qismini qoplash uchun moddiy yordam to‘lash 2029-yil 1-yanvarga qadar davom etadi. Ushbu yordamni ajratishda jon boshiga daromad mezoni minimal iste’mol xarajatlarining 1 barobaridan 2 barobarigacha oshiriladi.

✅Kommunal xarajatlarni qoplash bo‘yicha yordam qamrovi kengayadi

“Saxovat va ko‘mak” jamg‘armasi hisobidan kommunal xarajatlar va mavjud qarzdorlikni qoplash, ko‘mir yoki boshqa yoqilg‘i mahsulotlari bilan ta’minlash xarajatlari uchun yordam ajratishda ham daromad mezoni minimal iste’mol xarajatlarining 1 barobaridan 2 barobarigacha oshiriladi.

✅Gaz ta’minoti bo‘lmagan hududlar uchun elektr iste’moli me’yorini oshirish nazarda tutilgan

Tabiiy gaz bilan ta’minlanmagan hamda gaz yetib borishi qiyin bo‘lgan hududlardagi iste’molchilar uchun isitish mavsumida elektr energiyasi iste’molining bazaviy me’yorini 200 kVt·soatdan 350 kVt·soatgacha oshirishni nazarda tutuvchi hukumat qarori qabul qilinadi.

❗️ Mazkur yordamlarni ehtiyojmand oilalarga ko‘rsatish orqali isitish mavsumida ularning moliyaviy yukini yengillashtirish hamda har bir oila xarajatlarining o‘rtacha 535 ming so‘mdan 1 mln 130 ming so‘mgacha kamaytirilishiga erishiladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Qish mavsumida ehtiyojmand oilalarni qo‘llab-quvvatlash kengaytiriladi

2026-yil noyabr oyida 1 mln 17 ming oilaga 1 mln so‘mdan bir martalik moddiy yordam berilishi ko‘zda tutilgan. Bu qish mavsumida energiya xarajatlari ortadigan davrda ehtiyojmand oilalar uchun qo‘shimcha moliyaviy ko‘mak bo‘ladi.

Shu bilan birga, davlat yordamini olish uchun daromad mezonlari ham kengaytiriladi. Markazlashtirilgan isitish tizimidan foydalanuvchi oilalar uchun Toshkent shahrida — 3 MИХgacha, boshqa hududlarda — 2 MИХgacha bo‘lgan daromad mezoni qo‘llanilishi nazarda tutilgan.

Elektr energiyasi va tabiiy gaz bo‘yicha kompensatsiya muddati 2028-yil 1-aprelgacha uzaytiriladi. Gaz bilan ta’minlanmagan va tabiiy gaz yetib borishi qiyin hududlarda esa isitish mavsumida elektr energiyasining bazaviy me’yori 200 kVt·soatdan 350 kVt·soatgacha oshiriladi.

Qo‘llab-quvvatlash faqat joriy to‘lovlarni yengillashtirish bilan cheklanmaydi. 2027–2028-yillarda yana 3 mingta ehtiyojmand oila xonadonida energiya samaradorligini oshirish ishlari amalga oshirilishi ko‘zda tutilgan. Jumladan, uylarni issiqlikdan himoyalash, energiya tejamkor yechimlar va qayta tiklanuvchi energiya manbalarini joriy etish rejalashtirilgan.

Asosiy maqsad — ehtiyojmand oilalarning energiya xarajatlarini kamaytirishga ko‘maklashish, uy-joylarning energiya samaradorligini oshirish va davlat yordamini manzilli yetkazish.

🎬 Batafsil videoda ko‘rishingiz mumkin.

📝 telegram 💻 instagram
📝 facebook 🐧 xcom
🎞 youtube 🎖 ihma.uz

HAR BIR KUN QADRLI: SAMARQANDDA BOLALAR UCHUN MOBIL PALLIATIV YORDAM

Og‘ir xastalikka chalingan bola uchun har bir kun muhim. Uning oilasi esa nafaqat tibbiy yordamga, balki doimiy e’tibor, ruhiy dalda va ijtimoiy qo‘llab-quvvatlashga ham muhtoj.

Shu maqsadda Samarqand viloyatida 28-sentabrdan boshlab bolalar uchun mobil palliativ yordam xizmati yo‘lga qo‘yildi. Hududda bunday yordamga muhtoj 300 nafardan ortiq bola aniqlangan.

Mobil brigada tarkibidagi shifokor, hamshira va ijtimoiy xodimlar xonadonlarga tashrif buyurib, bolalarning holatini baholaydi, og‘riq va kasallik alomatlarini yengillashtirish, kundalik parvarishni tashkil etish hamda oilalarni qo‘llab-quvvatlashga ko‘maklashadi.

“Inson” ijtimoiy xizmatlar markazlari esa har bir oilaning ehtiyojlaridan kelib chiqib, individual ijtimoiy yordamni tashkil etadi. Jumladan, funksional karavot, maxsus matras va boshqa zarur vositalarni olishga ko‘maklashadi. Zaruratga ko‘ra, psixologik yordam ham ko‘rsatiladi.

Shuningdek, Samarqandda bolalar xospisi tashkil etilmoqda. Kelgusida u mobil xizmat bilan birgalikda bolalar va ularning oilalarini kompleks qo‘llab-quvvatlash imkoniyatlarini kengaytiradi.

Palliativ yordam — og‘riqni yengillashtirish, hayot sifatini yaxshilash va oilani qiyin damlarda yolg‘iz qoldirmaslik demakdir.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz