Каменная фартэцыя з'явілася тут яшчэ ў ХІІ ст. Памеры горада доўгі час не выходзілі за межы сценаў, пакуль у ХІХ стагоддзі ў ваколіцах не знайшлі нафту. Побач з горадам плёскаецца шмат салёнай вадзічкі, а на вузкіх вулачках здымалі сцэны фільма "Брыльянтавая рука".
Адгадайце ў якой частцы цюркскага свету зроблены гэтыя здымкі?

#баку #sacral_urban
Дык вось. Горад, гаворка пра які была ў папярэднім допісе, сталіца Азербайджана - Баку.
Сярод усяка-рознай гарадской забудовы, старой ды не вельмі, звяртае на сябе ўвагу мадэрн\ар-нуво, якога ў тым жа Менску бракуе. А тут - любата!
Шмат цікавага, увогуле, знайшлося ў галоўным горадзе (і паза межамі) закаўказкай дзяржавы. Таму часам буду разбаўляць тутэйшы кантэнт далёкімі краявідамі.

Кажуць, сёння міжнародны дзень коцікаў. Штош, варта павіншаваць свяшчэнных ды прышпільных жывёлак. Тым больш, у падарожжах рэгулярна з імі даводзіцца сустракацца.
Хваліцеся ў каментарах, каго з іх сустракалі, каго дома трымаеце?