#баку #sacral_islam #sacral_museum
Ну і каб ператварыць, з дазволу сказаць, аповед пра дзіўных горцаў у трылогію і паставіць кропку ў ім, вось допіс з двума важнымі культурнымі аб’ектамі: краязнаўчы музей і мячэт.
Будынак музея быў у ранейшым допісе. Падобны на крэпасць і пазначаны нацыянальным сцягам. А мячэт - прастакутнік на вышэйшай кропцы, яго дах - аглядальная пляцоўка (у тым жа допісе ў цэнтры кампазіцыі на першым фота бачны).
Дарэчы, вывучаючы мапу, прыйшоў да высновы, што ваколіцы вёскі - добрая ідэя для горнага паходу. Дадам пункцік у нататнік і хто ведае, мо калі-небудзь…🤔

#ашмяны #гара_цэгла #sacral_jews
Вяртанне амаль у 10 гадоў.
Вось так, у першы свой візіт у Ашмяны давялося толькі абыйсці вялікую сінагогу вакол. Хто ж ведаў, што будынак, які выглядаў на той момант як склад, ужо належыў мясцоваму краязнаўчаму музею і, набыўшы квіток, супрацоўнікі прыадкрыюць дзверы таямніц талмудычных старцаў.
Але дзеля справядлівасці, і музей у той дзень не працаваў.
Таямніца ў сінагогі сапраўды ёсць. Гэта год пабудовы. Ці то ў канцы ХІХ стагоддзя, ці ў 1902/1912 годзе. І яшчэ цікава да якой плыні юдаізма адносілася?

#ашмяны #sacral_museum
А вось, уласна, установа, зварот да якой дае доступ у сінагогу. Але ня толькі гэтым яна карысна.
Краязнаўчы музей месціцца ў цэнтры горада, у будынку сярэдзіны ХІХ стагоддзя. Ужо ня памятаю, дзе чытаў, але падаецца, раней тут была аптэка. Ёсць яна тут і зараз у іншым куце. Сам музей аформлены даволі цікава. Спадабалася гарызантальна размешчаная мапа горада са шкла і ўсталяваныя на ёй плоскія выявы старых будынкаў. Як не намагаўся прыгожа зняць, перадаць прыгажосць не атрымалася. Але паверце, выглядае стылёва. Названы музей у гонар Францішка Багушэвіча.