Чарговы раз прабіў дно адзнаку ў 3 тысячы падпісчыкаў. І магчыма, чарговы раз гэта можа быць часова.
Усё ж трэба ўжо неяк зафіксаваць гэтую з'яву (раптам гэта добрая прыкмета), усцешыцца і абавязкова падзякаваць за вашую ўвагу!🙏
Удала мы тут сабраліся. Тры тысячы чытачоў - не жартачкі. Выглядае прыемна, цешыць самалюбства і матэвуе працаваць далей.

Нагадаю, што існуе адмысловы набор тэгаў для пошуку па тэмах.
І ёсць магчымасць падтрымаць канал голасам для прэміўм-шляхты, калі вам падабаліся сторысы ў канале ды ўвогуле.

Насамрэч, даўно рыхтуюся да гэтага святочнага дня, таму пакіну вам накід тэксту, які зараз выглядае не актуальна, але па-свойму па-прароцку🤭
Ну а калі вы аматар тапаць хамякоў, разлічваючы на містычную ўзнагароду, то кідайце гэтую няўдзячную справу і лепш тапніце рэакцыю пад будзь якім допісам канала. Бо ўсім вядома, што некалі гэтыя падабайкі сканвертуюцца ў сапраўдны сур’ёзны капітал, якія можна будзе змарнаваць на квіток да далёкага Чылі, дзе можна знайсці дамавіну І. Дамейкі🤗

#баку
Прапаную пачаць панядзелак з артэфактаў далёкіх экзатычных культур. Настолькі экзатычных, што для іх не існуе адпаведных тэгаў.
Мясціны, дзе газ выходзіць натуральным чынам з зямлі і самаўзгараецца, не маглі не стаць нечым сакральным. Згадкі пра гэтую з’яву былі ўжо ў V ст. І недзе тады, у раннім сярэднявеччы, зараастрыйцы пачалі пакланяцца гэтым агням недалёка ад сучаснага Баку. Вобраз бога на зямлі ж, няйначай. Аднак, на жаль, храмавы комплекс на здымках не такі старажытны. Ён пабудаваны ў XVIII ст. Пэўныя часткі і таго пазней. І ня гледзячы на прысутнасць вогнепаклоннікаў (сучасным такая назва, дарэчы, не падабаецца), пераважна тут гаспадарылі шываісты з сікхамі. Бо ўжо з XV-XVI стт. у рэгіёне пашыраецца гандль з Індыяй. Ну а што? І зараз вось зараастрыйцаў у свеце добра калі 300 тыс. А індуістаў больш за мільярд!
У 1855 побач быў пабудаваны нафтаперапрацоўчы завод. Натуральныя агні пачалі слабець, а ў пачатку ХХ ст. зусім патухлі. Толькі ў другой палове ХХ ст. храм аднавілі і ўсталявалі газаправод.
Таму хатняе заданне: чытаем Авесту, шануем Ахура-Мазду. Ну і гурт “Куін” паслухаць можна, бо Фрэдзі Мэркуры з сям’і парсаў-зараастрыйцаў.