#магілёў #sacral_catholic #sacral_graveyard
Працяг магілёўскага марафону пахаванняў.
Статуі - асабліва прыемная адметнасць каталіцкіх могілак. Ня тое, каб праваслаўныя такім не забаўляліся, але ж тут гэта больш распаўсюджаная традыцыя.

#магілёў #гара_цэгла #sacral_catholic #sacral_graveyard
Вось гэтая капліца асабліва цікавая і прыгожая, хоць і знаходзіцца ў сумным стане. Адметная яна сваёй старажытнаегіпецкай стылістыкай. Дах трымаецца на чатырох егіпецкіх калонах, а бэлькі антаблементу ўпрыгожаны крылатымі сонейкамі. Сімвал гэты быў уласцівы ня толькі старажытнаму Егіпту, але і Месапатаміі, хетам і зараастрыйцам. Згодна з асноўнай версіяй паходжання, прадстаўнікі старадаўніх цывілізацый так адлюстравалі ўбачанае сонечнае зацьменне.
А вось тут развагі, адкуль пайшла мода на егіпецкую тэматыку ў еўрапейцаў агулам і ў нас у прыватнасці.
Але вернемся да сабжу. Пад капліцай пахаваны маршалак шляхты і інжынер-вайсковец Аляксандр Жукоўскі (і магчыма яго жонка Клацільда). Мяркуючы па годзе скону, капліцу пабудавалі не раней за 1915 г. Агулам, інфы пра яго мала, але пішуць, што ўдзельнічаў у паўстанні 1863-64 гг. Яго прозвішча сустракаецца ў спісе, які падпісвала шляхта пры абранні павятовага прадвадзіцеля паўстання, і ў спісе вязняў магілёўскага астрогу. Як бачым, кар’ера яго на гэтым не спынілася.

#sacral_museum #sacral_jews
Зганяў у #Валожын, каб паглядзець на свежаадчынены музей у былой школе рабінаў Эц Хаім пачатку ХІХ ст.
Вось тут пісаў пра тое, чаму гэты будынак такі цікавы, ну і паказваў, як выглядаў амаль 2 гады назад.
А сёння, лічы, інфанагода! Паглядзім на свежае і прыгожае.
Сапраўды, атрымалася няблага, месцамі нават стылёва, хоць экспазіцыя сама па сабе невялікая.
10 рублёў квіток. "Ніхалерысабе" - скажаце вы. Але ж прабачце, VR-акуляры ды сэнсарныя экраны... інтэрактыў па поўнай, трэба адбіваць.
Пішуць, што на першым паверсе можна зняць гасцінічны нумар за 200 р. І гэта не нумар з інтэр'ерам у стылі ХІХ ст. і не стылізацыя спальні Хаіма бэн Іцхака. Такі ж базавы, як у гасцініцы за 40 р. Ня ведаю, каму і навошта трэба марнаваць на гэта грошы (і ў каго ёсць такія грошы🫣)? А вось дзясятку на музей - туды-сюды прымальна.
З 10 па 18. Выходныя: пн, аў.