#дубок #sacral_catholic
Спадарства, наш віртуальны круіз набліжаецца да свайго фіналу. Пару км ад рэштак моста і трапляем у вёску Дубок – месца сапраўды чароўнае. Бачыце, якая мілата? Помнік народнага дойлідства 30-х гадоў мінулага стагоддзя. Стаіць сабе на прыгорку ля дуба. Стаіць амаль увесь час зачынены, але раз на год збірае вернікаў на фэст у першую нядзелю ліпеня. Як добра, што ў дзвярох ёсць шкляныя ваконцы і можна зазірнуць адным вокам усярэдзіну.
Месца гэтае сакральнае ня толькі праз наяўнасць касцёлу. Наш стары знаёмы Канстанцін Тышкевіч у 1857 годзе правёў у наваколлі шэраг раскопак мясцовых курганоў і засведчыў наяўнасць старажытных свяцілішчаў. Магчыма, і храм з'явіўся нездарма, бо з даўніх часоў горка магла лічыцца сьвятой. Бачыце, ля ганку камень з лункай? На іншым баку ляжыць такі ж. Мо і гэта нямыя сведкі паганскага мінулага гэтага рэгіёну?
А яшчэ назва вёскі даволі выразная. Дуб – сьвятое паганскае дрэва і ў індаеўрапейскай міталогіі (да чаго і славяне з балтамі адносяцца) асацыюецца з богам-грамавіком.
Такое заветнае месца. І не адзінае, што тут можна пабачыць. Чакаем працяг.
Спадарства, наш віртуальны круіз набліжаецца да свайго фіналу. Пару км ад рэштак моста і трапляем у вёску Дубок – месца сапраўды чароўнае. Бачыце, якая мілата? Помнік народнага дойлідства 30-х гадоў мінулага стагоддзя. Стаіць сабе на прыгорку ля дуба. Стаіць амаль увесь час зачынены, але раз на год збірае вернікаў на фэст у першую нядзелю ліпеня. Як добра, што ў дзвярох ёсць шкляныя ваконцы і можна зазірнуць адным вокам усярэдзіну.
Месца гэтае сакральнае ня толькі праз наяўнасць касцёлу. Наш стары знаёмы Канстанцін Тышкевіч у 1857 годзе правёў у наваколлі шэраг раскопак мясцовых курганоў і засведчыў наяўнасць старажытных свяцілішчаў. Магчыма, і храм з'явіўся нездарма, бо з даўніх часоў горка магла лічыцца сьвятой. Бачыце, ля ганку камень з лункай? На іншым баку ляжыць такі ж. Мо і гэта нямыя сведкі паганскага мінулага гэтага рэгіёну?
А яшчэ назва вёскі даволі выразная. Дуб – сьвятое паганскае дрэва і ў індаеўрапейскай міталогіі (да чаго і славяне з балтамі адносяцца) асацыюецца з богам-грамавіком.
Такое заветнае месца. І не адзінае, што тут можна пабачыць. Чакаем працяг.
1❤36
#дубок #sacral_catholic
Калі прайсці ад драўлянага касцёлу ўніз па плыні ракі каля кіламетру, сустракаем мураваную капліцу. Абедзве сьвятыні – частка комплекса Марыянскай кальварыі, створанай у 30-х гг. Кальварыя складалася з 7 станцый, якія сімвалізуюць 7 смуткаў маці божай:
Шлях між станцыямі складае 2 км і пачынаецца з цаглянай брамы. Яна захавалася. Яшчэ захаваўся пастамент з Багародзіцай (у сеціве месца часам называюць «крыніца ля багіні». Зноў нейкія язычніцкія вайбы). Астатнія станцыі прадстаўлены драўлянымі крыжамі. Але іх не пакажу. Гэты хрэсны ход скончыўся ля капліцы, бо не хацелася пакідаць човены з майном надоўга.
- паведамляе надпіс на пліце на фасадзе капліцы. Хто такі гэты Сідарэвіч – невядома. Мабыць, чалавек быў паважаны, калі памяць пра яго высеклі на камяні. Але зараз прыйшоў час развітвацца з Дубком. Гэта быў апошні пункт гэтага падарожжа. Спадзяюся, вам было таксама цікава сачыць за ім. Час вяртацца дадому.
Калі прайсці ад драўлянага касцёлу ўніз па плыні ракі каля кіламетру, сустракаем мураваную капліцу. Абедзве сьвятыні – частка комплекса Марыянскай кальварыі, створанай у 30-х гг. Кальварыя складалася з 7 станцый, якія сімвалізуюць 7 смуткаў маці божай:
Сімяонава прароцтва;
Уцёкі ў Егіпет;
Адшуканне Хрыста ў храме;
Сустрэча на Крыжовым шляху;
Укрыжаванне і сьмерць Езуса;
Зняцце з крыжа;
Пахаванне Хрыста.
Шлях між станцыямі складае 2 км і пачынаецца з цаглянай брамы. Яна захавалася. Яшчэ захаваўся пастамент з Багародзіцай (у сеціве месца часам называюць «крыніца ля багіні». Зноў нейкія язычніцкія вайбы). Астатнія станцыі прадстаўлены драўлянымі крыжамі. Але іх не пакажу. Гэты хрэсны ход скончыўся ля капліцы, бо не хацелася пакідаць човены з майном надоўга.
Няхай кожны, хто мінае гэту капліцу, пабожна прачытае «Вітай, Марыя« за душу святой памяці Ігната Сідарэвіча
- паведамляе надпіс на пліце на фасадзе капліцы. Хто такі гэты Сідарэвіч – невядома. Мабыць, чалавек быў паважаны, калі памяць пра яго высеклі на камяні. Але зараз прыйшоў час развітвацца з Дубком. Гэта быў апошні пункт гэтага падарожжа. Спадзяюся, вам было таксама цікава сачыць за ім. Час вяртацца дадому.
1❤36👍8🙏5⚡1❤🔥1👏1
Насамрэч, вось яшчэ адно дзіўнае месца. Бачыце курган? Не, не там дзе тры дрэвы тырчаць. Каб не мапа і не слупок з шыльдай, то ніколі б сам не здагадаўся, што тут курганны могільнік часоў позняга жалезнага веку. На здымку незаўважны агулам, але ён ёсць. Я б назваў яго купінай жалезнага веку. Мо тут ужо парыліся археёлагі і калісьці ён сапраўды быў высокім? Насамрэч, гэта адзіны з 17 курганоў, якія тут былі выяўлены. У астатніх даследчыкі пакалупаліся яшчэ ў далёкім 1935 годзе.
Але добра. Вырашыў запілаваць гэты допіс, каб сабраць усе пункты гэтага сплаву ў адну падборку. Мне будзе зручна, а мо і вам.
Данюшава:
🔹касцёл;
🔹мемарыял-капліца.
🔹Нямецкія камунікацыі.
Жодзішкі:
🔹касцёл;
🔹калегіюм-вар'ятня, экстэр'ер;
🔹калегіюм-вар'ятня, інтэр'ер;
🔹калегіюм-вар'ятня, галерэя;
🔹бровар, млын.
🔹Скаладром.
Сяляцічы:
🔹тупальскі мост.
Дубок:
🔹касцёльчык;
🔹капліца.
Колькі курганоў трэба наведаць, каб прыйшоў час запілаваць адпаведны тэг#?
Але добра. Вырашыў запілаваць гэты допіс, каб сабраць усе пункты гэтага сплаву ў адну падборку. Мне будзе зручна, а мо і вам.
Данюшава:
🔹касцёл;
🔹мемарыял-капліца.
🔹Нямецкія камунікацыі.
Жодзішкі:
🔹касцёл;
🔹калегіюм-вар'ятня, экстэр'ер;
🔹калегіюм-вар'ятня, інтэр'ер;
🔹калегіюм-вар'ятня, галерэя;
🔹бровар, млын.
🔹Скаладром.
Сяляцічы:
🔹тупальскі мост.
Дубок:
🔹касцёльчык;
🔹капліца.
Колькі курганоў трэба наведаць, каб прыйшоў час запілаваць адпаведны тэг#?
1❤34❤🔥5👍2
#тбілісі #грузія #sacral_museum
Ну, пасля такога рачнога марафону можна разбавіць мясцовыя краявіды замежнымі. Сёння пакажу грузінскае "Азярцо", этнаграфічны музей-скансэн. А дакладней, умоўна заходні рэгіён і яго драўляныя хаты. Глядзіш на гэтае экзатычнае хараство і разумееш - але колькі ў нас ёсць па-свойму агульнага.
Музей знаходзіцца ў межах горада, але дабрацца сюды - задачка не трывіяльная. Канешне, існуе таннае тбіліскае таксі, але гэта не наш метад. Навошта адмаўляць сабе ў маршруце, які мяркуе карыстанне канатнай дарогай?
Магчыма таму на тэрыторыі ня тое, каб шмат людзей гуляла.
Хаця менскі музей знаходзіцца за горадам, трапіць туды неяк прасцей, але ж і там у будні дзень людзей ня шмат. Нейкая агульная ўласцівасць этнаграфічных музеяў. Усё ж агульнага ў нас шмат. У наступнай серыі пакажу як бывае, калі адрозненняў куды больш.
Ну, пасля такога рачнога марафону можна разбавіць мясцовыя краявіды замежнымі. Сёння пакажу грузінскае "Азярцо", этнаграфічны музей-скансэн. А дакладней, умоўна заходні рэгіён і яго драўляныя хаты. Глядзіш на гэтае экзатычнае хараство і разумееш - але колькі ў нас ёсць па-свойму агульнага.
Музей знаходзіцца ў межах горада, але дабрацца сюды - задачка не трывіяльная. Канешне, існуе таннае тбіліскае таксі, але гэта не наш метад. Навошта адмаўляць сабе ў маршруце, які мяркуе карыстанне канатнай дарогай?
Магчыма таму на тэрыторыі ня тое, каб шмат людзей гуляла.
Хаця менскі музей знаходзіцца за горадам, трапіць туды неяк прасцей, але ж і там у будні дзень людзей ня шмат. Нейкая агульная ўласцівасць этнаграфічных музеяў. Усё ж агульнага ў нас шмат. У наступнай серыі пакажу як бывае, калі адрозненняў куды больш.
1🔥25