#ПрэміяГедройца2020
На Onliner мой новы артыкул пра кнігі, якія сёлета змагаюцца за Прэмію Гедройца.

https://people.onliner.by/2020/09/30/knizhny-aglyad-onliner-3

#літ_агляд #ПрэміяГедройца2020
Нарысы пра творцаў ад Глобуса. Кніга, якая трапіла ў сёлетні шорт-ліст Прэміі Гедройца.

https://telegra.ph/Adam-Globus-Rysy-Narysy-pra-tvorca%D1%9E-Logv%D1%96na%D1%9E-2019-g-09-30

⚡Абвяшчаем пра новую дату Старту продажаў "Гары Потэра і Таемнай залы". Гэтая падзея адбудзецца ўжо праз тыдзень — 10 кастрычніка ў шыкоўнай кнігарні "Светач" на пр-це Пераможцаў, 11. Крама адкрываецца з 10 гадзін. Колькасць экзэмпляраў будзе абмежаваная, і гэта не рэкламны ход.

📚Кнігі па папярэднім заказе можна будзе атрымаць у офісе выдавецтва таксама ў суботу 10 кастрычніка, з 10 да 14 гадзін. Адрас — Мінск, вул. Мар'еўская 7А, офіс 10.

З кнігі Адама Глобуса «Рысы».

Новы выпуск падкаста Bellit.
Выпуск 14. Вандруем на канапе. Падборка кніг пра падарожжы.

📌 Apple Podcasts

📌 Google Podcasts

📌 Castbox

📌 SoundCloud

📌 Яндекс.Музыка

📌 Pocket Casts

Сёння дзень народзінаў у паэта Віктара Жыбуля. З гэтай нагоды актуальны і матывацыйны верш са зборніка «Стапеліі»:

«Пакуль ніхто з нас не здох —
не спыніцца наша хада.
І нам ісці па глуздох,
пакуль у саміх не паедзе дах».

Ужо заўтра мы даведаемся, хто атрымае Нобелеўскую прэмію па літаратуры ў гэтым годзе. Букмекеры як заўжды склалі спіс са сваімі каэфіцыентамі. Мы ведаем, што гэта абсалютна нічога не значыць і прэмію можа атрымаць любы аўтар.
Але паспрабуем адгадаць, хто гэта будзе.

Жывы зрэз пакалення, стоп-кадр сапраўднай дажнівеньскай Беларусі 2020 у праекце ZRAMY, створаным супольна з Саюзам беларускіх пісьменнікаў. "Попел не пахне газам," — сцвярджае лірычны антыгерой верша Ганны Комар, якім адкрыецца праект. Відэа па спасылцы: https://wir.by/be/article/komar-zramy

Віншую ўсіх, хто ўдзельнічаў у апытанні наконт сёлетняга лаўрэата Нобелеўскай прэміі, асабліва тых, хто прагаласаваў за апошні варыянт «Ніхто з пералічаных».

У 2020 годзе Нобелеўскую прэмію па літаратуры атрымала амерыканская паэтка Луіза Глюк.

Адбываецца рэкурсія: у зале беларускай літаратуры ў кнізе пра Уладзіміра Дубоўку чытаю, як аўтар артыкула бярэ там жа ягоныя кнігі.

12 кастрычніка а 19-й гадзіне на Youtube-канале вольных Купалаўцаў адбудзецца доўгачаканая прэм'ера "Тутэйшых".

Рыхтуйце вашыя экраны і сэрцы!

Адзін задаволены магл сёння фатаграфаваў шчаслівых людзей, якія атрымалі кнігу "Гары Потэр і Таемная зала". А потым сфатаграфавалі і яго.
⠀
Больш маіх фота шукайце на @januskevicbooks. Там жа і кнігу купляйце 😊

Новы выпуск падкаста Bellit.
Выпуск 15. Нобелеўская прэмія і талерка мыла.

📌 Apple Podcasts

📌 Google Podcasts

📌 Castbox

📌 SoundCloud

📌 Яндекс.Музыка

📌 Pocket Casts

Ужо 17 кастрычніка а 19.30 у рамках фестывалю Pradmova будуць абвешчаныя лаўрэаты Прэміі імя Карласа Шэрмана для перакладчыкаў.

Доўгія спісы сёлета такія разнастайныя і цудоўныя, што я не зайздрошчу сябрам журы. Але ж яны здолелі з усёй гэтай прыгажосці скласці кароткія спісы. І вось што выйшла:

Пераклад прозы
⬜Якуб Лапатка, пераклад з фінскай – Франс Эміль Сіланпя “Праведная галеча”. Выдавецтва “Янушкевіч”, Мінск.
⬜Кацярына Маціеўская, пераклад з польскай – Анджэй Сапкоўскі “Вядзьмар. Апошняе жаданне”. Выдавецтва “Янушкевіч”, Мінск.
⬜Марына Шода, пераклад з польскай – Антоні Лібера “Мадам”. Выдавецтва “Мастацкая літаратура”.
⬜Ганна Янкута, пераклад з англійскай – Джэйн Остэн “Пыха і перадузятасць”. Выдавецтва “Янушкевіч”, Мінск.

Пераклад  паэзіі  
⬜Ігар Кулікоў, пераклад са стараангельскай – “Стараангельская паэзія”. Выдавецтва “Янушкевіч”, Мінск.
⬜Алег Мінкін, пераклад з украінскай – Мікола Зэраў “Выбраная паэзія”. Выдавец Зміцер Колас, Мінск.
⬜Андрэй Хадановіч, пераклад з польскай – Канстанты Ільдэфанс Галчыньскі “Выбранае”. Выдавец Зміцер Колас, Мінск. 

Пераклад дзіцячай кнігі
⬜Алеся Башарымава, пераклад са шведскай – Астрыд Ліндгрэн “Малы і Карлсан, які жыве на даху” і “Карлсан прылятае зноў”. Выдавецтва “Папуры”, Мінск.
⬜Сяргей Матырка, пераклад з нямецкай – Эрвін Мозэр “Неверагодныя гісторыі на дабранач”. Выдавецтва “Янушкевіч”, Мінск.
⬜Марыя Пушкіна, пераклад з польскай – Раксана Енджэеўска-Врубель “Пераменлівыя настроі Іпаліта Шланга”. Выдавецтва “Янушкевіч”, Мінск.

Зарэгістравацца на ўручэнне прэміі можна тут: https://forms.gle/VBas8qS49grdjkjL9

Падрабязней пра мерапрыемства тут: https://www.facebook.com/events/1186077828459488