Зараз кожнаму з нас трэба некалькі спакойных хвілін, каб пераключыць увагу і прыйсці ў сябе пасля навін.

Сёння, 25 траўня, мы распачынаем тыдзень з Максімам Багдановічам. Кожны дзень глядзіце на нашым сайце новую кароткую лекцыю з цыкла «Што мы не ведалі пра Максіма Багдановіча».

Ці сапраўды Багдановіч круціў курортныя раманы? Чаму дзеці не хацелі гуляць з маленькім Максімам? Як Багдановіч звязаны з Радзівіламі? Ці мае працяг верш «Усе мы разам ляцім да зор» і ў чым таямніцы «Слуцкіх ткачых» і «Пагоні»?

Пра ўсё гэта распавядзе паэт і загадчык музея Багдановіча Міхал Бараноўскі.

Сёння а 19.00 глядзіце першую лекцыю «Як Багдановіч стаў беларускім паэтам?» па спасылцы: https://wir.by/be/article/bahdanovicz1

Паспрабуйце здагадацца, які твор сусветнай літаратуры сярэдзіны ХХ ст. абмяркоўваюць героі апавядання Вінцэся Мудрова 😏

Дэфармацыя па-беларуску — гэта калі чытаеш абзац і думаеш, што сёння рэйсавы аўтобус дакладна перафарбавалі б.

Найлепшай паэтычнай кнігай на беларускай мове 2020-га года стаў зборнік вершаў Алесі Башарымавай “Расамаха”! Віншуем!🎉

📗Купіць кнігу можна ў інтэрнэт-кнігарні kniganosha.by.
🎧Паслухаць вершы Алесі Башарымавай можна ў праекце "Аўдыятэка".

Рабяткі, віншую, мы з вамі сталі ахвярамі навукі 😁 У добрым сэнсе, вядома ж.
Раю вам пачытаць артыкул Надзеі Тачыцкай, выкладчыцы журфака БДУ, пра рэпрэзентацыю сучаснага мастацтва ў аўтарскіх telegram-каналах.

Вельмі прыемна, што наша дзейнасць (тых, хто вядзе падобныя каналы) не застаецца без увагі і на такім высокім узроўні. Дзякуй аўтарцы артыкула.

Наш чарговы кніжны агляд з навінкамі беларускага кнігадруку.

https://people.onliner.by/2021/05/29/knizhny-aglyad-onliner-5

#літ_агляд
Новы раман Сяргея Плескача пра апошніх салдатаў СССР.

https://telegra.ph/Syargej-Plyaskach-DMB-91-zychu-vyarnucca-dadomu-Gal%D1%96yafy-2021-g-06-02

Новы выпуск падкаста Bellit.
Выпуск 35. Я/Мы лорд Валдэморт.

Усе кнігі ў новым выпуску аб’яднаныя тэмай сяброўства: дзіцячая кніга пра тое, як сяброўства дапамагае пераадольваць цяжкасці, нон-фікшн пра орган, з якім лепш сябраваць, і раман пра тое, што з фанатамі таксама лепш сябраваць, калі ты нейкая знакамітасць.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

Купляе мужчына ў нас у кнігарні «Новую зямлю» Коласа і кажа:
— Вось, трэба ж нешта купіць, раз зайшоў, буду ўнуку чытаць.
Запытваю, колькі ўнуку гадоў. Кажа, што чатыры ☺️

Рыгор Барадулін пра Васіля Быкава.

Рахункі «Кнігазбору» разблакавалі. Блакада цягнулася амаль пяць месяцаў

https://budzma.by/news/rakhunki-knigazboru-razblakavali.html

@Budzmaby

З сённяшняга дня ў нас зноў запрацавала аплата анлайн (банкаўскай карткай і ЕРИП), будзе пакрысе адкрывацца паштовая дастаўка за мяжу. Банкаўскія рахункі сталі даступныя для працы, мы паспелі за сёння заплаціць друкарням у розных краінах за друк, а праваўладальнікам — за ліцэнзіі.

Чакайце добрых навін!

⚡️Абвешчаны поўны спіс прэміі Шэрмана⚡️

☝️На прэмію прымаліся пераклады мастацкіх кніг на беларускую мову, выдадзеныя ўпершыню ў папяровым або электронным варыянце ў 2020 годзе (альбо ў 2019, калі кніга не была пададзеная ў мінулым сезоне).

📚Сёлета на ўзнагароду прэтэндуюць 24 кнігі, перакладзеныя з 11 моў, сярод якіх ідыш і нарвежская, а таксама ісландская і харвацкая.

📗📘📙Пераможцы будуць вызначаныя ў трох намінацыях: пераклад прозы, пераклад паэзіі і пераклад дзіцячай кнігі.

Глядзіце поўны спіс на сайце ПЭНа.

Рыгор Барадулін

#моўная_хвілінка
Успомнім асаблівасці скланення назоўнікаў (у тым ліку імёнаў).

Назоўнікі мужчынскага роду з ненаціскнымі канчаткамі -а, -я (як Лёнька, Вася) пры абазначэнні асобы мужчынскага полу ў творным склоне (які адказвае на пытанні кім/чым?) маюць канчаткі -ам, -ем (Лёнькам, Васем).

Герой кнігі — асоба мужчынскага полу, таму правільна словазлучэнне выглядае так: «назваўся Лёнькам».

Яшчэ прыклады:
Янка Купала — Янкам Купалам
Янка Лучына — Янкам Лучынам

(Памылка з кнігі Сяргея Календы «Акварыум», Логвінаў, 2020 г.)

Новы выпуск падкаста Bellit.
Выпуск 36. Стэрыльны раман пра нас і разняволены пра іх (госць — Сяргей Макарэвіч)

У новым выпуску гутарым з Сяргеем Макарэвічам, журналістам, краязнаўцам, культурным менеджарам і супрацоўнікам выдавецтва «Янушкевіч». Абмяркоўваем, як паказваюць падлеткаў у нашай літаратуры, і як гэта робяць замежныя пісьменнікі.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

#моўная_хвілінка

Менш за ўсё хацелася сустрэць памылку ў кнізе, якая вучыць памылак пазбягаць 😁

Бікфо́рдаў шнур быў запатэнтаваны Уільямам Бікфардам у 1831 годзе. Назву ў гонар стваральніка і атрымаў, таму ніякай літары «Е» ў корані.

(Памылка з кнігі «Даведнік па літаратурнай праўцы», Пятро Жаўняровіч, «Адукацыя і выхаванне», 2017.)