Новы выпуск падкаста Bellit.
Выпуск 52. «Лісткі календара» Максім Танк.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

#моўная_хвілінка

Рана ці позна, але вы ў мяне ўсе будзеце ведаць гэтае правіла 😁

Правільна — «чатыры высакародныЯ ісціны».

📌 З лічэбнікамі 2, 3, 4 (і з састаўнымі лічэбнікамі ад 22, якія заканчваюцца на 2, 3, 4) ужываюцца назоўнікі (прыметнікі, дзеепрыметнікі, займеннікі, парадкавыя лічэбнікі) множнага ліку, назоўнага склону: дзве прыгожыя кветкі, тры прачытаныя старонкі, чатыры пятыя пірага, сто чатыры мастацкія кнігі.

📌 У астатніх выпадках ужываюцца назоўнікі ў множным ліку і родным склоне: пяць таленавітых вучняў, дзесяць зычных літар, сто сямнаццаць пустых аркушаў.

(Памылка з кнігі Вольгі Гапеевай «Самота, што жыла ў пакоі насупраць», Галіяфы, 2021)

Калі вы любіце слухаць аўдыякнігі, то раю вам далучыцца да канала «Беларускія аўдыякнігі».

Каманда канала не толькі збірае навіны пра беларускія аўдыякнігі, але і самастойна займаецца дзейнасцю па агучцы кніг. Дзякуючы гэтаму ў аўдыяфармаце ўжо выйшлі творы сучасных беларускіх аўтараў: «Вяртанне Ліліт» Юліі Шаровай, «Сем камянёў» Аляксея Шэіна.

Таксама ўжо агучаная кніга Ганны Севярынец «Дзень Святога Патрыка», якая хутка з'явіцца ў продажы. Таму далучайцеся да канала і сачыце за абвесткамі.

https://t.me/bel_audiobooks

Новы выпуск падкаста Bellit.
Выпуск 53. Туманы над багнай.

Англійскі раман, медыцынскі нон-фікшн, беларуская паэзія і нечаканая назва класічнага рамана ў новым выпуску падкаста.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

Пачала чытаць кнігу Ніны Занковіч «Талстой і фіялетавае крэсла» (Кнігазбор, 2021). Нягледзячы на імя аўтаркі, гэта пераклад з англійскай мовы.

Ніна нарадзілася ў ЗША ў сям’і беларускага эмігранта Анатоля Занковіча. У 2011 годзе яна выдала дэбютную і самую аўтабіяграфічную кнігу «Tolstoy and the Purple Chair: My Year of Magical Reading», у якой расказала, як дзякуючы чытанню кніг спраўлялася са смерцю старэйшай сястры.

Ніна вырашыла кінуць сабе выклік: ці зможа яна цэлы год чытаць па кнізе ў дзень і публікаваць на іх рэцэнзіі? Што атрымалася — можна прачытаць у гэтай кнізе. Я ўжо на 80-й старонцы, тут шмат назваў твораў, рэфлексій аўтаркі, гісторый з жыцця яе і яе сям’і.

А на сайце knihi.by акцыя: гэту кнігу можна атрымаць у падарунак пры пакупцы іншых выданняў выдавецтва «Кнігазбор».

📌Падрабязнасці акцыі шукайце тут: https://knihi.by/zankovic-nina-talstoj-i-fijaletavaje-kresla

#літ_агляд
Расказваю пра дэбютны зборнік маладой і вельмі таленавітай паэткі Дашы Бялькевіч, які выйшаў гэтым летам.

https://telegra.ph/Darya-Byalkev%D1%96ch-Slyozy-na-vecer-YAnushkev%D1%96ch-2021-12-08

Выйшла аўдыякніга Ганны Севярынец "Дзень Святога Патрыка"!

Эксперт міжнароднай моўнай камісіі Марына Дамейка прымае рашэнне прызнаць беларускую мову мёртвай, і зараз ёй патрэбна захаваць у спецыяльным архіве тое мастацтва, якое было створана на гэтай мове. Што яна паставіць на паліцы спецхрану? Каго назаўжды выкіне з гісторыі? Якім чынам на мёртвай мове можна будзе зарабіць мільярды даляраў? Ці з’явіцца ў памерлай мовы шанец? Гісторыя любові – да мужчыны, да літаратуры, да краіны – якая, на жаль, не можа скончыцца добра.

Чытае Уладзімір Лісоўскі.

Набыць і паслухаць кнігу можна на пляцоўцы ЛитРес па спасылцы.

🎂9 снежня спаўняецца 130 гадоў з дня нараджэння Максіма Багдановіча!

Мяне неверагодна радуе той факт, што сёння ў кожным кутку інтэрнэту я бачу інфармацыю пра гэта. Столькі цікавостак: артыкулы, прысвечаныя яго жыццю і творчасці, цікавыя факты, конкурсы, віктарыны і іншыя віды творчых актыўнасцяў.

Зірніце, напрыклад, які мультфільм «Да зор!» зрабілі рабяты з цудоўнага праекта @wir_by. Андрусь Такінданг намаляваў гэтую прыгажосць па матывах вершаў паэта. Выдатна, што ў роліку згадваюцца не толькі класічныя і даволі вядомыя творы Багдановіча, але і менш папулярныя.

Мне падабаецца і гукавая, і візуальная дарожка.

🖥 Глядзець тут: https://www.youtube.com/watch?v=NJx6yJ3vYrU&ab_channel=WIRBY

Распачынаем новую гумарыстычную рубрыку з водгукамі на кнігі. Інтэрнэт захоўвае мноства неверагодных рэчаў.

(Давайце назву для рубрыкі прыдумаем разам у каментах.)

Неаднаразова ў падзяках за падкаст Bellit я чую падобную фразу: «Дзякуй за тое, што даяце магчымасць спажываць аўдыякантэнт па-беларуску». І я сама вельмі ўсцешаная, што якасных і карысных беларускіх праектаў у аўдыяфармаце з’яўляецца ўсё больш. Разам з тым мяне радуе, што і беларуская падкаст-супольнасць расце.

🎧 Сёння хачу парэкамендаваць вам тое, што і сама слухаю. Падкаст з цудоўнай назвай «Так склалася гістарычна» прысвечаны гісторыі Беларусі. Аўтарка — кандыдат гістарычных навук Ганна Дзягель — запрашае ў выпускі дасведчаных спецыялістаў, гісторыкаў і абмяркоўвае з імі падзеі і з'явы з нашага мінулага. Разбірае складаныя тэмы простай мовай. На сённяшні момант выйшла ўжо восем выпускаў: ад Полацкага княства до крызісу Рэчы Паспалітай.

Паслухаць падкаст і сачыць за яго навінамі і абнаўленнямі можна тут.

Новы выпуск падкаста Bellit.
Выпуск 54. Паліталогія для самых маленькіх.

У новым выпуску падкаста разважаю пра контркультуру, спажыванне, крыміналістыку, а яшчэ пра тое, як тлумачыць дзецям, што адбываецца навокал.

Дзе паслухаць?

📌 Apple Podcasts

📌 Google Podcasts

📌 Castbox

📌 SoundCloud

📌 Spotify

📌 Яндекс.Музыка

📌 Pocket Casts

Падтрымаць праект: patreon.com/bellit

#літ_агляд
Неверагоднай прыгажосці альбом, які расказвае і паказвае, як развівалася наша сталіца апошнія стагоддзі.
Мноства ілюстрацый: ад карт Сарматыі ІІ стагоддзя да праекта-ідэі цэнтра Мінска (27 жніўня 1944 г.).

https://telegra.ph/%D0%86llya-Andrehe%D1%9E-Valyanc%D1%96na-Andreheva-Pavel-Rasto%D1%9Eca%D1%9E-M%D1%96nsk-na-starada%D1%9En%D1%96h-kartah-%D1%96-planah-Belkartagraf%D1%96ya-2021-12-13