💊 У Менску ўпершыню правялі складаную аперацыю пры цяжкай форме эндаметрыёзу

На Вілейшчыне ў ДТЗ загінулі тры чалавекі, сярод іх — 18-гадовая кіроўца без правоў.

У Магілёўскай вобласці ў падазраванага ў браканьерстве знайшлі цэлы арсенал зброі. Што менавіта там было?

Тым часам у дэмакратычных колах працягваюць абмяркоўваць зварот былых палітвязняў да кіраўніцтва Еўразвязу. Яго рэзка раскрытыкаваў Мікола Статкевіч.

💥 Пра гэта і не толькі — у кароткім выданні навінаў cерады, 28 кастрычніка, на Белсаце

Сын кіраўніка МУС Кубракова ўзначаліў РУУС Менску

Маёр міліцыі Уладзімір Кубракоў, сын міністра ўнутраных справаў Івана Кубракова, стаў начальнікам Цэнтральнага РУУС Менску.

Раней ён быў намеснікам начальніка гэтага аддзелу.

🏠 Рэжым у Беларусі будзе збіраць персанальныя звесткі пра дачнікаў

Звесткі будуць выкарыстоўваць для стварэння і вядзення зямельна-інфармацыйных сістэм. Новая пастанова абавязвае садовыя таварыствы, дачныя і гаражныя кааператывы, МУС, выканкамы і Нацыянальнае кадастравае агенцтва перадаваць гэтыя дадзеныя:

🔸Пра ўласнікаў будуць збіраць прозвішча, імя і імя па бацьку, дату нараджэння, ідэнтыфікацыйны нумар і грамадзянства.

🔸Пра ўчасткі – адрас, плошчу і звесткі пра размешчаныя на іх будынкі.

❤️‍🩹 Ёсць месцы, куды заходзіш на гадзінку, а застаешся на цэлы дзень

Менавіта такім атрымаўся беларускі літаратурны фэст «Прадмова» ў Вроцлаве. Тры дні сустрэчаў з любімымі аўтарамі, новых кніг, вершаў, музыкі і размоваў за кавай. А галоўнае – адчування, што нават далёка ад дому можна быць сярод сваіх.

Крысціна Дробыш сабрала самыя цёплыя і яркія моманты гэтага літаратурнага свята.

📚 А даведацца больш цікавых і важных рэчаў можна ў нашай праграме «Раніца з Белсатам» на YouTube-канале «БЕЛСАТ LIFE».

🦌 Цудоўныя кадры з Кобрыншчыны

Каля вёскі Дзівін фатограф зняў велічных аленяў у іх натуральным асяроддзі.

❗️У Берасці мужчына забіў жонку і цешчу

Раніцай 28 кастрычніка 50-гадовы мужчына нанёс нажавыя раненні сваёй 35-гадовай жонцы і яе 56-гадовай маці. Абедзве жанчыны памерлі.

🚖 Таксіст з Беларусі ў Гданьску патрабаваў ад украінкі размаўляць па-расейску

Паўдарогі яны прамаўчалі, а затым кіроўца вырашыў адпомсціць дзяўчыне

✨ Так выглядаў наш сусвет напярэдадні Вялікага выбуху

Навукоўцы стварылі мадэль Lumina, якая паказвае шлях, пройдзены сусветам: ад газу – да першых галактык і чорных дзіраў. З часам гэты кактэйль ператварыўся ў тое, што мы ведаем сёння.

Візуалізацыя ахоплівае перыяд ад 50 мільёнаў да 2 мільярдаў гадоў пасля Вялікага выбуху.

Жыхароў акупаваных Алешак будуць эвакуяваць ва Украіну транзітам праз Беларусь

Іх плануюць вывезці расейскім вайсковым самалётам праз Анапу і Гомель. Пра гэта сведчаць дакументы, апублікаваныя Fox News.

Паводле плана, 31 кастрычніка эвакуяваных павінны даставіць у Гомель. Аперацыя стала магчымай пасля дамоўленасці Расеі і Украіны пра лакальнае перамір’е пры пасярэдніцтве Меланіі Трамп.

У акупаваных Алешках каля 2 тысяч жыхароў застаюцца фактычна ў закладніках расейцаў і выжываюць без ежы, вады ды электрычнасці. Апошні раз прадукты ў крамы завозілі ў траўні. Падыходы да гораду замінаваныя.

😢У былога палітвязня, медыяменеджара Канстанціна Залатых выявілі рак ныркі

На сайце BYSOL адкрылі збор на падтрымку ягонай сям’і, якая жыве ў Польшчы.

Канстанцін Залатых кіраваў незалежнай газетай «Беларусы і рынак» і карэспандэнцкім пунктам Еўрапейскага радыё для Беларусі. У 2022 годзе яго затрымалі і асудзілі на чатыры гады калоніі.

💷 Калі вы гэта чытаеце — праверце беларускія рублі ў гаманцы

У Менскай вобласці пачасціліся выпадкі, калі ў крамах расплачваюцца сувенірнымі купюрамі, якія імітуюць сапраўдныя грошы. На іх замест слова «рублёў» могуць пісаць «дублёў» або «цублёў».

☝️За два дні патанулі два чалавекі: на Берасцейшчыне і Магілёўшчыне

У Лунінецкім раёне 27 кастрычніка 68-гадовая жанчына пайшла гуляць з сабакам і не вярнулася. Цела жанчыны знайшлі ў меліярацыйным канале каля аграгарадка Бродніца — усяго за тры метры ад берага. Глыбіня ў гэтым месцы складала каля 40 сантыметраў.

Яшчэ адзін трагічны выпадак адбыўся ў Горацкім раёне 26 кастрычніка. Таксама 68-гадовы мужчына днём адправіўся на рыбалку і доўга не вяртаўся. Ягоная жонка знайшла рэчы зніклага на беразе вадаёма каля вёскі Любіж. Цела рыбака знайшлі прыкладна за метр ад берага. ☝️

💥 #галоўнае за 28 кастрычніка

✔️ Лукашэнка анансаваў амністыю, якая, імаверна, закране жанчын. Ці вызваляць палітвязняў – невядома

✔️ У Іспаніі пры сутыкненні двух пасажырскіх цягнікоў загінулі не менш за 46 чалавек

✔️ Жыхароў акупаваных Алешак будуць эвакуяваць ва Украіну транзітам праз Беларусь

✔️ Былыя палітвязні растлумачылі, як з’явіўся ліст да еўрапейскіх дыпламатаў. Ініцыятыву раскрытыкавалі Статкевіч і Філіпенка

✔️ ЗША не будуць прымушаць Украіну да тэрытарыяльных саступак, піша Financial Times

✔️ Трамп анансаваў сустрэчу Зяленскага і Пуціна «ў найбліжэйшым часе»

✔️ Сын кіраўніка МУС Кубракова ўзначаліў Цэнтральны РУУС Менску

✔️ У Менскай вобласці збіраюцца перадаваць персанальныя звесткі пра дачнікаў у сістэму Дзяржкаммаёмасці

✔️ Эдуард Пальчыс завёў новы Telegram-канал пасля 5,5 гадоў зняволення

#рэпрэсіі:

▫️ «Вясна»: у беларускіх турмах застаюцца 110 палітзняволеных жанчын, сярод іх — 19 пенсіянерак

▫️ Віталя Дзямідчыка, беларуса з чэшскім грамадзянствам, асудзілі на шэсць гадоў. Меркавана, за данат Палку Каліноўскагаx

◾️ «Не дачакалася Вольгу з турмы"

У палітзняволенай журналісткі Вольгі Радзівонавай памерла мама. Яна доўгі час хварэла і мела патрэбу ў пастаянным доглядзе. Пра гэта ў Facebook паведаміла актывістка Ніка Сандрас.

«Не дачакалася Вольгу з турмы. Не ведаю, што сказаць пра гэта. Вольга Радзівонава — мая сяброўка і беларуская журналістка, якую асудзілі да чатырох гадоў зняволення», — напісала актывістка.

Журналістку затрымалі 7 сакавіка 2024 года. Яе абвінавацілі паводле шэрагу крымінальных артыкулаў і прызначылі 4 гады пазбаўлення волі з адбыццём у папраўчай калоніі агульнага рэжыму. ☝️

☝️Шукаў хайп, а знайшоў крыміналку

Гарадзенец прыехаў у Мазыр у камандзіроўку і наздымаў сторысаў на крыміналку. 23-гадовы хлопец распрануўся і залез на падваконне, а ягоныя сябры здымалі «шоу» на камеру.

Блогер выклаў відэа ў сацсеткі, але крэатыў ацанілі не ўсе: хтосьці з падпісчыкаў адправіў сторысы ў міліцэйскі чат-бот, і аўтара кантэнту затрымалі. На допыце ён запэўніваў, што здымаў відэа для сацсетак, а далікатныя месцы заклеіў этыкеткай з-пад піва. Але крымінальную справу распачалі за хуліганства.  ☝️

☝️Увага: новы спосаб махлярства

Ашуканцы актывізаваліся напярэдадні выплаты адзінага маёмаснага плацяжу, які трэба вырабіць не пазней за 16 лістапада. Яны прыдумалі новую схему і цяпер выдаюць сябе за супрацоўнікаў падатковай. Падаткавікі (МПЗ) адзначаюць, што зламыснікі выкарыстоўваюць некалькі спосабаў падману. Першы – фішынг.

«Ахвяры паступае СМС або паведамленне ў мэсэнджары аб «пратэрміноўцы плацяжу па падатку на маёмасць і налічэнні пені». У паведамленні ўтрымліваецца спасылка на падроблены сайт, які імітуе дызайн парталу МПЗ. Там грамадзяніна просяць загрузіць сканы пашпарта, а затым увесці поўныя рэквізіты банкаўскай карты (уключаючы CVV і код з СМС) для «неадкладнай аплаты»», – піша МПЗ.

Таксама ахвяр спрабуюць запалохваць і прымусіць адкрыць вірусны файл. Каб засцерагчы сябе, не пераходзіце па спасылках з падазроных СМС і не ўводзіце там свае дадзеныя. Таксама не спампоўвайце і не адкрывайце файлы, якія вам адправілі незнаёмцы. Больш чытайце па спасылцы. 👈

✌️У Іспаніі жанчыну зносіла ў акеан, выратавалі мінакі

Здарэнне адбылося на узбярэжжы Атлантыкі на пляжы Рыясор. Жанчына не магла самастойна выбрацца на бераг з-за моцных хваляў.

Ёй на дапамогу кінуўся мужчына, але не даў рады. Тады іншыя сталі ў ланцуг, каб выратаваць жыццё чалавека. ❤️

☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔸 Больш за 3500 украінскіх дзяцей і прымусовая праца

Што ЗША пішуць пра Беларусь у новым дакладзе.

🔸 «Спачатку табе кажуць, што твая мова не мае значэння. Потым – што твая гісторыя не мае значэння. І нарэшце – што твая краіна не мае значэння»

З такой заявай Святлана Ціханоўская выступіла ў Дубліне на канферэнцыі, прысвечанай нацыянальнай ідэнтычнасці Беларусі і Ірландыі.

🔸 «Адэпты ідэалогіі асабістага выжывання»

Статкевіч рэзка раскрытыкаваў зварот былых беларускіх палітвязняў.

#штопачытаць