✍️ Bank-moliya akademiyasi va ASAS o‘rtasida memorandum imzolandi

Bugungi kunda Jahon moliya bozorida islomiy bank ishi va moliya sektori tobora kengayib, yangi imkoniyatlar eshigini ochmoqda. O‘zbekiston ham bu jarayondan chetda qolmay, milliy moliya tizimida islomiy moliya vositalarini joriy etish va rivojlantirishga alohida e’tibor qaratmoqda.

Shu maqsadda, Bank-moliya akademiyasi rahbariyati Malayziya islom moliyasi bo‘yicha shariat maslahatchilari assotsiatsiyasi (ASAS) vakillari bilan uchrashuv o‘tkazdi. Muzokaralar yakunida ikki tomon o‘zaro anglashuv memorandumini imzoladi.

Memorandumga ko‘ra, tomonlar kelgusida qator yo‘nalishlarda hamkorlik qiladi. Jumladan, islom moliyasi sohasida kadrlar tayyorlash va sertifikatlash, o‘quv dasturlari va professor-o‘qituvchilar almashinuvi, ilmiy tadqiqotlar, qo‘shma nashrlar va xalqaro konferensiyalar o‘tkazish, qo‘shma loyihalar va maslahat xizmatlari tashkil etish borasida faoliyat olib boradilar.

✍️ Банк-молия академияси ва ASAS ўртасида меморандум имзоланди

Бугунги кунда Жаҳон молия бозорида исломий банк иши ва молия сектори тобора кенгайиб, янги имкониятлар эшигини очмоқда. Ўзбекистон ҳам бу жараёндан четда қолмай, миллий молия тизимида исломий молия воситаларини жорий этиш ва ривожлантиришга алоҳида эътибор қаратмоқда.

Шу мақсадда, Банк-молия академияси раҳбарияти Малайзия ислом молияси бўйича шариат маслаҳатчилари ассоциацияси (ASAS) вакиллари билан учрашув ўтказди. Музокаралар якунида икки томон ўзаро англашув меморандумини имзолади.

Меморандумга кўра, томонлар келгусида қатор йўналишларда ҳамкорлик қилади. Жумладан, ислом молияси соҳасида кадрлар тайёрлаш ва сертификатлаш, ўқув дастурлари ва профессор-ўқитувчилар алмашинуви, илмий тадқиқотлар, қўшма нашрлар ва халқаро конференциялар ўтказиш, қўшма лойиҳалар ва маслаҳат хизматлари ташкил этиш борасида фаолият олиб борадилар.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ BMA va Pearson: hamkorlik yo‘nalishlari muhokama qilindi

Bugun, 23-sentyabr kuni Bank-moliya akademiyasida dunyodagi eng yirik o‘quv-uslubiy kompaniyalardan biri — Pearson International Higher Education vakillari bilan uchrashuv bo‘lib o‘tdi.

Muloqot chog‘ida Akademiyadagi o‘quv kurslari, ayniqsa, ingliz tilida olib boriladigan fanlar va ularning tarkibi, hozirda qo‘llanilayotgan kitoblar va o‘quv-uslubiy resurslar, raqamli o‘quv platformalaridan foydalanish amaliyoti, tinglovchilar va professor-o‘qituvchilar duch kelayotgan qiyinchiliklar va ularni bartaraf etish imkoniyatlari haqidagi masalalar muhokama qilindi.

Pearson vakillari o‘z navbatida kompaniyaning xalqaro tajribasi, raqamli resurslari, nufuzli mualliflar asarlaridan tashkil topgan kurs materiallari haqida ma’lumot berdilar hamda Bank-moliya akademiyasi bilan o‘zaro hamkorlik istiqbollari bo‘yicha o‘z takliflarini bildirdilar.

O‘z navbatida Bank-moliya akademiyasi vakillari hamkorlikda ta’lim jarayoni samaradorligini oshirish, xalqaro standartlarga mos kurs materiallari va raqamli yechimlarni tatbiq etish imkoniyatlari bo‘yicha o‘z mulohazalarini bayon qildilar.

Uchrashuv yakunida hamkorlikning ilk qadami sifatida Akademiya pedagog jamoasi va tinglovchilarining Pearson International Higher Education platformasidagi resurslardan bir semestr davomida foydlanish borasida kelishuvga erishildi.

✍️ БМА ва Pearson: ҳамкорлик йўналишлари муҳокама қилинди

Бугун, 23 сентябрь куни Банк-молия академиясида дунёдаги энг йирик ўқув-услубий компаниялардан бири — Pearson International Higher Education вакиллари билан учрашув бўлиб ўтди.

Мулоқот чоғида Академиядаги ўқув курслари, айниқса, инглиз тилида олиб бориладиган фанлар ва уларнинг таркиби, ҳозирда қўлланилаётган китоблар ва ўқув-услубий ресурслар, рақамли ўқув платформаларидан фойдаланиш амалиёти, тингловчилар ва профессор-ўқитувчилар дуч келаётган қийинчиликлар ва уларни бартараф этиш имкониятлари ҳақидаги масалалар муҳокама қилинди.

Pearson вакиллари ўз навбатида компаниянинг халқаро тажрибаси, рақамли ресурслари, нуфузли муаллифлар асарларидан ташкил топган курс материаллари ҳақида маълумот бердилар ҳамда Банк-молия академияси билан ўзаро ҳамкорлик истиқболлари бўйича ўз таклифларини билдирдилар.

Ўз навбатида Банк-молия академияси вакиллари ҳамкорликда таълим жараёни самарадорлигини ошириш, халқаро стандартларга мос курс материаллари ва рақамли ечимларни татбиқ этиш имкониятлари бўйича ўз мулоҳазаларини баён қилдилар.

Учрашув якунида ҳамкорликнинг илк қадами сифатида Академия педагог жамоаси ва тингловчиларининг Pearson International Higher Education платформасидаги ресурслардан бир семестр давомида фойдланиш борасида келишувга эришилди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🇺🇿 🇷🇺 Bank-moliya akademiyasi ustozlari Rossiyada malaka oshirdi

Dunyo iqtisodiyoti va moliya bozorlarida raqamli islohotlar to‘lqini kechayotgan hozirgi sharoitda, Bank-moliya akademiyasi ustozlari xalqaro maydonda ilg‘or bilimlarni o‘zlashtirishda faol ishtirok etmoqda. Yaqinda ular Rossiyaning nufuzli ta’lim maskani — Rossiya Federatsiyasining “Oliy iqtisodiyot maktabi” Milliy tadqiqot universitetida o‘tkazilgan “Moliyada tahlil va raqamli transformatsiya” mavzusidagi malaka oshirish dasturida ishtirok etib, yangi tajribalar bilan qaytdilar.

Bank-moliya akademiyasidan yo‘l olgan 10 nafar professor-o‘qituvchi mazkur kursda ishtirok etib, moliya sohasidagi eng ilg‘or nazariy bilimlar va amaliy tajribalar bilan tanishdilar.

Tashkil etilgan mashg‘ulotlarda ishtirokchilar nafaqat ma’ruzalar tingladilar, balki amaliy seminarlarda ham faol qatnashdilar. Masalan, moliya bozoridagi yirik mutaxassis, “FINAM” AJ boshqaruvi maslahatchisi Aleksandr Pshikin zamonaviy moliyaviy instrumentlar va bozor tendensiyalari haqida qiziqarli ma’ruza o‘qidi. Shuningdek, raqamli iqtisodiyot va moliya sohasidagi innovatsion yondashuvlar keng muhokama qilindi.

Shuningdek, Akademiya ustozlari ilmiy laboratoriyalar va ta’lim markazlari bilan yaqindan tanishdilar, talabalar bilan muloqot qildilar va ilg‘or xalqaro tajribalarni o‘rgandilar.

Dastur yakunlangach, ishtirokchilarga maxsus sertifikatlar topshirildi. Bu esa ularning Akademiyadagi pedagogik va ilmiy faoliyatida yangi g‘oyalar, yangi bilimlar va innovatsion usullarni joriy qilishga xizmat qiladi.

Bank-moliya akademiyasi rahbariyati ta’kidlaganidek, bu hamkorlik dasturi nafaqat pedagoglarning malakasini oshirish, balki Akademiyaning umumiy salohiyatini yuksaltirishda ham katta ahamiyat kasb etadi.

🇺🇿 🇷🇺 Банк-молия академияси устозлари Россияда малака оширди

Дунё иқтисодиёти ва молия бозорларида рақамли ислоҳотлар тўлқини кечаётган ҳозирги шароитда, Банк-молия академияси устозлари халқаро майдонда илғор билимларни ўзлаштиришда фаол иштирок этмоқда. Яқинда улар Россиянинг нуфузли таълим маскани — Россия Федерациясининг “Олий иқтисодиёт мактаби” Миллий тадқиқот университетида ўтказилган “Молияда таҳлил ва рақамли трансформация” мавзусидаги малака ошириш дастурида иштирок этиб, янги тажрибалар билан қайтдилар.

Банк-молия академиясидан йўл олган 10 нафар профессор-ўқитувчи мазкур курсда иштирок этиб, молия соҳасидаги энг илғор назарий билимлар ва амалий тажрибалар билан танишдилар.

Ташкил этилган машғулотларда иштирокчилар нафақат маърузалар тингладилар, балки амалий семинарларда ҳам фаол қатнашдилар. Масалан, молия бозоридаги йирик мутахассис, “FINAM” АЖ бошқаруви маслаҳатчиси Александр Пшикин замонавий молиявий инструментлар ва бозор тенденциялари ҳақида қизиқарли маъруза ўқиди. Шунингдек, рақамли иқтисодиёт ва молия соҳасидаги инновацион ёндашувлар кенг муҳокама қилинди.

Шунингдек, Академия устозлари илмий лабораториялар ва таълим марказлари билан яқиндан танишдилар, талабалар билан мулоқот қилдилар ва илғор халқаро тажрибаларни ўргандилар.

Дастур якунлангач, иштирокчиларга махсус сертификатлар топширилди. Бу эса уларнинг Академиядаги педагогик ва илмий фаолиятида янги ғоялар, янги билимлар ва инновацион усулларни жорий қилишга хизмат қилади.

Банк-молия академияси раҳбарияти таъкидлаганидек, бу ҳамкорлик дастури нафақат педагогларнинг малакасини ошириш, балки Академиянинг умумий салоҳиятини юксалтиришда ҳам катта аҳамият касб этади.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Akademiyada ta’lim va ilm-fan sifatini oshirishga qaratilgan qarorlar qabul qilindi

Bugun, 30-sentabr kuni Bank-moliya akademiyasi Kengashining navbatdagi yig‘ilishi bo‘lib o‘tdi. Unda ta’lim jarayoni sifatini oshirish, professor-o‘qituvchilar mehnatini rag‘batlantirish va ilmiy tadqiqotlar samaradorligini ta’minlashga qaratilgan qator masalalar atroflicha muhokama etildi.

Xususan yig‘ilish davomida mas’ullarning joriy o‘quv yili uchun magistratura mutaxassisliklariga qabul natijalari, professor-o‘qituvchilar faoliyatini rag‘batlantirish mezonlarini belgilash, Akademiya bitiruvchilari uyushmasi Nizomini tasdiqlash, mustaqil izlanuvchilarning (PhD/DSc) yakka tartibdagi ish rejalari va nazariy-metodologik dasturini tasdiqlash to‘g‘risidagi masalalar yuzasidan hisobotlari tinglanib, zarur taklif va mulohazalar bildirildi.

Kengash majlisida muhokama qilingan barcha masalalar yuzasidan tegishli qarorlar qabul qilindi.

✍️ Академияда таълим ва илм-фан сифатини оширишга қаратилган қарорлар қабул қилинди

Бугун, 30 сентябрь куни Банк-молия академияси Кенгашининг навбатдаги йиғилиши бўлиб ўтди. Унда таълим жараёни сифатини ошириш, профессор-ўқитувчилар меҳнатини рағбатлантириш ва илмий тадқиқотлар самарадорлигини таъминлашга қаратилган қатор масалалар атрофлича муҳокама этилди.

Хусусан йиғилиш давомида масъулларнинг жорий ўқув йили учун магистратура мутахассисликларига қабул натижалари, профессор-ўқитувчилар фаолиятини рағбатлантириш мезонларини белгилаш, Академия битирувчилари уюшмаси Низомини тасдиқлаш, мустақил изланувчиларнинг (PhD/DSc) якка тартибдаги иш режалари ва назарий-методологик дастурини тасдиқлаш тўғрисидаги масалалар юзасидан ҳисоботлари тингланиб, зарур таклиф ва мулоҳазалар билдирилди.

Кенгаш мажлисида муҳокама қилинган барча масалалар юзасидан тегишли қарорлар қабул қилинди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in