Tadbirda «O‘zbekneftgaz» AJ Korporativ munosabatlar departamenti boshlig‘i Muratjan Omarov ma’ruza bilan ishtirok etdi. U korporativ qimmatli qog‘ozlar bozorining zamonaviy rivojlanish tendensiyalari, aksiyadorlik jamiyatlarida ochiqlik va shaffoflik tamoyillarining ahamiyati, korporativ boshqaruv tizimida kuzatuv kengashi, aksiyadorlar, investorlarning o‘rni kabi masalalar yuzasidan batafsil ma’lumot berdi.

Mahorat darsi davomida bozorning asosiy ishtirokchilari, ularning funksiyalari, korporativ qimmatli qog‘ozlar emissiyasi jarayonidagi talablar, investorlar huquqlarini himoya qilish mexanizmlari hamda jahon amaliyotidagi ilg‘or yondashuvlar muhokama qilindi.

Tadbir yakunida ishtirokchilar o‘zlarini qiziqtirgan savollar bilan murojaat qildilar va sohaga doir amaliy jihatlar bo‘yicha mutaxassisdan to‘liq javob oldilar.

Тадбирда «Ўзбекнефтгаз» АЖ Корпоратив муносабатлар департаменти бошлиғи Муратжан Омаров маъруза билан иштирок этди. У корпоратив қимматли қоғозлар бозорининг замонавий ривожланиш тенденциялари, акциядорлик жамиятларида очиқлик ва шаффофлик тамойилларининг аҳамияти, корпоратив бошқарув тизимида кузатув кенгаши, акциядорлар, инвесторларнинг ўрни каби масалалар юзасидан батафсил маълумот берди.

Маҳорат дарси давомида бозорнинг асосий иштирокчилари, уларнинг функциялари, корпоратив қимматли қоғозлар эмиссияси жараёнидаги талаблар, инвесторлар ҳуқуқларини ҳимоя қилиш механизмлари ҳамда жаҳон амалиётидаги илғор ёндашувлар муҳокама қилинди.

Тадбир якунида иштирокчилар ўзларини қизиқтирган саволлар билан мурожаат қилдилар ва соҳага доир амалий жиҳатлар бўйича мутахассисдан тўлиқ жавоб олдилар.

Bank-moliya akademiyasi prorektori Mashhurbek Jalolov ushbu konferensiya doirasida bir qator xalqaro tashkilotlar, universitetlar rahbarlari va soha ekspertlari bilan uchrashuvlar o‘tkazdi. Muloqotlarda Akademiyaning xalqaro hamkorlik strategiyasi, ilmiy izlanishlarni kuchaytirish, yosh olimlar salohiyatini oshirish hamda xalqaro tarmoqlarda faol ishtirok etish masalalari muhokama qilindi.

Ta’kidlanganidek, bugungi kunda boshqaruv ta’limi global miqyosda tubdan o‘zgarish arafasida turibdi. Raqamli texnologiyalar, sun’iy intellekt, masofaviy o‘qitish va barqarorlik tamoyillarining ta’lim tizimiga jadal kirib kelayotgani yuqori malakali kadrlarga bo‘lgan talabni keskin oshirmoqda.

Shu nuqtai nazardan, AMBA & BGAning ushbu anjumani Osiyo-Tinch okeani mintaqasida boshqaruv ta’limi bo‘yicha eng yirik fikr almashuv maydoni bo‘lib, undagi muloqotlar O‘zbekiston uchun ham yangi imkoniyatlar eshigini ochadi.

Akademiyaning ushbu konferensiyadagi ishtiroki mamlakatimizda moliya va bank sohasi bo‘yicha zamonaviy ta’lim standartlarini joriy etish, o‘quv dasturlarini xalqaro mezonlar asosida yangilash hamda yosh mutaxassislar uchun kengroq ilmiy-amaliy imkoniyatlar yaratishga xizmat qiladi.

Банк-молия академияси проректори Машҳурбек Жалолов ушбу конференция доирасида бир қатор халқаро ташкилотлар, университетлар раҳбарлари ва соҳа экспертлари билан учрашувлар ўтказди. Мулоқотларда Академиянинг халқаро ҳамкорлик стратегияси, илмий изланишларни кучайтириш, ёш олимлар салоҳиятини ошириш ҳамда халқаро тармоқларда фаол иштирок этиш масалалари муҳокама қилинди.

Таъкидланганидек, бугунги кунда бошқарув таълими глобал миқёсда тубдан ўзгариш арафасида турибди. Рақамли технологиялар, сунъий интеллект, масофавий ўқитиш ва барқарорлик тамойилларининг таълим тизимига жадал кириб келаётгани юқори малакали кадрларга бўлган талабни кескин оширмоқда.

Шу нуқтаи назардан, AMBA & BGAнинг ушбу анжумани Осиё-Тинч океани минтақасида бошқарув таълими бўйича энг йирик фикр алмашув майдони бўлиб, ундаги мулоқотлар Ўзбекистон учун ҳам янги имкониятлар эшигини очади.

Академиянинг ушбу конференциядаги иштироки мамлакатимизда молия ва банк соҳаси бўйича замонавий таълим стандартларини жорий этиш, ўқув дастурларини халқаро мезонлар асосида янгилаш ҳамда ёш мутахассислар учун кенгроқ илмий-амалий имкониятлар яратишга хизмат қилади.

Mazkur mahorat darsida Elsevier kompaniyasining Turkiya va Markaziy Osiyo bo‘yicha katta ilmiy xodimlar menejeri Ayhan Akanay Saracoglu ishtirok etib, keng qamrovli ma’ruza taqdimotini amalga oshirdi. Unda ilmiy izlanishlarni olib borishda ScienceDirect platformasi imkoniyatlaridan samarali foydalanish, Scopus bazasida nashr etish jarayonlari, maqola tayyorlashning xalqaro talablari hamda bibliometrik ko‘rsatkichlarning ilmiy reytinglardagi ahamiyati haqida batafsil ma’lumotlar berildi.

Ayhan Akanay Saracoglu o‘z ma’ruzasida AI texnologiyalarining ilmiy faoliyatga jadal kirib borayotganini ta’kidlar ekan, sun’iy intellekt asosidagi vositalar nafaqat axborot qidiruvi, balki bibliometrik tahlil, ilmiy maqola strukturasi, ilmiy farazlar shakllantirish va tadqiqot dizaynini takomillashtirishda ham keng amaliy ahamiyat kasb etayotganini qayd etdi.

Tadbir yakunida ishtirokchilar o‘zlarini qiziqtirgan savollarga javob oldilar, xalqaro ilmiy jurnallarda maqola chop ettirish, ilmiy hamkorlikni yo‘lga qo‘yish va axborot resurslaridan samarali foydalanish bo‘yicha amaliy tavsiyalar berildi.

Мазкур маҳорат дарсида Elsevier компаниясининг Туркия ва Марказий Осиё бўйича катта илмий ходимлар менежери Айҳан Аканай Сараcоглу иштирок этиб, кенг қамровли маъруза тақдимотини амалга оширди. Унда илмий изланишларни олиб боришда ScienceDirect платформаси имкониятларидан самарали фойдаланиш, Scopus базасида нашр этиш жараёнлари, мақола тайёрлашнинг халқаро талаблари ҳамда библиометрик кўрсаткичларнинг илмий рейтинглардаги аҳамияти ҳақида батафсил маълумотлар берилди.

Айҳан Аканай Сараcоглу ўз маърузасида AI технологияларининг илмий фаолиятга жадал кириб бораётганини таъкидлар экан, сунъий интеллект асосидаги воситалар нафақат ахборот қидируви, балки библиометрик таҳлил, илмий мақола структураси, илмий фаразлар шакллантириш ва тадқиқот дизайнини такомиллаштиришда ҳам кенг амалий аҳамият касб этаётганини қайд этди.

Тадбир якунида иштирокчилар ўзларини қизиқтирган саволларга жавоб олдилар, халқаро илмий журналларда мақола чоп эттириш, илмий ҳамкорликни йўлга қўйиш ва ахборот ресурсларидан самарали фойдаланиш бўйича амалий тавсиялар берилди.

Kun tartibidagi birinchi masala yuzasidan Moliya va moliyaviy texnologiyalar fakulteti dekani N. Raxmonov axborot berdi. Unda magistrlik dissertatsiyalarini Yakuniy davlat attestatsiya komissiyasida himoya qilish jarayonlari, natijalar, mavjud yutuqlar hamda kelgusidagi ustuvor vazifalar haqida batafsil ma’lumot taqdim etildi.

Keyingi masala yuzasidan Biznes va menejment fakulteti dekani o‘rinbosari J. Jo‘rayev ma’ruza qildi. Kengash tomonidan tahsil oluvchilar odob-ahloq qoidalarining yangi tahriri tasdiqlash uchun ko‘rib chiqildi va tegishli qaror qabul qilindi.

Shundan so‘ng Ilmiy-tadqiqot va ilmiy-pedagog kadrlar tayyorlash bo‘limi boshlig‘i A. Mardonov 2026-yil uchun doktorantura (DSc), tayanch doktorantura (PhD) hamda 2026-yil I choragi uchun Akademiyaning mustaqil izlanuvchilik institutiga talabgorlarni qabuli yuzasidan axborot berdi.

Shuningdek, majlisda darslik va o‘quv qo‘llanmani nashrga tavsiya etish, amaliy tadqiqot va innovatsion loyihalar tanlovida ishtirok etish uchun grant loyihasini tavsiya etish kabi masalalar ham muhokama qilinib, tegishli qaror qabul qilindi.

Yakunda Akademiyaning ilmiy-tadqiqot faoliyati, ta’lim sifati va ilmiy kadrlar tayyorlash jarayonini yanada takomillashtirishga qaratilgan qarorlar qabul qilindi va mas’ullarga tegishli vazifalar belgilab berildi.

Кун тартибидаги биринчи масала юзасидан Молия ва молиявий технологиялар факультети декани Н. Рахмонов ахборот берди. Унда магистрлик диссертацияларини Якуний давлат аттестация комиссиясида ҳимоя қилиш жараёнлари, натижалар, мавжуд ютуқлар ҳамда келгусидаги устувор вазифалар ҳақида батафсил маълумот тақдим этилди.

Кейинги масала юзасидан Бизнес ва менежмент факультети декани ўринбосари Ж. Жўраев маъруза қилди. Кенгаш томонидан таҳсил олувчилар одоб-аҳлоқ қоидаларининг янги таҳрири тасдиқлаш учун кўриб чиқилди ва тегишли қарор қабул қилинди.

Шундан сўнг Илмий-тадқиқот ва илмий-педагог кадрлар тайёрлаш бўлими бошлиғи А. Мардонов 2026 йил учун докторантура (DSc), таянч докторантура (PhD) ҳамда 2026 йил I чораги учун Академиянинг мустақил изланувчилик институтига талабгорларни қабули юзасидан ахборот берди.

Шунингдек, мажлисда дарслик ва ўқув қўлланмани нашрга тавсия этиш, амалий тадқиқот ва инновацион лойиҳалар танловида иштирок этиш учун грант лойиҳасини тавсия этиш каби масалалар ҳам муҳокама қилиниб, тегишли қарор қабул қилинди.

Якунда Академиянинг илмий-тадқиқот фаолияти, таълим сифати ва илмий кадрлар тайёрлаш жараёнини янада такомиллаштиришга қаратилган қарорлар қабул қилинди ва масъулларга тегишли вазифалар белгилаб берилди.