✍️ Bank tizimi islohotlariga bag‘ishlangan navbatdagi mahorat darsi o‘tkazildi

Bugun, 17-dekabr kuni Bank-moliya akademiyasida “O‘zbekistonda bank tizimini isloh qilishdagi muammolar va ularning yechimlari” mavzusida navbatdagi mahorat darsi bo‘lib o‘tdi.

Mavzu yuzasidan «O‘zsanoatqurilishbank» ATB Sustainable Finance departamenti direktori, iqtisodiyot fanlari doktori Bobur Sultonmurodov ma’ruza qildi

Ma’ruzada mamlakat bank tizimini isloh qilishning ustuvor yo‘nalishlari, xususan, banklarning moliyaviy barqarorligi va kapitallashuvini oshirish, bank nazorati va tartibga solish tizimini takomillashtirish, raqobat muhitini kuchaytirish, xususiy banklar rolini kengaytirish hamda raqamli bank xizmatlarini joriy etish masalalariga alohida e’tibor qaratildi.

Shuningdek, O‘zbekiston Respublikasi Prezidentining bank tizimini isloh qilishga qaratilgan farmon va qarorlari, xususan, 2020–2025-yillarga mo‘ljallangan bank tizimini isloh qilish strategiyasi, shuningdek, davlat banklarini transformatsiya qilish va xususiylashtirish jarayonlarining ahamiyati keng yoritib berildi.

Tadbir yakunida bank tizimi transformatsiyasi jarayonida uchrayotgan asosiy muammolar tahlil qilinib, ularni bartaraf etish bo‘yicha aniq taklif va yechimlar ilgari surildi.

✍️ Банк тизими ислоҳотларига бағишланган навбатдаги маҳорат дарси ўтказилди

Бугун, 17 декабрь куни Банк-молия академиясида “Ўзбекистонда банк тизимини ислоҳ қилишдаги муаммолар ва уларнинг ечимлари” мавзусида навбатдаги маҳорат дарси бўлиб ўтди.

Мавзу юзасидан «Ўзсаноатқурилишбанк» АТБ Sustainable Finance департаменти директори, иқтисодиёт фанлари доктори Бобур Султонмуродов маъруза қилди

Маърузада мамлакат банк тизимини ислоҳ қилишнинг устувор йўналишлари, хусусан, банкларнинг молиявий барқарорлиги ва капиталлашувини ошириш, банк назорати ва тартибга солиш тизимини такомиллаштириш, рақобат муҳитини кучайтириш, хусусий банклар ролини кенгайтириш ҳамда рақамли банк хизматларини жорий этиш масалаларига алоҳида эътибор қаратилди.

Шунингдек, Ўзбекистон Республикаси Президентининг банк тизимини ислоҳ қилишга қаратилган фармон ва қарорлари, хусусан, 2020–2025 йилларга мўлжалланган банк тизимини ислоҳ қилиш стратегияси, шунингдек, давлат банкларини трансформация қилиш ва хусусийлаштириш жараёнларининг аҳамияти кенг ёритиб берилди.

Тадбир якунида банк тизими трансформацияси жараёнида учраётган асосий муаммолар таҳлил қилиниб, уларни бартараф этиш бўйича аниқ таклиф ва ечимлар илгари сурилди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasida navbatdagi mahorat darsi bo‘lib o‘tdi

Mazkur mahorat darsi “Davlat xaridlari sohasini tartibga solish asoslari” mavzusiga bag‘ishlanib, unda davlat xaridlari tizimining huquqiy-me’yoriy asoslari, xarid jarayonlarining shaffofligini ta’minlash mexanizmlari hamda amaldagi qonunchilikdagi dolzarb o‘zgarishlar batafsil yoritildi.

Mahorat darsida O‘zbekiston Respublikasi Iqtisodiyot va moliya vazirligi Davlat xaridlari siyosati departamenti bosh mutaxassisi Sanjar Axmedov ma’ruza qildi. U o‘z chiqishida davlat xaridlarini tashkil etishda samaradorlikni oshirish, raqobat muhitini rivojlantirish va budjet mablag‘laridan oqilona foydalanish masalalariga alohida e’tibor qaratdi.

Tadbir davomida ishtirokchilar mavzu yuzasidan o‘zlarini qiziqtirgan savollarga atroflicha javob oldilar hamda davlat xaridlari amaliyotida uchraydigan muammoli holatlar bo‘yicha ekspert fikrlari bilan tanishdilar.

✍️ Банк-молия академиясида навбатдаги маҳорат дарси бўлиб ўтди

Мазкур маҳорат дарси “Давлат харидлари соҳасини тартибга солиш асослари” мавзусига бағишланиб, унда давлат харидлари тизимининг ҳуқуқий-меъёрий асослари, харид жараёнларининг шаффофлигини таъминлаш механизмлари ҳамда амалдаги қонунчиликдаги долзарб ўзгаришлар батафсил ёритилди.

Маҳорат дарсида Ўзбекистон Республикаси Иқтисодиёт ва молия вазирлиги Давлат харидлари сиёсати департаменти бош мутахассиси Санжар Ахмедов маъруза қилди. У ўз чиқишида давлат харидларини ташкил этишда самарадорликни ошириш, рақобат муҳитини ривожлантириш ва бюджет маблағларидан оқилона фойдаланиш масалаларига алоҳида эътибор қаратди.

Тадбир давомида иштирокчилар мавзу юзасидан ўзларини қизиқтирган саволларга атрофлича жавоб олдилар ҳамда давлат харидлари амалиётида учрайдиган муаммоли ҳолатлар бўйича эксперт фикрлари билан танишдилар.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasida jamoaviy investitsiyalash institutlariga bag‘ishlangan mahorat darsi bo‘lib o‘tdi

“Jamoaviy investitsiyalash institutlari: qonunchilik muammolari va yangi istiqbollar” mavzusida tashkil etilgan tadbirda moliya bozorini rivojlantirish, investitsiya muhitini yanada takomillashtirish hamda jamoaviy investitsiyalar institutlarining huquqiy asoslari kabi masalalar chuqur tahlil qilindi.

Mahorat darsi davomida Toshkent davlat yuridik universiteti dotsenti, yuridik fanlari bo‘yicha falsafa doktori (PhD), Oxford Islom tadqiqotlari markazi tadqiqotchisi Alisher Jumagulov mazkur yo‘nalishdagi dolzarb masalalar yuzasidan ma’ruza qildi. Ma’ruzada jamoaviy investitsiyalash institutlarining huquqiy tabiati, ularni tartibga soluvchi milliy qonunchilikdagi mavjud muammolar, shuningdek, xalqaro amaliyotda qo‘llanilayotgan ilg‘or yondashuvlar atroflicha yoritildi.

Shuningdek, tadbirda jamoaviy investitsiyalarni rivojlantirish orqali moliyaviy resurslarni samarali safarbar etish, investorlar huquqlarini ishonchli himoya qilish va moliya bozorida shaffoflikni ta’minlash masalalariga alohida e’tibor qaratildi. Ma’ruzachi tomonidan sohani takomillashtirish bo‘yicha aniq taklif va tavsiyalar bildirilib, istiqboldagi rivojlanish yo‘nalishlari yuzasidan fikrlar ilgari surildi.

Mahorat darsi interaktiv ruhda o‘tib, ishtirokchilar mavzu doirasida o‘zlarini qiziqtirgan savollar bilan faol qatnashdilar. Tadbir yakunida talabalar va mutaxassislar jamoaviy investitsiyalash institutlari bo‘yicha nazariy bilimlarini mustahkamlab, amaliy jihatdan muhim xulosalarga ega bo‘ldilar.

✍️ Банк-молия академиясида жамоавий инвестициялаш институтларига бағишланган маҳорат дарси бўлиб ўтди

“Жамоавий инвестициялаш институтлари: қонунчилик муаммолари ва янги истиқболлар” мавзусида ташкил этилган тадбирда молия бозорини ривожлантириш, инвестиция муҳитини янада такомиллаштириш ҳамда жамоавий инвестициялар институтларининг ҳуқуқий асослари каби масалалар чуқур таҳлил қилинди.

Маҳорат дарси давомида Тошкент давлат юридик университети доценти, юридик фанлари бўйича фалсафа доктори (PhD), Охфорд Ислом тадқиқотлари маркази тадқиқотчиси Алишер Жумагулов мазкур йўналишдаги долзарб масалалар юзасидан маъруза қилди. Маърузада жамоавий инвестициялаш институтларининг ҳуқуқий табиати, уларни тартибга солувчи миллий қонунчиликдаги мавжуд муаммолар, шунингдек, халқаро амалиётда қўлланилаётган илғор ёндашувлар атрофлича ёритилди.

Шунингдек, тадбирда жамоавий инвестицияларни ривожлантириш орқали молиявий ресурсларни самарали сафарбар этиш, инвесторлар ҳуқуқларини ишончли ҳимоя қилиш ва молия бозорида шаффофликни таъминлаш масалаларига алоҳида эътибор қаратилди. Маърузачи томонидан соҳани такомиллаштириш бўйича аниқ таклиф ва тавсиялар билдирилиб, истиқболдаги ривожланиш йўналишлари юзасидан фикрлар илгари сурилди.

Маҳорат дарси интерактив руҳда ўтиб, иштирокчилар мавзу доирасида ўзларини қизиқтирган саволлар билан фаол қатнашдилар. Тадбир якунида талабалар ва мутахассислар жамоавий инвестициялаш институтлари бўйича назарий билимларини мустаҳкамлаб, амалий жиҳатдан муҳим хулосаларга эга бўлдилар.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasi Kengashining navbatdagi majlisi bo‘lib o‘tdi

Dastlab, Akademiya rektori Elmurod Hoshimov so‘zga chiqib, mamlakatimiz Prezidenti Shavkat Mirziyoyevning Oliy Majlis va O‘zbekiston xalqiga yo‘llagan Murojaatnomasida belgilangan ustuvor vazifalarga alohida to‘xtalib, ushbu strategik yo‘nalishlar Akademiya faoliyati, ta’lim sifati, ilmiy-tadqiqot ishlari hamda kadrlar tayyorlash tizimida izchil aks etishi lozimligini ta’kidladi.

Kun tartibiga muvofiq, dastlab 2025/2026 o‘quv yilida MSc (Master of Science) magistratura mutaxassisliklari bo‘yicha Yakuniy davlat attestatsiyasi (YADAK) himoyalari natijalari muhokama qilindi. Mazkur masala yuzasidan Moliya va moliyaviy texnologiyalar fakulteti dekani N. Raxmonov axborot berdi.

Shundan so‘ng Akademiyaning 2026 moliyaviy yilga mo‘ljallangan daromad va xarajatlar rejasi, jumladan smeta hamda shtatlar jadvali ko‘rib chiqildi. Mazkur masala bo‘yicha Reja-iqtisod bo‘limi boshlig‘i I. Ibragimov taqdimot qildi.

Kengash a’zolari tomonidan “Moliya va bank ishi” elektron ilmiy jurnalini Scopus xalqaro ilmiy-texnik ma’lumotlar bazasiga kiritish bo‘yicha ishlab chiqilgan “yo‘l xaritasi” ham muhokama qilinib, uni tasdiqlash masalasi ko‘rib chiqildi.

Shuningdek, 2026-yil uchun doktorantura (DSc), tayanch doktorantura (PhD) hamda 2026-yil I choragi uchun Akademiya mustaqil izlanuvchilik institutiga qabul qilingan mustaqil izlanuvchilarning yakka tartibdagi ish rejalari va nazariy-metodologik dasturlarini tasdiqlash masalasi ko‘rib chiqildi.

Majlis yakunida kun tartibidagi barcha masalalar yuzasidan tegishli qarorlar qabul qilindi va mas’ul ijrochilarga aniq vazifalar yuklatildi.

✍️ Банк-молия академияси Кенгашининг навбатдаги мажлиси бўлиб ўтди

Дастлаб, Академия ректори Элмурод Ҳошимов сўзга чиқиб, мамлакатимиз Президенти Шавкат Мирзиёевнинг Олий Мажлис ва Ўзбекистон халқига йўллаган Мурожаатномасида белгиланган устувор вазифаларга алоҳида тўхталиб, ушбу стратегик йўналишлар Академия фаолияти, таълим сифати, илмий-тадқиқот ишлари ҳамда кадрлар тайёрлаш тизимида изчил акс этиши лозимлигини таъкидлади.

Кун тартибига мувофиқ, дастлаб 2025/2026 ўқув йилида MSc (Master of Science) магистратура мутахассисликлари бўйича Якуний давлат аттестацияси (ЯДАК) ҳимоялари натижалари муҳокама қилинди. Мазкур масала юзасидан Молия ва молиявий технологиялар факультети декани Н. Рахмонов ахборот берди.

Шундан сўнг Академиянинг 2026 молиявий йилга мўлжалланган даромад ва харажатлар режаси, жумладан смета ҳамда штатлар жадвали кўриб чиқилди. Мазкур масала бўйича Режа-иқтисод бўлими бошлиғи И. Ибрагимов тақдимот қилди.

Кенгаш аъзолари томонидан “Молия ва банк иши” электрон илмий журналини Scopus халқаро илмий-техник маълумотлар базасига киритиш бўйича ишлаб чиқилган “йўл харитаси” ҳам муҳокама қилиниб, уни тасдиқлаш масаласи кўриб чиқилди.

Шунингдек, 2026 йил учун докторантура (DSc), таянч докторантура (PhD) ҳамда 2026 йил I чораги учун Академия мустақил изланувчилик институтига қабул қилинган мустақил изланувчиларнинг якка тартибдаги иш режалари ва назарий-методологик дастурларини тасдиқлаш масаласи кўриб чиқилди.

Мажлис якунида кун тартибидаги барча масалалар юзасидан тегишли қарорлар қабул қилинди ва масъул ижрочиларга аниқ вазифалар юклатилди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in