✍️ Scopus indeksidagi jurnallarda maqola chop etish bo‘yicha amaliy seminar o‘tkazildi

Bugun, 9-yanvar kuni ilmiy-tadqiqot faoliyati bilan shug‘ullanayotgan professor-o‘qituvchilar, doktorantlar, mustaqil tadqiqotchilar hamda yosh olimlar uchun “Scopus bazasidagi indekslangan jurnallar uchun ilmiy maqolalarni tayyorlash va nashr etish” mavzusida amaliy seminar tashkil etildi.

Mazkur seminar Scopus xalqaro ma’lumotlar bazasida indekslangan nufuzli ilmiy jurnallarda maqola e’lon qilish jarayonining barcha muhim bosqichlarini qamrab oldi. Xususan, ishtirokchilarga jurnal tanlash mezonlari, ilmiy maqolaning to‘g‘ri tuzilmasini shakllantirish, annotatsiya va asosiy bo‘limlarni yozish, ilmiy etika va havolalar bilan ishlash, maqolani onlayn topshirish, taqriz jarayonidan muvaffaqiyatli o‘tish hamda nashrdan keyingi strategiyalar bo‘yicha batafsil tushuntirishlar berildi.

Seminar davomida Scopus tizimining ishlash mexanizmi, indeksatsiya talablari va bibliometrik ko‘rsatkichlarning ahamiyati amaliy misollar orqali yoritildi. Shuningdek, maqola e’lon qilingandan so‘ng, uning ilmiy ko‘rinuvchanligi va iqtiboslar sonini oshirish bo‘yicha samarali tavsiyalar taqdim etildi.

Seminar interaktiv formatda o‘tkazilib, savol-javoblar, real tajribaga asoslangan misollar hamda ilmiy maqola tayyorlash jarayonini yengillashtiruvchi vositalar bo‘yicha amaliy tavsiyalar bilan boyitildi. Ishtirokchilar Scopus bazasida muvaffaqiyatli nashr etish bo‘yicha zarur bilim va ko‘nikmalarga ega bo‘ldilar.

✍️ Scopus индексидаги журналларда мақола чоп этиш бўйича амалий семинар ўтказилди

Бугун, 9 январь куни илмий-тадқиқот фаолияти билан шуғулланаётган профессор-ўқитувчилар, докторантлар, мустақил тадқиқотчилар ҳамда ёш олимлар учун “Scopus базасидаги индексланган журналлар учун илмий мақолаларни тайёрлаш ва нашр этиш” мавзусида амалий семинар ташкил этилди.

Мазкур семинар Scopus халқаро маълумотлар базасида индексланган нуфузли илмий журналларда мақола эълон қилиш жараёнининг барча муҳим босқичларини қамраб олди. Хусусан, иштирокчиларга журнал танлаш мезонлари, илмий мақоланинг тўғри тузилмасини шакллантириш, аннотация ва асосий бўлимларни ёзиш, илмий этика ва ҳаволалар билан ишлаш, мақолани онлайн топшириш, тақриз жараёнидан муваффақиятли ўтиш ҳамда нашрдан кейинги стратегиялар бўйича батафсил тушунтиришлар берилди.

Семинар давомида Scopus тизимининг ишлаш механизми, индексация талаблари ва библиометрик кўрсаткичларнинг аҳамияти амалий мисоллар орқали ёритилди. Шунингдек, мақола эълон қилингандан сўнг, унинг илмий кўринувчанлиги ва иқтибослар сонини ошириш бўйича самарали тавсиялар тақдим этилди.

Семинар интерактив форматда ўтказилиб, савол-жавоблар, реал тажрибага асосланган мисоллар ҳамда илмий мақола тайёрлаш жараёнини енгиллаштирувчи воситалар бўйича амалий тавсиялар билан бойитилди. Иштирокчилар Scopus базасида муваффақиятли нашр этиш бўйича зарур билим ва кўникмаларга эга бўлдилар.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🇺🇿 Vatan himoyachilari kuniga bag‘ishlangan bayram tadbiri o‘tkazildi

Bugun, 13-yanvar kuni O‘zbekiston Respublikasi Bank-moliya akademiyasida 14-yanvar — Vatan himoyachilari kuni munosabati bilan tantanali bayram tadbiri tashkil etildi. Unda professor-o‘qituvchilar, xodimlar, talabalar, shuningdek, Mudofaa vazirligi tizimida ko‘p yillar fidokorona xizmat qilgan faxriylar ishtirok etdi.

Tantanali tadbir O‘zbekiston Respublikasi Davlat madhiyasining orkestr ijrosida yangrashi bilan ochildi.

Shundan so‘ng so‘z Akademiya rektori Elmurod Hoshimovga berildi. U o‘z chiqishida Vatan himoyachilari kunining yuksak ma’naviy-siyosiy ahamiyatiga alohida to‘xtalib, mamlakatimiz milliy armiyasining bugungi salohiyati, uning tinchlik va barqarorlikni ta’minlashdagi o‘rni, shuningdek, yosh avlodni vatanparvarlik, fidoyilik va yuksak fuqarolik mas’uliyati ruhida tarbiyalash masalalariga alohida e’tibor qaratdi.

Tadbir davomida taklif etilgan mehmonlar — O‘zbekiston Respublikasi Mudofaa vazirligi Toshkent shahar Faxriylar kengashi raisi, iste’fodagi polkovnik Gulmurat Xushvakov hamda Faxriylar kengashi raisining o‘rinbosari, iste’fodagi podpolkovnik Ulug‘bek Zufarov o‘z tabrik so‘zlari bilan chiqib, Vatan himoyasi yo‘lida xizmat qilish sharafli va mas’uliyatli burch ekanini alohida ta’kidladilar.

Bayram tadbiri doirasida O‘zbekiston Respublikasi Mudofaa vazirligi orkestr guruhining musiqiy chiqishlari ishtirokchilarga ko‘tarinki kayfiyat bag‘ishladi.

Tadbirning taqdimot qismida faxriy mehmonlarga tabriklar yo‘llanib, esdalik sovg‘alari topshirildi. Yakunda barcha ishtirokchilar ishtirokida esdalik uchun umumiy fotosuratga tushildi.

🇺🇿 Ватан ҳимоячилари кунига бағишланган байрам тадбири ўтказилди

Бугун, 13 январь куни Ўзбекистон Республикаси Банк-молия академиясида 14 январь — Ватан ҳимоячилари куни муносабати билан тантанали байрам тадбири ташкил этилди. Унда профессор-ўқитувчилар, ходимлар, талабалар, шунингдек, Мудофаа вазирлиги тизимида кўп йиллар фидокорона хизмат қилган фахрийлар иштирок этди.

Тантанали тадбир Ўзбекистон Республикаси Давлат мадҳиясининг оркестр ижросида янграши билан очилди.

Шундан сўнг сўз Академия ректори Элмурод Ҳошимовга берилди. У ўз чиқишида Ватан ҳимоячилари кунининг юксак маънавий-сиёсий аҳамиятига алоҳида тўхталиб, мамлакатимиз миллий армиясининг бугунги салоҳияти, унинг тинчлик ва барқарорликни таъминлашдаги ўрни, шунингдек, ёш авлодни ватанпарварлик, фидойилик ва юксак фуқаролик масъулияти руҳида тарбиялаш масалаларига алоҳида эътибор қаратди.

Тадбир давомида таклиф этилган меҳмонлар — Ўзбекистон Республикаси Мудофаа вазирлиги Тошкент шаҳар Фахрийлар кенгаши раиси, истеъфодаги полковник Гулмурат Хушваков ҳамда Фахрийлар кенгаши раисининг ўринбосари, истеъфодаги подполковник Улуғбек Зуфаров ўз табрик сўзлари билан чиқиб, Ватан ҳимояси йўлида хизмат қилиш шарафли ва масъулиятли бурч эканини алоҳида таъкидладилар.

Байрам тадбири доирасида Ўзбекистон Республикаси Мудофаа вазирлиги оркестр гуруҳининг мусиқий чиқишлари иштирокчиларга кўтаринки кайфият бағишлади.

Тадбирнинг тақдимот қисмида фахрий меҳмонларга табриклар йўлланиб, эсдалик совғалари топширилди. Якунда барча иштирокчилар иштирокида эсдалик учун умумий фотосуратга тушилди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

📢 Xalqaro qisqa muddatli amaliyot dasturiga taklif etamiz!

QS World University Rankings reytingida Top–200 talikka kiruvchi Universitas Indonesia bazasida tashkil etilayotgan qisqa muddatli xalqaro dasturga tinglovchilarni taklif etamiz.

Mazkur dastur ishtirokchilarga xalqaro akademik muhit bilan tanishish, shuningdek, boy madaniy tajriba orttirish imkoniyatini taqdim etadi.

Mavzu: Indoneziyada innovatsiyalar va raqamli transformatsiya: iqtisodiy, moliyaviy va ijtimoiy istiqbollar

Sanasi: 2026-yil 16–20-fevral

Dastur narxi: $500 (aviabilet narxi kiritilmagan)

👉 Transport va barcha dastur doirasidagi faoliyatlar to‘liq qamrab olingan
👉 Chinese New Year munosabati bilan Jakarta Chinatown hududiga madaniy sayohat rejalashtirilgan
👉 Nonushta ta’minlanadi (Ramazon oyi inobatga olingan holda)

Talablar: Ingliz tili sertifikati (kamida B2) yoki og‘zaki imtihon asosida qabul qilinadi.

Hujjatlar qabul qilish muddati 2026-yil 30-yanvargacha.

👉 Ro‘yxatdan o‘tish.

👉 Dastur

Xalqaro ta’lim va madaniy almashinuv imkoniyatini qo‘ldan boy bermang!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

📚 E’LON!

Bank-moliya akademiyasi O‘zbekiston Milliy kutubxonasi bilan samarali hamkorlikni yo‘lga qo‘ydi.

Mazkur hamkorlik doirasida Akademiya professor-o‘qituvchilari, ilmiy izlanuvchilari hamda magistrantlari o‘zlarining nazariy va ilmiy bilimlarini yanada oshirish, milliy va xorijiy adabiyotlarni chuqur o‘rganish imkoniyatiga ega bo‘ldilar.

Endilikda foydalanuvchilar quyidagi O‘zbekiston Milliy kutubxonasi elektron resurslar bazalaridan foydalanishlari mumkin:

🌐 media.natlib.uz

🌐 natlib.uz

🌐 press.natlib.uz

🌐 qr.natlib.uz

Shuningdek, EIFL (Electronic Information for Libraries) xalqaro konsorsiumining litsenziyali dasturi orqali dunyoning eng ilg‘or xorijiy ilmiy nashriyotlar va ma’lumotlar bazalari ham taqdim etilmoqda:

🔎 EBSCOhost

🔎 ProQuest

📰 PressReader

📘 ACM Digital Library

📗 Royal Society Journals Collection

📙 IWA Publishing Journals

📕 European Respiratory Journal

📓 Edward Elgar Publishing

📔 Mathematical Sciences Publishers Journals

Ushbu elektron resurslardan yagona elektron kutubxona platformasi — https://miku.uz/ orqali foydalanish mumkin.

Ushbu imkoniyatlar ilmiy-tadqiqot faoliyatini rivojlantirish, ta’lim sifatini oshirish va zamonaviy bilimlarga keng yo‘l ochishga xizmat qiladi.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🇺🇿 🇰🇷 🇺🇸 Barqaror moliya tizimlariga bag‘ishlangan xalqaro konferensiya o‘tkaziladi

2026-yilning 20–23-yanvar kunlari O‘zbekiston Respublikasi Bank-moliya akademiyasida “Barqaror moliyaviy tizimlarni shakllantirish: global savdo urushlaridan barqaror va inklyuziv moliyaga qadar” mavzusida xalqaro ilmiy-amaliy konferensiya va maxsus ma’ruzalar tashkil etiladi.

Tadbir jahon iqtisodiyotidagi geoiqtisodiy o‘zgarishlar, global savdo ziddiyatlari, moliyaviy barqarorlik, ESG va korporativ boshqaruv, fintex, kapital bozorlariga o‘tish hamda inklyuziv moliya masalalariga bag‘ishlanadi.

Tadbirda AQSH, Janubiy Koreya va boshqa davlatlarning nufuzli universitetlari va ilmiy markazlari vakillari hamda mahalliy olimlar ishtirok etadi.

Muhokamalar doirasida geoiqtisodiyotning yangi bosqichi, global tarif urushi sharoitida risklarni boshqarish, O‘zbekistonda fintex texnologiyalarini joriy etish, erkin savdo va reindustrializatsiya, shuningdek, Markaziy Osiyoda vaqf moliyasi va barqaror moliyaviy xulq-atvor masalalari atroflicha tahlil qilinadi.

Tadbirning keyingi kunlarida raqamli tadbirkorlik, sun’iy intellekt davrida liderlik va innovatsiyalar, global ta’minot zanjirida ishonch, kapital bozoriga asoslangan moliya tizimiga o‘tish bo‘yicha maxsus ma’ruzalar o‘tkaziladi. Shuningdek, 23-yanvar kuni doktorantlar uchun dissertatsiya mavzulari bo‘yicha ilmiy maslahatlar tashkil etiladi.

Xalqaro anjuman professor-o‘qituvchilar, tadqiqotchilar, doktorantlar, bank-moliya sohasi mutaxassislari va yosh olimlar uchun ochiq bo‘lib, milliy moliya tizimini modernizatsiya qilish va uni jahon tendensiyalariga uyg‘un rivojlantirishga xizmat qiladi.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in