✍️ Xorijiy olimlar va yoshlar muloqoti

“Barqaror moliyaviy tizimlarni shakllantirish: global savdo urushlaridan barqaror va inklyuziv moliyaga qadar” mavzusidagi xalqaro konferensiya doirasida mamlakatimizga tashrif buyurgan nufuzli xorijiy olimlar Bank-moliya akademiyasi tinglovchilari bilan uchrashuv o‘tkazdi.

Mazkur uchrashuv ilm-fan va amaliyot uyg‘unligini mustahkamlash, yoshlarning global moliyaviy jarayonlar haqidagi bilim va ko‘nikmalarini yanada kengaytirish maqsadida tashkil etildi. Suhbat davomida xorijiy olimlar jahon moliya tizimidagi bugungi tendensiyalar, global savdo urushlarining iqtisodiy barqarorlikka ta’siri, shuningdek, inklyuziv va barqaror moliyaviy mexanizmlarni rivojlantirish masalalari yuzasidan atroflicha fikr-mulohazalar bildirdi.

Tinglovchilar esa Koreyada tashkil etilgan xalqaro keys chempionati doirasida orttirgan tajribalari, amaliy loyihalar ustida ishlash jarayonida duch kelgan muammolar va ularning yechimlari haqida so‘z yuritib, mutaxassislardan qimmatli tavsiyalar oldilar. Savol-javoblar ruhida kechgan muloqot yoshlarning kasbiy dunyoqarashini kengaytirib, ularni zamonaviy moliya sohasi talablari asosida mustaqil fikrlashga undadi.

Uchrashuv yakunida bunday ilmiy-amaliy muloqotlar kelgusida ham davom ettirilishi, xalqaro tajriba almashinuvi orqali raqobatbardosh va yetuk mutaxassislarni tayyorlashga xizmat qilishi alohida ta’kidlandi.

✍️ Хорижий олимлар ва ёшлар мулоқоти

“Барқарор молиявий тизимларни шакллантириш: глобал савдо урушларидан барқарор ва инклюзив молияга қадар” мавзусидаги халқаро конференция доирасида мамлакатимизга ташриф буюрган нуфузли хорижий олимлар Банк-молия академияси тингловчилари билан учрашув ўтказди.

Мазкур учрашув илм-фан ва амалиёт уйғунлигини мустаҳкамлаш, ёшларнинг глобал молиявий жараёнлар ҳақидаги билим ва кўникмаларини янада кенгайтириш мақсадида ташкил этилди. Суҳбат давомида хорижий олимлар жаҳон молия тизимидаги бугунги тенденциялар, глобал савдо урушларининг иқтисодий барқарорликка таъсири, шунингдек, инклюзив ва барқарор молиявий механизмларни ривожлантириш масалалари юзасидан атрофлича фикр-мулоҳазалар билдирди.

Тингловчилар эса Кореяда ташкил этилган халқаро кейс чемпионати доирасида орттирган тажрибалари, амалий лойиҳалар устида ишлаш жараёнида дуч келган муаммолар ва уларнинг ечимлари ҳақида сўз юритиб, мутахассислардан қимматли тавсиялар олдилар. Савол-жавоблар руҳида кечган мулоқот ёшларнинг касбий дунёқарашини кенгайтириб, уларни замонавий молия соҳаси талаблари асосида мустақил фикрлашга ундади.

Учрашув якунида бундай илмий-амалий мулоқотлар келгусида ҳам давом эттирилиши, халқаро тажриба алмашинуви орқали рақобатбардош ва етук мутахассисларни тайёрлашга хизмат қилиши алоҳида таъкидланди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Global beqarorlik sharoitida iqtisodiy tafakkur

Bugun jahon iqtisodiyoti geoiqtisodiy ziddiyatlar, savdo urushlari, texnologik sakrashlar va demografik bosim sharoitida yangi muvozanat izlayotgan bir paytda, moliya tizimlarining barqarorligi va davlat iqtisodiy siyosatining samaradorligi birinchi darajali masalaga aylanmoqda. Ana shunday sharoitda ilmiy tahlil, xalqaro tajriba va amaliy muloqotga asoslangan maydonlar ayni zaruratdir.

Bugun, 21-yanvar kuni Bank-moliya akademiyasida o‘tkazildigan xalqaro maxsus ma’ruzalar aynan shu ehtiyojdan kelib chiqqan holda tashkil etildi. Tadbirda jahon iqtisodiyotida kechayotgan chuqur o‘zgarishlar, raqamli transformatsiya, ta’minot zanjirlari barqarorligi va demografik omillarning iqtisodiy siyosatga ta’siri kabi dolzarb mavzular muhokama qilinadi.

Tadbir doirasida nufuzli xorijiy universitetlar va konsalting tashkilotlari vakillari tomonidan sun’iy intellekt sharoitida raqamli tadbirkorlikning yangi modeli, global ta’minot zanjirlarida ishonch va institutsional barqarorlik, rivojlanayotgan iqtisodiyotlarda yetakchilik va innovatsiya salohiyati, demografik inqirozning uzoq muddatli iqtisodiy oqibatlari kabi yo‘nalishlarda tahliliy ma’ruzalar taqdim etildi.

Mazkur mavzular shunchaki nazariy bahs emas, ular davlatning iqtisodiy siyosati, xususiy sektor faoliyati va inson kapitali rivoji uchun bevosita ahamiyat kasb etadi. Xususan, Koreya Respublikasi tajribasi misolida demografik muammolar va iqtisodiy o‘sish o‘rtasidagi bog‘liqlik tahlil qilinishi O‘zbekiston uchun ham muhim xulosalarni taqdim etadi.

Ushbu xalqaro ma’ruzalar “Barqaror moliyaviy tizimlarni shakllantirish: global savdo urushlaridan barqaror va inklyuziv moliyaga qadar” mavzusida o‘tkazilayotgan keng ko‘lamli ilmiy muloqotlar doirasida tashkil etilib, moliya tizimlarini global xavf-xatarlar sharoitida qanday barqaror saqlash mumkinligi haqida amaliy va ilmiy yondashuvlarni taklif etgani bilan ahamiyatli bo‘ldi.

✍️ Глобал беқарорлик шароитида иқтисодий тафаккур

Бугун жаҳон иқтисодиёти геоиқтисодий зиддиятлар, савдо урушлари, технологик сакрашлар ва демографик босим шароитида янги мувозанат излаётган бир пайтда, молия тизимларининг барқарорлиги ва давлат иқтисодий сиёсатининг самарадорлиги биринчи даражали масалага айланмоқда. Ана шундай шароитда илмий таҳлил, халқаро тажриба ва амалий мулоқотга асосланган майдонлар айни заруратдир.

Бугун, 21 январь куни Банк-молия академиясида ўтказилдиган халқаро махсус маърузалар айнан шу эҳтиёждан келиб чиққан ҳолда ташкил этилди. Тадбирда жаҳон иқтисодиётида кечаётган чуқур ўзгаришлар, рақамли трансформация, таъминот занжирлари барқарорлиги ва демографик омилларнинг иқтисодий сиёсатга таъсири каби долзарб мавзулар муҳокама қилинади.

Тадбир доирасида нуфузли хорижий университетлар ва консалтинг ташкилотлари вакиллари томонидан сунъий интеллект шароитида рақамли тадбиркорликнинг янги модели, глобал таъминот занжирларида ишонч ва институционал барқарорлик, ривожланаётган иқтисодиётларда етакчилик ва инновация салоҳияти, демографик инқирознинг узоқ муддатли иқтисодий оқибатлари каби йўналишларда таҳлилий маърузалар тақдим этилди.

Мазкур мавзулар шунчаки назарий баҳс эмас, улар давлатнинг иқтисодий сиёсати, хусусий сектор фаолияти ва инсон капитали ривожи учун бевосита аҳамият касб этади. Хусусан, Корея Республикаси тажрибаси мисолида демографик муаммолар ва иқтисодий ўсиш ўртасидаги боғлиқлик таҳлил қилиниши Ўзбекистон учун ҳам муҳим хулосаларни тақдим этади.

Ушбу халқаро маърузалар “Барқарор молиявий тизимларни шакллантириш: глобал савдо урушларидан барқарор ва инклюзив молияга қадар” мавзусида ўтказилаётган кенг кўламли илмий мулоқотлар доирасида ташкил этилиб, молия тизимларини глобал хавф-хатарлар шароитида қандай барқарор сақлаш мумкинлиги ҳақида амалий ва илмий ёндашувларни таклиф этгани билан аҳамиятли бўлди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Bank-moliya akademiyasi Kengashining navbatdagi majlisi bo‘lib o‘tdi

Dastlab, 2025-yil yakunlari bo‘yicha “Yilning eng yaxshi professor-o‘qituvchisi”, “Yilning eng yaxshi xodimi” va “Yilning eng yaxshi ishchisi” nominatsiyalari bo‘yicha g‘oliblarni taqdirlandilar.

Shundan so‘ng, Akademiyaning 30-yillik yubiley tadbiriga tayyorgarlik ko‘rish va uni munosib nishonlash masalalari muhokama qilinib, tegishli vazifalar belgilab olindi.

Kun tartibining navbatdagi masalalari doirasida magistrlik dissertatsiyalarini antiplagiat tizimi orqali tekshirish natijalari, himoya jarayonlarida aniqlangan kamchiliklar hamda ularning sabablari ko‘rib chiqildi. Shu bilan birga, ta’lim jarayonlarini tashkil etish va professor-o‘qituvchilar tomonidan dars mashg‘ulotlarini olib borish holati bo‘yicha tinglovchilar o‘rtasida o‘tkazilgan so‘rovnoma natijalari muhokama etildi.

Majlis yakunida Akademiya professor-o‘qituvchilari shtat jadvaliga o‘zgartirish kiritish, o‘quv qo‘llanmalar va monografiyalarni nashrga tavsiya etish, shuningdek, magistratura tinglovchilariga oid qator tashkiliy masalalar bo‘yicha tegishli qarorlar qabul qilindi.

✍️ Банк-молия академияси Кенгашининг навбатдаги мажлиси бўлиб ўтди

Дастлаб, 2025 йил якунлари бўйича “Йилнинг энг яхши профессор-ўқитувчиси”, “Йилнинг энг яхши ходими” ва “Йилнинг энг яхши ишчиси” номинациялари бўйича ғолибларни тақдирландилар.

Шундан сўнг, Академиянинг 30 йиллик юбилей тадбирига тайёргарлик кўриш ва уни муносиб нишонлаш масалалари муҳокама қилиниб, тегишли вазифалар белгилаб олинди.

Кун тартибининг навбатдаги масалалари доирасида магистрлик диссертацияларини антиплагиат тизими орқали текшириш натижалари, ҳимоя жараёнларида аниқланган камчиликлар ҳамда уларнинг сабаблари кўриб чиқилди. Шу билан бирга, таълим жараёнларини ташкил этиш ва профессор-ўқитувчилар томонидан дарс машғулотларини олиб бориш ҳолати бўйича тингловчилар ўртасида ўтказилган сўровнома натижалари муҳокама этилди.

Мажлис якунида Академия профессор-ўқитувчилари штат жадвалига ўзгартириш киритиш, ўқув қўлланмалар ва монографияларни нашрга тавсия этиш, шунингдек, магистратура тингловчиларига оид қатор ташкилий масалалар бўйича тегишли қарорлар қабул қилинди.

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

✍️ Barqaror va inklyuziv moliya masalalari xalqaro seminarda muhokama etildi

Xabar berganimizdek, Bank-moliya akademiyasida “Barqaror moliyaviy tizimlarni shakllantirish: global savdo urushlaridan barqaror va inklyuziv moliyaga qadar” mavzusidagi xalqaro seminar bo‘lib o‘tmoqda. Tadbirning navbatdagi kunida jahon iqtisodiyotidagi zamonaviy o‘zgarishlar, moliyaviy barqarorlik va kapital bozorlarini rivojlantirishga oid dolzarb masalalar muhokama etildi.

Seminarda Koreya iqtisodiyoti misolida global o‘zgarishlar sharoitida iqtisodiy dinamika va barqaror rivojlanishga erishish yo‘llari, ESG (ekologik, ijtimoiy va korporativ boshqaruv) tamoyillarini jahon sug‘urta biznesida joriy etish masalalari keng yoritildi.

Shuningdek, moliya tizimini bank markazlashgan modeldan kapital bozoriga asoslangan tizimga bosqichma-bosqich o‘tkazish masalalariga alohida e’tibor qaratildi. “Bankka yo‘naltirilgan moliyaviy tizimdan kapital bozoriga asoslangan moliyaviy tizimga o‘tish yo‘llari: O‘zbekiston uchun ahamiyati” mavzusidagi taqdimot doirasida ushbu tajribalarning O‘zbekiston moliya tizimi uchun ahamiyati, milliy kapital bozorini rivojlantirish va investitsiya muhitini yaxshilash imkoniyatlari atroflicha tahlil qilindi.

Xalqaro seminar moliya sohasida barqaror va inklyuziv yondashuvlarni shakllantirish, ilg‘or xorijiy tajribani o‘rganish hamda Koreya Respublikasi kabi rivojlangan davlatlar tajribasini milliy amaliyotga tatbiq etish borasida muhim muloqot maydoniga aylandi.

Tadbir yakunida ishtirokchilar bunday ilmiy-amaliy seminarlar global iqtisodiy xatarlar sharoitida barqaror moliyaviy tizimlarni rivojlantirish, kapital bozorlarining rolini kuchaytirish hamda inklyuziv iqtisodiy o‘sishni ta’minlashda muhim ahamiyat kasb etishini ta’kidladilar.

✍️ Барқарор ва инклюзив молия масалалари халқаро семинарда муҳокама этилди

Хабар берганимиздек, Банк-молия академиясида “Барқарор молиявий тизимларни шакллантириш: глобал савдо урушларидан барқарор ва инклюзив молияга қадар” мавзусидаги халқаро семинар бўлиб ўтмоқда. Тадбирнинг навбатдаги кунида жаҳон иқтисодиётидаги замонавий ўзгаришлар, молиявий барқарорлик ва капитал бозорларини ривожлантиришга оид долзарб масалалар муҳокама этилди.

Семинарда Корея иқтисодиёти мисолида глобал ўзгаришлар шароитида иқтисодий динамика ва барқарор ривожланишга эришиш йўллари, ESG (экологик, ижтимоий ва корпоратив бошқарув) тамойилларини жаҳон суғурта бизнесида жорий этиш масалалари кенг ёритилди.

Шунингдек, молия тизимини банк марказлашган моделдан капитал бозорига асосланган тизимга босқичма-босқич ўтказиш масалаларига алоҳида эътибор қаратилди. “Банкка йўналтирилган молиявий тизимдан капитал бозорига асосланган молиявий тизимга ўтиш йўллари: Ўзбекистон учун аҳамияти” мавзусидаги тақдимот доирасида ушбу тажрибаларнинг Ўзбекистон молия тизими учун аҳамияти, миллий капитал бозорини ривожлантириш ва инвестиция муҳитини яхшилаш имкониятлари атрофлича таҳлил қилинди.

Халқаро семинар молия соҳасида барқарор ва инклюзив ёндашувларни шакллантириш, илғор хорижий тажрибани ўрганиш ҳамда Корея Республикаси каби ривожланган давлатлар тажрибасини миллий амалиётга татбиқ этиш борасида муҳим мулоқот майдонига айланди.

Тадбир якунида иштирокчилар бундай илмий-амалий семинарлар глобал иқтисодий хатарлар шароитида барқарор молиявий тизимларни ривожлантириш, капитал бозорларининг ролини кучайтириш ҳамда инклюзив иқтисодий ўсишни таъминлашда муҳим аҳамият касб этишини таъкидладилар.