#BFA_BMA_30_yoshda

🏛 Bank-moliya akademiyasi — 30 yil: faxriylar bilan samimiy uchrashuv

Respublika Bank-moliya akademiyasining 30 yilligi munosabati bilan tashkil etilgan yubiley tadbirlari mamlakat moliya-bank tizimidagi muhim voqelik sifatida keng nishonlanmoqda. Dastur doirasida xalqaro konferensiya, ilmiy muloqotlar hamda soha mutaxassislari va faxriylar ishtirokida qator uchrashuvlar o‘tkazilmoqda.

Faxriylar bilan samimiy uchrashuvda Akademiyaning turli yillarda samarali faoliyat yuritgan ustozlari, faxriy professor-o‘qituvchilar, moliya-bank tizimida uzoq yillik tajribaga ega amaliyotchi mutaxassislar hamda sohaning hurmatli faxriylari ishtirokida samimiy muloqot tashkil etildi.

Tadbirning kirish qismida Akademiya rektori Elmurod Hoshimov Respublika Bank-moliya akademiyasi tashkil etilganligining 30 yilligi munosabati bilan barcha faxriy ustozlar va professor-o‘qituvchilarni samimiy muborakbod etib, ularning soha rivojiga qo‘shgan beqiyos hissasini alohida e’tirof etdi. Muloqot davomida Akademiyaning bosib o‘tgan sharafli yo‘li, shakllangan ilmiy maktablari, yuqori malakali kadrlar tayyorlashdagi boy tajribasi hamda mamlakat moliya tizimida amalga oshirilgan islohotlarga qo‘shgan munosib hissasi xotiralar, tahlillar va samimiy dil izhorlari orqali yana bir bor yodga olindi.

📍Faxriylar o‘z chiqishlarida ushbu dargohning tashkil topish davri, ilk qadamlari va uning mustahkam poydevorini yaratgan fidoyi ustozlar haqida to‘lqinlanib so‘z yuritdilar. Shu bilan birga, Akademiyaning bugungi yuksalish bosqichi, erishilgan yutuqlar va istiqboldagi vazifalar yuzasidan qimmatli fikr va takliflarini bildirdi. Ularning boy hayotiy tajribasi, ilmiy merosi va ustozlik maktabi bugungi yosh tadqiqotchilar hamda tinglovchilar uchun haqiqiy mahorat darsi sifatida namoyon bo‘ldi.
Tadbir yakunida uzoq yillik samarali faoliyati va sohani rivojlantirishga qo‘shgan hissasi uchun faxriylarga esdalik sovg‘alari hamda faxriy yorliqlar tantanali ravishda topshirildi.

🏛 Банк-молия академияси — 30 йил: фахрийлар билан самимий учрашув

Республика Банк-молия академиясининг 30 йиллиги муносабати билан ташкил этилган юбилей тадбирлари мамлакат молия-банк тизимидаги муҳим воқелик сифатида кенг нишонланмоқда. Дастур доирасида халқаро конференция, илмий мулоқотлар ҳамда соҳа мутахассислари ва фахрийлар иштирокида қатор учрашувлар ўтказилмоқда.

Фахрийлар билан самимий учрашувда Академиянинг турли йилларда самарали фаолият юритган устозлари, фахрий профессор-ўқитувчилар, молия-банк тизимида узоқ йиллик тажрибага эга амалиётчи мутахассислар ҳамда соҳанинг ҳурматли фахрийлари иштирокида самимий мулоқот ташкил этилди.

Тадбирнинг кириш қисмида Академия ректори Элмурод Ҳошимов Республика Банк-молия академияси ташкил этилганлигининг 30 йиллиги муносабати билан барча фахрий устозлар ва профессор-ўқитувчиларни самимий муборакбод этиб, уларнинг соҳа ривожига қўшган беқиёс ҳиссасини алоҳида эътироф этди. Мазкур мулоқот давомида Академиянинг босиб ўтган шарафли йўли, шаклланган илмий мактаблари, юқори малакали кадрлар тайёрлашдаги бой тажрибаси ҳамда мамлакат молия тизимида амалга оширилган ислоҳотларга қўшган муносиб ҳиссаси хотиралар, таҳлиллар ва самимий дил изҳорлари орқали яна бир бор ёдга олинди.

Фахрийлар ўз чиқишларида ушбу даргоҳнинг ташкил топиш даври, илк қадамлари ва унинг мустаҳкам пойдеворини яратган фидойи устозлар ҳақида тўлқинланиб сўз юритдилар. Шу билан бирга, Академиянинг бугунги юксалиш босқичи, эришилган ютуқлар ва истиқболдаги вазифалар юзасидан қимматли фикр ва таклифларини билдирди. Уларнинг бой ҳаётий тажрибаси, илмий мероси ва устозлик мактаби бугунги ёш тадқиқотчилар ҳамда тингловчилар учун ҳақиқий маҳорат дарси сифатида намоён бўлди.

Тадбир якунида узоқ йиллик самарали фаолияти ва соҳани ривожлантиришга қўшган ҳиссаси учун фахрийларга эсдалик совғалари ҳамда фахрий ёрлиқлар топширилди.

📢 Хабарни тарқатинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in

🎓Bank-moliya akademiyasida xalqaro hamkorlikning yangi bosqichi: xorijlik olimga yuksak unvon topshirildi

🇺🇿Yangi O‘zbekistonda amalga oshirilayotgan keng ko‘lamli islohotlar doirasida Prezidentimiz Sh.Mirziyoyev tomonidan oliy ta’lim sohasida olib borilayotgan islohotlar natijasida nufuzli xorijiy mutaxassislarni jalb qilish va ularning ilmiy salohiyatidan samarali foydalanishga alohida e’tibor qaratilmoqda.

Ana shunday ezgu maqsadlar doirasida Bank-moliya akademiyasida muhim va tarixiy ahamiyatga ega voqea bo‘lib o‘tdi. Xalqaro miqyosda tan olingan iqtisodchi olim, Janubiy Koreyaning Handong Global universiteti professori, iqtisodiyot fanlari doktori Jinvon Ahnga Bank-moliya akademiya Kengashi tomonidan faxriy professor unvoni berildi.

Taqdirlash marosimi yuqori saviyada va tantanali ruhda tashkil etildi. Unda Bank-moliya akademiyasi rektori Elmurod Hoshimov tomonidan mazkur yuksak unvon rasman topshirildi. Rektor o‘z nutqida doktor Jinvon Ahnning xalqaro iqtisodiyot, rivojlanish hamkorligi va tadbirkorlik sohalaridagi ilmiy izlanishlari, shuningdek, turli mamlakatlarda amalga oshirgan ta’lim va tadqiqot loyihalari yuksak e’tirofga loyiq ekanini ta’kidladi.

🇰🇷Ma’lumki, doktor Jinvon Ahn Seul Milliy universitetida bakalavr va magistr darajalarini olgan, keyinchalik AQSHning Indiana universitetida iqtisodiyot bo‘yicha PhD ilmiy darajasini himoya qilgan. U hozirgi kunda Handong Global Universitetida professor sifatida faoliyat ko‘rsatib, xalqaro rivojlanish hamkorligi instituti ijrochi direktori lavozimida ishlab kelmoqda. Olimning ilmiy ishlari sanoat iqtisodiyoti, xalqaro rivojlanish, investitsiya siyosati va tadbirkorlik kabi yo‘nalishlarni qamrab olgan. Uning ilmiy maqolalari va kitoblari xalqaro ilmiy jamoatchilik tomonidan keng e’tirof etilgan. Shuningdek, u UNESCO-UNITWIN loyihalari doirasida dunyo bo‘ylab, jumladan, O‘zbekistonda ham tadbirkorlikni rivojlantirishga qaratilgan yuzlab ta’lim dasturlarini amalga oshirgan.

🎓Mazkur unvonning berilishi Respublika Bank-moliya akademiyasida xalqaro hamkorlik aloqalarini yanada mustahkamlash, ta’lim jarayoniga ilg‘or xorijiy tajribani joriy etish va tinglovchilar uchun yangi imkoniyatlar yaratishda muhim qadam bo‘lib xizmat qiladi.

🎓Банк-молия академиясида халқаро ҳамкорликнинг янги босқичи: хорижлик олимга юксак унвон топширилди

🇺🇿Янги Ўзбекистонда амалга оширилаётган кенг кўламли ислоҳотлар доирасида Президентимиз Ш.Мирзиёев томонидан олий таълим соҳасида олиб борилаётган ислоҳотлар натижасида нуфузли хорижий мутахассисларни жалб қилиш ва уларнинг илмий салоҳиятидан самарали фойдаланишга алоҳида эътибор қаратилмоқда.

Ана шундай эзгу мақсадлар доирасида Банк-молия академиясида муҳим ва тарихий аҳамиятга эга воқеа бўлиб ўтди. Халқаро миқёсда тан олинган иқтисодчи олим, Жанубий Кореянинг Ҳандонг Глобал университети профессори, иқтисодиёт фанлари доктори Жинвон Аҳнга Банк-молия академия Keнгаши томонидан фахрий профессор унвони берилди.

🌠Тақдирлаш маросими юқори савияда ва тантанали руҳда ташкил этилди. Унда Банк-молия академия ректори Элмурод Ҳошимов томонидан мазкур юксак илмий унвон расман топширилди. Ректор ўз нутқида доктор Жинвон Аҳннинг халқаро иқтисодиёт, ривожланиш ҳамкорлиги ва тадбиркорлик соҳаларидаги илмий изланишлари, шунингдек, турли мамлакатларда амалга оширган таълим ва тадқиқот лойиҳалари юксак эътирофга лойиқ эканини таъкидлади.

🇰🇷Маълумки, доктор Жинвон Аҳн Сеул Миллий университетида бакалавр ва магистр даражаларини олган, кейинчалик АҚШнинг Индиана университетида иқтисодиёт бўйича PhD илмий даражасини ҳимоя қилган. У ҳозирги кунда Ҳандонг Глобал университетида профессор сифатида фаолият кўрсатиб, халқаро ривожланиш ҳамкорлиги институти ижрочи директори лавозимида ишлаб келмоқда.

Мазкур унвоннинг берилиши Республика Банк-молия академиясида халқаро ҳамкорлик алоқаларини янада мустаҳкамлаш, таълим жараёнига илғор хорижий тажрибани жорий этиш ва тингловчилар учун янги имкониятлар яратишда муҳим қадам бўлиб хизмат қилади.

📢 Хабарни тарқатинг!

🌐 www.bfa.uz | 🕊Telegram | 📱Facebook | 📱Instagram | 📺Youtube | Linked in