Mana shu yerdagi xatolarning 3 tasini oʻquvchilarim topishdi. Birinchi topganlari oʻgʻirlik va etilganganlarga soʻzlari boʻldi.

Oʻquvchilarim doim "ustoz, falon joyda shunaqa yozilgan-ku ", desa ona tilini falon joydan emas, mendan oʻrgan deyman.

@birgap

Esingizda boʻlsa, oʻtgan yili "Attestatsiya uchun pedagogika" kursini tashkillagan edim. Bir necha kun oldin kurs materiallarini kanalimda eʼlon qilishga ruxsat soʻrab uni sotib olganlardan soʻrovnoma oʻtkazdim. Rozi boʻlishdi.

Endi bugun yo ertadan boshlab oʻsha materiallarni navbati bilan joylab boraman.

Ruxsat berishgani uchun qatnashchilarga alohida tashakkurlarim.

@birgap

Umumtaʼlim maktabi oʻqituvchisi kasb standarti boʻyicha ajoyib qoʻllanma (lekin imloviy va uslubiy xatolarga boy).

Kasb standartini tushunib olishingizga yordam beradi.

@birgap

"1000Kitob podkast"ida Komil Jalilov va Muhrim Aʼzamxoʻjayev uchalamiz maza qilib suhbatlashdik.

Taʼlimga oid mavzularning deyarli hammasiga toʻxtaldik. Muammolarga yechimlar taklif qildik.

Koʻring, ulashing, izoh qoldiring.

Video manzili:
https://youtu.be/ZxOmpL4eQqg?si=eqR0xJL2J1ZEEP3x

@birgap

Tilmochdan foydalaning, vaqtingiz va kuchingizni tejang

Tarjima vaqt talab qiluvchi og‘ir mehnat. Media olamidagilarga biroz qiyin — tarjima ham qilish kerak, tezkorlik ham talab etiladi. Shuning uchun Tahrirchi jamoasi oʻz Tilmochi bilan og‘ir mehnatni yengillashtirishga qaror qildi.

Tilmoch — so‘zlarni sayqallab ham beradigan sifatli tarjimon. Uni qo‘llash orqali siz tahrir va tarjima vaqtini karrasiga tejashingiz mumkin. Boshqa sun’iy intellekt tarjimonlaridan farqi — aynan o‘zbek tili uchun yaratilgan va bazasida eng nodir tarjimalarni asos qilib olgani tufayli nafaqat oddiy matn, balki maqol-u iborani tub ma’nosida, she’rni qofiyasini yo‘qotmagan holda sifatli o‘girib bera oladi. Bergan variantlari orasidan o‘zingizga ma’qul so‘z va uslubni tanlab olaverasiz.

O‘zimizning milliy Tilmochimizni ishlating va vaqtingiz hamda kuchingizni tejang.

Foydalanish uchun: tahrirchi.uz/translator
Telegram kanal: t.me/tahrirchi_uz

Oʻquvchilarga biror mashhur odamni tanlab, u haqida film olish uchun gʻoyalar, voqealar ketma-ketligini tayyorlab kelishni topshirgandim. Bir guruh Nodirbek Abdusattorovni tanlabdi. Shu bola afsonaga aylanib boʻldi.

Topshiriq adabiyot fani uchun, biografik asar xususiyatlari haqida oʻrgatyapman. Keyingi hafta topshiriq haqida batafsil yozaman.

@birgap

Menga aytishlaricha, 5-sinf ona tili fanida eski darslikdan foydalanib turish tavsiya etilgan, ammo BSBlar yangi (qaysiki, nashr etilmagan) darslikdan berilibdi.

Shu maʼlumot toʻgʻrimi? Kimda qanday vaziyat?

Boshqa fanlarda ham shundaymi?

@birgap

Biz shanba ishlamaymiz, ammo bugun ishdamiz. Bayram arafasi ketma-ket dam olish uchun dushanba oʻrniga ishlayapmiz.

Bayram arafasi ertaroq ketaveringlar. Bugun ham dam deyishsa bu bayramni hech qachon unutmasdim. Har doim eslab, gapirib yurardim oʻziyam.

@birgap

Sizdan darsda jahlingiz chiqsa qanday yoʻl tutishingizni soʻragandik. Turli javoblar keldi. Biz ham gʻazabni yengish uchun qilish lozim boʻlgan ishlarni bir maqolada keltirdik.

Bu safar ham matnli, ham ovozli koʻrinishda (keyingi xabarda). Ushbu maqolani oʻqing yoki tinglang, undagilarga amal qiling va uni hamkasblaringiz bilan ulashing.

Umid qilamizki, shu orqali tarmoqlarda tez-tez uchrovchi oʻqituvchi va ustoz nizolari toʻgʻrisidagi xabarlar kamayadi.

#mualliflikMaqolasi

@ochiqdarsuz

Oʻqituvchilar oʻrtasidagi "Zakovat" chempionati yaqin. 6-oktyabr kuni saralash bahslari boʻlishi kutilyapti.

Qatnashmoqchi boʻlgan barchaga omad!

Oʻtgan yillarda bronza va oltin medallarni olganmiz. Inshaalloh, bu yil ham oʻtgan yilgi oltinni oʻzimizda olib qolmoqchimiz.

Respublika bosqichida koʻrishish nasib qilsin.

Tanlovga qatnashish shartlari bilan bu yerda tanishsangiz boʻladi.

@birgap

Biz oʻqituvchilar oilasimiz. Onam, rafiqam, singlim, qaynonam va men shu soha vakilimiz.

Barcha kasbdoshlarni bayram bilan qutlayman!

Barchamizning oyliklarimiz 1000 $ dan oshsin.

Kottakonlar bergan vaʼdalarini bajarsin.

Bizni nima xursand qiladi? Bolalarning nimanidir oʻrganayotgani va bundan zavqlangani. Ana shu xursandchilikka koʻmilib yuraylik.

Menga dars bergan, saboq bergan barcha ustozlarimni alohida qutlayman.

@birgap

Shunday katta va boy kompaniyada oʻzbekchani tuzukroq biladigan odam yoʻqligi yetmaganday, ana shunday odamlarni yollashga-da aqli yetmaydiganlar ishlashi gʻalati.

@birgap

"Jiddiy sifat" emish.

Birinchidan, sifatning jiddiy yoki hazili boʻlmaydi.

Ikkinchidan, boʻlgan taqdirda ham "jiddiy"ni qoʻshtirnoqqa olish kinoyaga oʻxshab qoladi va teskarisini tushunish kerakligini anglatadi.

@birgap

#attestatsiya

Vaʼda qilganimdek, "Attestatsiya uchun pedagogika" nomli kursning materiallarini ulashishni boshlayman.

Bu video kasb standartining ayrim muhim qismlarini tanishtirish maqsadida yozilgan.

Bundan keyingi postda taqdimotni joylayman.

Kasb standarti boʻyicha jami ikkita dars oʻtilgan. Narigi videoni ham joylayman. Ikkala videodan keyin shu mavzu boʻyicha testlarni ham ulashaman.

@birgap

#attestatsiya

Ushbu videoda ishlatilgan taqdimot.

@birgap

YouTube kanalimda tahrir boʻyicha ilk dars chiqdi

Sizlardan soʻramay bir xayrli ishga qoʻl urib qoʻydim – YouTubeʼda tahrir boʻyicha darslar eʼlon qilishni boshladim.

Qoʻshimchalar tahriridan tortib jumlalar tahririgacha, abzaslar tuzilishidan matn strukturasiga darslar olishni rejalashtirganman. Hozircha bepul. Foydalanib qoladigan vaqti.

Aytgancha, professional tasvirga olinganidan sezsangiz ham kerak, video ustida juda katta jamoa ishladi. Rejissyor, operator, ovoz operatori, tasvirchi, montajchi, maʼruzachi – hammasi hurmat bilan oʻzim 😉

Ilk dars -ni va -ning qoʻshimchalarini qoʻllashdagi xatolar, qoʻshimchalar ifodalaydigan maʼnolardagi oʻziga xosliklar, istisnoli holatlar haqida.

👉 https://youtu.be/7rsGMKXRNeI

Telegram | YouTube