Bir narsadan hayratga tushdim, aytib qoʻyay.

Adabiyot darsida "Kichkina tabib" filmini koʻrayotgan edik. 7-sinf oʻquvchisi Fathulla Masudov-ku, deb tanib qoldi-ye.

Tasavvur qilyapsizmi, 7-sinf oʻquvchisi Fathulla Masudovni taniyapti. Boʻlib ham "Kichkina tabib"dagi rolidan. Hayratda qoldim.

@birgap

#attestatsiya

Oʻtgan galgi attestatsiyada guruh ochib dars oʻtgandim. Oʻsha darslar videosini YouTubega joylab qoʻydim. Quyidagi havolada ularni bir roʻyxatga jamlab chiqdim:

https://youtube.com/playlist?list=PLTrnYkjZhRBpSlW9DARvaRVcVqe6Piy_C&si=xIqZ-Z0i5VoJCkUM

Zarracha manfaati tegsa xursand boʻlamiz!

@birgap

Attestatsiyalar qanday boʻlyapti?

@birgap

Men ham ertaga kiraman. 1-toifa olishim kerak. Aslida majburiy emas bizning maktabda. Oʻzim qiziqdim.

Grammatikadan test yechishni yomon koʻraman. Sabrim yetmaydi. Yuqori natija kutmayapman.

Oʻzi yuqori natija uchun qaysi mavzularni bir takrorlab qoʻyay?

@birgap

1-toifani oldim.

Aytganimdek, ballim yuqori emas. Testlar sifati va umuman pedagogning mahorati va malakasini aniqlash haqida kechroq batafsil yozaman.

@birgap

Hozir oʻqituvchilarning malakasini baholash boʻyicha bir nechta post boʻladi.

@birgap

Bugun oʻqituvchilarga malaka toifasini berish testlariga kirib chiqdim. Oxiridagi 15 ta testni hisobga olmasa, ochigʻi, abituriyentlikda (oʻqituvchi boʻlish uchun oʻqishga topshirgan paytim) yechgan testlatimdan deyarli farq qilmaydi.

Oʻsha 15 ta testni ham oʻqituvchining malakasini oʻlchab bera oladigan tarozi deya olmayman. Chunki unda yemagan, toʻqima keyslar asosida pedagogikaning faqatgina nazariy qismini yodlaganlikkina tekshirilmoqda. Masalan, menga tushgan andragogika, malaka, kompetensiya, mazmun, maqsad kabi atamalarning taʼrifini bilishim yoki bilmasligim mening dars berish sifatimga qanday taʼsir qilishini haligacha tushunolmay oʻtiribman. Didaktik kompetensiya bilan konstruktiv kompetensiyani farqlay olmasam nima boʻladi? Ona tili yoki adabiyotni oʻqita olmay qolamanmi?

Mutaxassislik fanidan tushgan savollarni gapirmasa ham boʻladi? Masalan, mening “Gulliverning sayohatlari” asarini oʻzbek tiliga kim oʻgirganini yoddan bilish yoki bilmasligim oʻqituvchilik malakamga qanday taʼsir qiladi? Mendan oʻsha asarni oʻquvchilarga qanday oʻqitishimni, gʻoyalarni qanday ochib berishimni soʻrash maʼqulroq emasmi? Yoki berilgan misralardan qaysi biri Rauf Parfining “Yana qaytib keldim” sheʼridan olinganini yoddan bilishim menga nima beradi?

Menimcha, malaka taoifasini berish sinovlarini tashkil qilayotgan tashkilot, jamoa – kim boʻlsa ham, testologiya qoidalariga yana bir qur koʻz tashlab qoʻyishlari kerak. Nima muhim, nima muhim emasligi borasida ham yaxshigina bosh qotirishlari lozim, deb hisoblayman.

Quyida men tasavvur qiladigan malaka toifasini sinovlari haqida yozaman.

@birgap

Har qanday sinov ishlab chiquvchi tashkilot nimanidir sinar ekan sinovning amaliy ahamiyati boʻlishini hisobga oladi. Masalan, mashinani yaroqli ekanini sinab koʻrmoqchisiz. Birinchi navbatda bu mashina bilan nima ishlar amalga oshirilishini aniqlaysiz, masalan, u tekis va notekis yoʻlda yuradi, tezkor tormoz berishlarni boshdan oʻtkazadi, yuqori tezlikda ruli buriladi, signal chaladi va hokazo. Endi ana shu faoliyatlarga chidamlimi-yoʻqmi aniqlash uchun sinovlar ishlab chiqasiz. Masalan, tekis yoʻlda minib koʻrasiz, notekis yoʻlda minib koʻrasiz. Tezlikni oshirasiz, birdan tormoz berasiz va hokazo.

Oʻqituvchilarning malakasini sinovdan oʻtkazishdan oldin oʻzi oʻqituvchi maktabda qanday ishlarni amalga oshiradi degan savolga javobni aniqlab olishimiz zarur. Xoʻsh, sizningcha, oʻqituvchi maktabda nimalar qiladi? Izohlarda yozsangiz boʻladi.

@birgap

Umumlashtirganda quyidagi roʻyxat hosil boʻladi (roʻyxat juda chuqur oʻylanmagan, kamchiliklari boʻlishi mumkin):

• biror fanni oʻqitadi
• sinfni boshqaradi
• oʻquvchilarni baholaydi
• toʻgaraklar tashkillaydi
• oʻquvchilar bilan munosabatga kirishadi
• hamkasblari va ota-onalar bilan munosabatga kirishadi
• tadbirlar tashkillaydi
• oʻz ustida ishlaydi
• turli hujjatlarni toʻldiradi (hujjatlar bilan ishlaydi)

Endi bular ichidan oʻqituvchiga malaka toifasini berish uchun muhim boʻlganlarini ajratib olishimiz lozim. Sizningcha, qaysilarini qoldirish kerak? Izohlarda yozing.

@birgap

Ha, aytganday, kanalga attestatsiya testlarini tashkillayotganlarni ham chorlab qoʻyinglar, master-klass boʻlib ketadi shekilli bu yogʻi😁

Koʻrishsin-chi, valdirashlarimizdan biror nima chiqib qolar balkim.

@birgap

Demak, eng muhimlarini ajratamiz:
• biror fanni oʻqitadi
• sinfni boshqaradi
• oʻquvchilarni baholaydi
• oʻquvchilar, hamkasblar va ota-onalar bilan munosabatga kirishadi

Ana endi shular asosida baholanishi lozim boʻlgan koʻnikmalarni ishlab chiqamiz.
...

Ochigʻi, bu yogʻi oson narsa emas, hamma qartalarni ochmoqchi emasman, hamkorlik taklif qilinsa berishim mumkin (nima ham deymiz, bozor iqtisodiyoti) birdan namunaga oʻta qolaman.

@birgap

Oʻqituvchining malakasini aniqlash sinovi quyidagi boʻlimlardan iborat boʻlishi maqsadga muvofiq:

1-boʻlim: mutxassislik fani (dars oʻtadigan fani)dan test

2-boʻlim: dars oʻtadigan fani metodikasidan test

3-boʻlim: darsni rejalashtirish boʻyicha koʻnikmalarini aniqlash uchun yozma sinov

4-boʻlim: baholashni tashkil etish va tahlilini amalga oshirish salohiyatini aniqlash uchun yozma sinov

5-boʻlim: sinfni boshqarish koʻnikmasi boʻyicha test

Oʻqituvchining mana shu koʻnikmalari toʻgʻri baholanmas ekan uning malakasi haqida hukm oʻqish toʻgʻri boʻlmaydi.

Har bir boʻlimda qanday savollar boʻlishi haqida alohida yozaman. Hozircha, shularni muhokama qilib turinglar.

@birgap

Sizga ikkita savolimiz bor. Ushbu soʻrovnoma orqali ularga javob berishingiz mumkin. Uzogʻi 1 daqiqa vaqtingiz ketadi.

🎁 Javob berganlarga kichik sovgʻa ham bor. Uni soʻrovnoma soʻngida chiqadigan havoladan yuklab olasiz.

Bir paytlar, hozirgi boshlangʻich sinf darsliklari joriy qilinishidan oldin, shunday deyilgan edi.

Iddaoni qarang, boshlangʻich sinflar uchun sifatli darslik, sifatli taʼlim endi boshlanadi.

Sifatli soʻzining maʼnosini yaxshi bilmasalar kerak-da.

@birgap

❕ Eng shovqinli sinf ustozlari uchun

Sinfdagi shovqinning sabablaridan biri oʻquvchilar sonining koʻpligi. Shuni deb dars sifati past va ustozlar doimiy stressda boʻladi.

Bu maqolamizda shunday sinflarda qoʻl keladigan tavsiyalarni berdik.

Ortiq qiynalmang, maqolani oʻqing.

#mualliflikMaqolasi

@ochiqdarsuz

Ey xalq, doim aytaman, sergak boʻl, mohiyatni angla.

Yuzi chuvalchangnikidek, fitratida laychalik boʻlgan, bir dumalab sening xaloskoringga aylanib olgan bir necha blogerning qutqusi bilan oʻzingga nima sotib olganingni koʻr.

Bugun partangdagi darsligingni olishdi, ertaga tilingni-yu tafakkuringni-da bogʻlashlari mumkin. Ularning maqsadlari – taxt. Sening ustingdagi taxt.

© Ayoziy

@birgap

Zakovat yoʻnalishida yana bir marra zabt etildi.

"Seven school" jamoasi bilan Toshkent shahar klubidagi 1-liga gʻolibligini qoʻlga kiritdik.

Bisotimda quyidagi zakovat gʻalabalari bor ekan (hammasi jamoaviy gʻalabalar):

2022-yil. Oʻqituvchilar oʻrtasidagi chempionatda 3-oʻrin.

2023-yil. Toshkent shahar klubi 2-liga gʻolibligi.

2023-yil. Oʻqituvchilar oʻrtasidagi chempionatda 1-oʻrin.

2024-yil. Toshkent shahar klubi 2-liga gʻolibligi.

2024-yil. Toshkent shahar klubi 1-liga gʻolibligi.

Endi 2-ligaga qaytdim, "Synergy school" jamoasi bilan yana boshidan boshlaymiz.

@birgap

Lugʻatxona degan kanal yurityapman. U yerda turli lugʻatlar, kitoblardagi qiziqarli soʻzlar, iboralarni berib boraman. Toponimlar lugʻatidan olingan qiziq maʼlumotlarni ham oʻqib borishingiz mumkin.

Alohida kanal qilganim sababi bu yerda shaxsiy fikrlarim orasiga aralashib ketmasin dedim.

Kanalga @sandiqchamiz manzili orqali ulansangiz boʻladi. Oldindan aytaman, u yerda faqat soʻz haqida soʻz yuritiladi.

Har kuni maqollar haqida, toponimlar haqida kamida bir varaqdan maʼlumot oʻqiyapman, shularni kanalga jamlab ketaman, topish oson boʻladi.

@birgap

Qoyil-e, 33 yil oʻtib xayollariga kelib qolganini qarang.

Rahmat demayman, oʻzi bu ishni ancha oldin qilishlari kerak edi, 33 yilga kechikkanlari uchun ular uzr soʻrashlari lozim aslida.

Gap 33 yil davomida ruscha ism bilan yurgan 703 ta kon nomining oʻzbekchalashtirilgani haqida.

@birgap