Qiziq oʻxshatish, juda qiziq.

Matematika ustozi yuboribdi menga.

@birgap

Bir voqea esimga tushdi. Maktab kiraverishida turibman. Soat 9:10. Bir ona yigʻlayotgan bolasini yetaklab kiryapti. Bola boshlangʻich sinf oʻquvchisi. Ona kech qolsang ustozing urishib beradimi, nega yigʻlayapsan, qoʻrqyapsanmi dedi. Eshik qarshisida oʻquvchilarni xonasiga kuzatib qoʻyadigan odam kutib oladi, ona oʻsha xodimga ustozi kech qolganlarni urishib beradimi, uradimi, oʻgʻlim nega kech qolishdan qoʻrqadi deb qoldi.

Xodim ham hadeb bolangizni kech olib kelavermang-da, kirganda dars boshlangan boʻladi, qolganlar nimalarnidir oʻtib boʻlishgan, nimadir oʻyin oʻynashayotgan, mashq bajarishayotgan boʻladi. Kech qolgani sabab yo yaxshi tushunmaydi, yo alohida tushuntirilgani uchun oʻzini noqulay his qiladi. Bola-da kech qolishni yomon odat deb biladi deb tushuntirmoqchi boʻldi.

Ona esa bu gaplarni tushunmadi. U ich-ichidan hozir bolasi sinfga kirsa oʻqituvchisi uni kech qolgani uchun urishib berishiga, bolasi shuning uchun kech qolishdan qoʻrqishiga ishonardi.

Xulosa oʻzingizdan.

P.S. yana bir xil ota-onalarni bilaman, bolasini soat 9 dan keyin yoki 1 takam 9 da olib keladi. Kutib oluvchiga birinchi nonushta qildiring, bolam nonushta qilmagan deydi. Dars esa 9:00 da boshlanadi.

@birgap

Bizning Oliy Majlisimizda ham shunday huquq bor aslida.

Biz ham alishtirishimiz kerak, bu shart.

@birgap

Darslik yozayotgan hamkasblar, iltimos, mana shunaqa mazmundagi materiallarni kiritmang.

Sheʼrda paxta ulugʻlanyapti, ustun qoʻyilyapti. Hamma paxtaga (birinchi boʻlib oʻqituvchi, shifokor, talaba va oʻquvchilar) degan chorlovning hidi kelib turibdi.

Paxtani ulugʻlash, uni oltin deb baholash (aslida juda arzon narsa) sabab necha avlodni xor qildik. Orolni ham quritdik. Yerlarni oʻldirdik.

Nima yana oʻsha davrlarga qaytishni xohlaysizlarmi?

P.S. kuzda pishadigan gilos endi boshqa masala.

P.S2. sheʼrning badiiyati ham butkul boshqa masala.

@birgap

#attestatsiya

Ayrim testlarni ulashyapman, ishlab koʻrishingiz mumkin. Qayta-qayta ishlash orqali toʻgʻri javoblarni miyangizga joylasangiz ham boʻladi.

Pedagogikadan test 1

Pedagogikadan test 2

Pedagogikadan test 3

Kasb standartidan testlar

1-repetitsiyada tushgan testlar

P.S. testlar oʻtgan galgi attestatsiya vaqti tuzilgan. Testlarni oʻzim dars oʻtgan guruh uchun tuzganman, ularning ruxsai bilan eʼlon qilyapman. Rahmatni ularga aytishingiz kerak.

@birgap

Nima uchun oʻquvchilaringiz shtrix (oʻchirish vositasi)dan foydlanashiga ruxsat bermaysiz?

@birgap

Darslikda yoʻq, lekin oʻquvchilaringizga oʻqitadigan asarlaringizdan yozib keting-chi.

Nima sababdan shuni oʻqitishingiz haqida qisqa izoh bersangiz, yana yaxshi

Taʼlim tizimini qulatish, uni jarlikka itqitish uchun hamma harakat qilindi:

– oʻquv dasturlari pala-partish almashtirilishi natijasida hozirda yagona oʻquv dasturi mavjud emas, hamma sinf har xil dasturdan oʻqiyapti;

– ayrim sinflar baʼzi fanlardan darsliklardan mahrum qilindi;

– taʼlim sohasi mamlakatdagi eng kam daromadli (eng kam oylik oladigan) sohaga aylantirildi;

– tengsizlik urchitildi;

– ilmiy isbotlanmagan loyihalar joriy qilib yuborildi;

– maktablar taʼmiri uchun oʻqituvchi va oʻquvchilar tilanchilik yoʻli bilan ovoz ehson qilishni soʻraydigan tizim yaratildi.

Sanasa gap koʻp, lekin tizim hamon nafas olmoqda. Nimaning hisobiga?

Albatta, oʻqituvchilarning, maktab xodimlarining hisobiga. Aynan ular taʼlimni ramaqijon holatda boʻlsa ham yashab turishiga imkon yaratishyapti. Oʻziga bitta yaxshi palto yoki etik sotib olishga ortmaydigan oylikka boʻlsa ham fidoyilik qilishmoqda. Tizim kattalari esa ular ustidan kulishda, turli yangiliklarni ilishda, yuqoriga oʻqituvchilar ahvoli haqida yaltiroq va yolgʻon hisobotlar uzatishda davom etmoqda.

Hey, rahbarzodalar, oʻqituvchining sabr kosasi katta keldi, ammo uning ham toʻlishi bor. Taʼlimni sunʼiy nafasdan ham uzib qoʻymanglar. Oʻldirib qoʻymanglar bechorani? Agar maqsadingiz taʼlimni oʻldirish va oʻzingizga qul avlodni shakllantirish boʻlsa ochiqlang, biz shunga koʻra harakat qilaylik.

@birgap

Izohsiz.

@birgap

Siz soʻragan mavzuda maqola tayyorlashibdi.

Kanalda audiosi ham bor ekan.

@birgap

Oʻqituvchilar oʻrtasidagi zakovat turnirining finali mana shunday natija bilan tugabdi.

Avvalgi 2 yilda "Sodiq School", CHDPI va FarDU sovrinli oʻrinlarni almashib egallab kelgandik. Ikki raqibimiz bu safar ham shohsupada bor, biz yoʻqmiz.

Biz yoʻqligimizgami, Toshkent shahridan hech kim yoʻq shohsupada.

Gʻoliblarni qutlayman!

Toshkent shahri xafa boʻlmasin, keyingi yil shahar shaʼnini himoya qilishga qattiq harakat qilamiz.

@birgap

Tajohul-ul orif

(Men tahsil olgan Zahiriddin Muhammad Bobur nomidagi oʻrta taʼlim maktabining aziz ustozlariga bagʻishlanadi)

Qish edi. Oʻttiz jon sovuq xonada,
Adabiyot darsin tinglar edik jim.
Muallim savollar berar gohida:
“Xamsa”ni kim yozgan,
“Jangchi Tursun” kim?

Qoʻllar koʻtarilar basma-basiga,
Aytmasang, koʻksingdan chiqib ketar jon.
Javoblar yangraydi qasdma-qasdiga,
“Navoiy”, “Navoiy”, “Hamid Olimjon!”

Shunday chanqoq edik, darsdan qolmasdik,
“Paskal”ni bilardik, daho “Nyuton”ni.
Ammo baʼzi doʻstlar topa olmasdi,
Dunyo kartasidan Oʻzbekistonni.

Ular koʻp pand yedi koʻz oʻngimizda,
Bosh egib, burchakda tik turdi magʻrur.
Biz esa maqtandik oʻz-oʻzimizcha,
Buning-chun joʻralar, ming bora uzr.

Eslayman, bu eʼlon “Beshinchi “B”ga:
– Ertaga oʻn soʻmdan keltiring, tamom.
Partajildga denglar, keyin “bayram”ga,
Yana “kraska”ga, soʻngra “metallom”.

Oʻshanda pulim yoʻq, ichim yonardi,
Nazoratchi qistar, qarab roʻyxatga.
Adabiyot. Ustoz taʼrif berardi,
“Tajohul-ul orif” degan sanʼatga.

Uyimda qolgandi oʻsha kun ovqat,
Qornim och, sumkamda non yoʻq yegani.
Ustoz takrorlardi tinmay bu sanʼat:
“Bilib, bilmaslikka olish” degani.

Yodimdan oʻchmaydi hech qachon bu hol,
Muallim yelkamga asta qoʻydi qoʻl.
Hech kimga bildirmay, hech kimga, alhol,
Choʻntagimga solib qoʻydi oʻn soʻm pul.

Oʻttiz qora koʻzga izza boʻlish, voh,
Sezdingiz, koʻnglimni yomon oʻrtardi.
Doʻstlar, urib turgan yuragim guvoh,
Bir inson oʻksishdan meni qutqardi.

Oʻsha dars haliyam berar koʻp saboq,
Qornim och, sumkamda non yoʻq yegani.
“Tajohul-ul orif” – ey aziz ustoz:
“Bilib, bilmaslikka olish degani”.

Garchi oʻzingiz ham maoshga yashab,
Baʼzan yetkazolmay boʻlgansiz abgor.
Yurmas edingiz hech toʻkinga oʻxshab,
Sizda yoʻq edimi bolalar, roʻzgʻor?

Na ehson edi u, na qarz edi u,
Oʻylasam, bu holning yoʻqdir javobi.
Bir murgʻak qalbiga sajda edi bu,
Bir koʻngil uyining pinhon tavofi.

Sheʼr bitdi. Men hamon qidirib taskin,
Olis maktabimga yoʻl olaman jim.
Bilmayman, bu yurtda ustoz sharafin
Bilib, bilmaslikka olayotgan kim?

©️ Bobur Elmurodov

@birgap

Hilola Umarova imzolagan, kelishgan qarorlarni kuzatib shu odam oddiy maktablardagi bolalarni odam oʻrnida koʻrmaydimi, deb oʻylab qolaman. Hamma narsa oʻzi va jamoasi avval ishlagan ixtisoslashgan va prezident maktablariga. Oddiy maktablarga nuqul qisqartirish, yemagan darslik, oyogʻi osmondan qilingan baholash tizimi.

Komil aka ham toʻgʻri savollar qoʻyyapti. Nima oddiy maktab oʻquvchilari laboratoriya mashgʻulotlarini oʻtashga haqli emasmi? Ular sport zalida poli, bino ichida hojatxonasi (yoki kanalizatsiyaga ulanmagan hojatxonasi), hatto proyektorlari yoʻq maktablarda oʻqishga mahkummi? Balkim bunday himmat uchun ular har dushanba "lineyka"da rahmat aytib taʼzim qilishi kerakdir.

MMTV va diskriminatsiya soʻzlari sinonimga aylandi men uchun.

@birgap