Bu Toshkentning Kamolon hududida joylashgan Avliyo Georgiy Muzaffar nomli yodgorlik boʻlib, Toshkentga hujum vaqtida halok boʻlgan 24 nafar rus askari sharafiga qurilgan.

Buni-ku qurganlar oʻsha davr odamlari edi, ammo u 2020-yilda mustaqil Oʻzbekiston byudjeti hisobidan taʼmirlandi.

P.S. Toshkentni – oʻz vatanini himoya qilib, vafot etgan askarlarga biror joyda yodgorlik yoʻq. Men adolat soʻrayapman xolos, adolat!

@birgap

Bu murojaat boʻyicha javob keldi. Aynan keltiraman:

"Topshiriqlarni har bir oʻquvchiga chop etish shart emas, doskaga yozib, proyektorda yotirib koʻrsatish, sinflar paralleliga bir nechta chop etib, daftarda ishlash yetarli. Topshiriqlarni har bir oʻquvchiga chop etish lozim emas."

Telefonda aytishdiki, bu haqida tajriba-sinov ketayotgan hamma maktab masʼullari ogohlantirilgan. Kim testni har bir oʻquvchiga chop etib tarqatayotgan boʻlsa, oʻzining tashabbusi ekan. Markazning bunga aloqasi yoʻqmish.

Baribir qiziq, nega tajriba-sinovda bunday ishlar uchun mablagʻ ajratilmagan. XXI asrda testni doskaga yozib berishni tavsiya qilishyapti. Mayli-da!

@birgap

Mana bu testda tekshirilayotgan koʻnikma ona tili faniga oid emas degandim.

Berilgan javob:
"Ushbu savol darslikdagi matn asosida tuzilgan boʻlib, matn tushunish koʻnikmasini rivojlanishiga xizmat qiladi."

Dasturni va darslikni tuzishning har bir bosqichida toʻliq qatnashgan odam sifatida aytamanki, bu testning dasturda nazarda tutilgan koʻnikmalarga umuman aloqasi yoʻq.

Javob butkul qoniqarsiz, mana shu testni tuzgan va mana shunday javob qaytargan odamning testologiya boʻyicha bilimlarini shubha ostiga olish hamda uning testlarini yaroqsiz deyishga toʻla asoslarim bor.

@birgap

Murojaatimga javobdan olgan xulosalarim:

1. Men bilan suhbatlashganlar, javob berganlar Blum taksonomiyasini baholashga joriy qilish boʻyicha yetarli malakaga ega emasdek koʻrindi (shaxsiy fikrim va uni erkin bildirishga haqliman).

2. 2024–2025-oʻquv yilidan boshlab tajriba-sinov maydoni 1000 ta maktabga kengayadi.

3. Test tuzuvchilarning testologiya boʻyicha bir nechta sertifikatlari bor ekan, yozda yana oʻqishar ekan.

4. Bu baholash tizimi 2026-yilgacha butun Oʻzbekistonga yoyilishi kutilmoqda ekan.

5. Men tilga olgan koʻplab kamchiliklarni oʻzlari ham (men bilan gaplashgan mutaxassis aytishicha) bilib turishgan ekan, yangi oʻquv yilidan bunday xatolarga yoʻl qoʻymasliklarini aytishdi.

P.S. ochigʻi, suhbat men nima deyman-u qoʻbizim nima deydi ruhida boʻldi. Mayli-da.

@birgap

Rahmatni "raxmat" deb yozadiganlar qattiq rahmat aytayotgan boʻladimi?

@birgap

Xayriddin Sultonovning "Ishonch telefoni" nomli qissasi Mutolaa ilovasiga yuklanibdi (ancha boʻlgan ekan, men endi koʻrdim).

Asarni zoʻr ovozlashtirishibdi. Radiospektaklga oʻxshaydi.

Ushbu asarda bir emas, bir necha oʻnlab qismatlar tasvirlangan. Ularning baʼzilarini oʻqib, bir inson buncha qiyinchilikka qanday bardosh berar ekan, deb oʻyga botsangiz, baʼzilarini oʻqib, bir inson oʻz-oʻziga shuncha muammoni qanday yaratar ekan, deb oʻylanasiz. Eng qizigʻi, bu insonlarning dardini muammolarini eshitishga masʼul, ishonch telefoni dispetcheri Mohidil Ismatovaning oʻz hayotida ham muammolar talaygina.

@birgap

Agar jinchiroq topib olsam, birinchi tilagim h va x ni birlashtirish haqida boʻladi.

@birgap

"Ilg‘or tajribalarni ommalashtirish maqsadida o‘tgan yili 500 ta maktabda Prezident maktabi baholash tizimi joriy etilgan edi. Buning samarasida ulardagi o‘quvchilarning o‘zlashtirishi 53 foizdan 59 foizga oshgan. Yuqori natijaga erishgan maktablar rahbariyati va o‘qituvchilariga 40 foizgacha ustama belgilangan. Shu bois ushbu baholash tizimi yangi o‘quv yilidan yana 1 mingta maktabda qo‘llana boshlaydi. Ularga 182 ta ixtisoslashgan hamda 500 ta tajribadan o‘tgan maktab biriktiriladi", deyiladi Maktabgacha va maktab ta'limi vaziri Hilola Umarova taqdimoti natijalari bo'yicha tarqatilgan xabarda.

Keling, xabarning yuqorida keltirilgan qismini tahlil qilib ko'raylik.

Ilg‘or tajribalarni ommalashtirish maqsadida - "mezonga asoslangan" deya taqdim etilayotgan "yangi" baholash tizimining nimasi "ilg'or tajriba"? Bu tajriba qaysi davlatlarda qo'llanilgan va qanday samara bergan?

Prezident maktabi baholash tizimi - Prezident maktablarida Kembrij dasturlari asosida o'qitiladigan fanlar bunday tizim asosida baholanmaydi shekilli?

o‘quvchilarning o‘zlashtirishi 53 foizdan 59 foizga oshgan - o'quvchilarning bilimi validlik talablariga mutlaq javob bermaydigan, testologiyaning fundamental talablarini inkor qilgan holda tuzilgan testlar asosida baholanganda "o'quvchilar o'zlashtirishi oshdi" degan bunday qat'iy xulosani berish mumkinmi?

baholash tizimi yangi o‘quv yilidan yana 1 mingta maktabda qo‘llana boshlaydi - bu baholash tizimi tajriba-sinov sifatida joriy qilingan edi. Tajriba-sinov ko'lamini kengaytirish, yanada ko'proq maktablarga joriy qilishdan oldin tajriba-sinov natijalarini e'lon qilarsiz, bu natijalarni ilmiy tahlil qilib ko'rarmiz?

Hilola Umarova o'z taqdimotida yiqoridagi kabi "noqulay" savollarga ham to'xtalganmi yoki odatdagi "ura-ura, bizda hammasi zo'r, yangi tizim joriy qilyapmiz" qabilida hisobot berilganmi - xabarda yoritilmagan.

Kursdoshlaring, tanishlaring tayanch doktorantura (PhD)ga kirganini, tadqiqot qilayotganini eshitasan. Miyangda oʻnlab tadqiqot uchun mavzular bor. Men ham kirsam boʻlardi deysan.

Birdan dangasa ekaning esingga tushib ketadi.

@birgap

Maktabimizda multfilmlar mavzusida quiz boʻlmoqda. Quiz – zakovatga oʻxshagan intellektual oʻyin. Koʻngilocharligi bor.

Bolalar juda xursand. Men ham ora-orada topib turibman.

@birgap

Oylik olib yozilgan har qanday PhD, DSc ishlar omma uchun 100% ochiq boʻlishi shart. Kerak boʻlsa, elektron tarzda.

Bu narsa sifatga ijobiy taʼsir qilishi aniq.

@birgap

Oʻzimni eng talabchan ustoz deb oʻylamasdim

Kecha maktabda bitiruv oqshomi boʻlgandi. Kechada qatnasha olmagandim. Bugun Hasanxoʻja ustoz (maktab asoschisi) ushbuni qoʻlimga eltib berdilar.

Oʻquvchilar eʼtirofiga koʻra yilning eng talabchan ustozi ekanman. Bir tomondan hayron qoldim, chunki oʻzimni unchalik ham talabchan deb oʻylamasdim. Ikkinchi tomondan quvondim – nima boʻlganda ham ENG soʻzi bor-ku😁

Bu statusni kelajakda ham oʻzimda saqlab qolishga harakat qilaman.

P.S. keyingi yil men dars beradigan oʻquvchilarga sabr

@birgap

"Zakovat"ning mana shu madhiyasi zoʻr edi. Oʻyinning fitratiga, qadriyatiga mos edi. Oʻyinchilar emotsiyalari bilan berilgan videosini tez-tez koʻrib turardim. YouTubedan oʻchirtirilgan shekilli, chiqmadi.

Sheʼrni Anvar Obidjon yozgan. Qoʻshiqni "Joziba" guruhi kuylagan.

P.S. agar "Zakovat" NNTning oʻzi madhiya yangilangani sabab bu madhiyani oʻchirtirgan boʻlsa, qoʻpol xato qilishibdi. Bu qoʻshiq oʻyinning tarixi. oʻyinning bir qismi axir.

@birgap