Oʻzbek tilini oʻqitish boʻyicha koʻplab tadqiqotlarning oyogʻiga tushov boʻlib turgan bir mavzu bor – tilimizdagi soʻz(soʻz birikma, ibora)larni darajalash. Mana shu tadqiqot amalga oshsa, pedagogikamiz katta foyda koʻradi. Ammo hozir bu ish bilan kimdir shugʻullanayotganini bilmayman.

Bu keng koʻlamli tadqiqot, uni bir yoki ikki-uch kishi qila olmaydi. 20 kishilik jamoa kamida 2–3 yil ishlashi kerak. Fanlar akademiyasi, Davlat tilini rivojlantirish departamenti va boshqa manfaatdor sohalar bunga mablagʻ ajratishi zarur. Bu masalani ortiq kechiktirib boʻlmaydi.

Sizningcha, soʻzlarni darajalab chiqish nima uchun kerak? Yoki kerakmasmi?

@birgap

Hindiston Bobur haqida kino ishlabdi deyishyapti. Shohruxxon Bobur rolida emish.

@birgap

Koʻrishni qattiq tavsiya qilaman.

https://youtu.be/MyzAXoxEHUI?si=0zDdbyDgjqORW_fZ

@birgap

Bugun olimpiadada chiqish qiladigan sportchilarimiz.

@birgap

Anna Prakaten akademik eshkak eshish boʻyicha saralashda 2-oʻrinni oldi va 30-iyul kuni boʻladigan chorak final bosqichiga yoʻllanma oldi.

Dzyudochimiz Halimajon Qurbonova 1/32 bahslarida ozarbayjonlik Laylo Aliyevani magʻlub etib 1/16 bosqichga chiqdi. Halimajon Qurbonova 48 kggacha boʻlgan vaznda qatnashmoqda.

60 kggacha vazn toifasida qatnashayotgan yana bir dzyudochimiz Doston Roʻziyev ukrainalik Dilshod Xolmatovga yutqazib musobaqani tark etdi.

@birgap

Anastasiya Zelinskaya 400 metrga erkin usulda suzish boʻyicha oʻz guruhida 3-oʻrinni oldi.

Finalda qatnashish uchun umumiy 21 ta suzuvchi orasida 8 talikka kirish kerak. Anastasiya 4:31 vaqt bilan 11-oʻrinni oldi.

@birgap

Halimajon Qurbonova shvetsiyalik raqibiga yutqazib qoʻydi.

@birgap

Erkaklar orasidagi 400 metrga erkin suzish bahslarida Ilya Sibirsev oʻz guruhida 3-oʻrinni oldi. U yetib kelgan vaqt (3:51) final yoʻllanmasi (kuchli sakkiztalik) uchun yetarli boʻlmadi.

@birgap

Endi shu bilan 17:30 da Olga Zabelinskaya velosport boʻyicha bahslarga kirishadi. Men u payt Zakovatda boʻlaman. Oʻzlaring shu saytdan koʻrib olsalaring boʻladi:

https://olympics.com/en/paris-2024/results/cycling-road/women-s-individual-time-trial/fnl-000100--

"Sport TV" yoki "Dunyo boʻylab"ning olib berishiga ishonch yoʻq.

@birgap

"4K"dan "5E"ga: navbatdagi "chiroyli bayroq"?

"O'zbekiston 24"da kelayotgan o'quv yili uchun tayyorlanayotgan "yangi avlod" "5E" darsliklari haqidagi lavhani ko'rib bu va boshqa bir qator savollar tug'ilmasdan qolmaydi.

Lavhada aytilishicha, 2024/25 o'quv yili uchun 5-9 sinflarga mo'ljallangan 153 nomdagi darsliklar tayyorlanmoqda. Iddao qilinishicha, bu darsliklar "yangi o'quv dasturi asosida", "xorijiy tajriba asosida", "5E modeliga asosida" "yangi avlod darsliklari"dir.

Har safar vazir va vazirlik almashganda "xorijiy tajriba asosida" "yangi avlod darsliklari"ni yaratish urf bo'ldi shekilli. Darsliklar o'quv dasturi asosida yaratiladi, hali aniq bir o'quv dasturi yo'q, turli sinflar turli va bir-biriga nomutanosib o'quv dasturlari asosida tahsil olayotgan tizimda har yili darsliklarni yangilash hech qanday samara bermaydi, deydigan odam yo'q.

Xullas, lavhadan tug'ilgan savollar:

1. Yangi darsliklar "yangi o'quv dasturi" asosida ekanligi aytilmoqda. Bu "yangi o'quv dasturi" oxirgi ikki-uch yil hisobidan nechanchisi? 2022-yilda Milliy o'quv dasturini joriy qilish boshlandi va bu dastur asosida avval 1-2, keyin esa 3, 6, 7, 10 sinflar uchun darsliklar chop qilindi. Prezident farmoni bilan vazir Umarovaga 2024-yilgacha Milliy o‘quv dasturining ta’lim jarayoniga to‘liq joriy etilishini ta'minlash vazifasi yuklandi. Lekin 2023/24 o'quv yilida boshlang'ich sinflar uchun "Novda"ning darsliklari joriy qilindi. Metodik va ilmiy muammolarga to'la bu darsliklar qaysi dastur asosida yaratilganiga ham, yaratilganiga 1-2 yil to'lmagan darsliklardan nega voz kechilayotganiga ham izoh berilmadi. Mana endi - yana "yangi o'quv dasturi" asosida "yangi avlod darsliklari". O'quv dasturlarini har yili "yangilash" har xil sinflar ta'lim mazmuni o'rtasidagi uzviylikni yo'qqa chiqaradi va ta'limni boshi berk ko'chaga olib kiradi. Oldin umumiy o'rta ta'limning maqsadlari bo'yicha, o'quv dasturlari bo'yicha, 11 yillik ta'limning oxirida o'quvchilardan nima kutilayotgani bo'yicha aniq bir to'xtamga kelarmiz? Oldin vazir va (yoki) uning jamoasi bu bo'yicha aniq bir tushuntirish berar, dasturlarni e'lon qilar?

2. Bu yil 5-sinfga o'tadiganlar, adashmasam, 1-sinfda 2017-yilda qabul qilingan o'quv dasturi asosida, 2-3-sinflarda Milliy o'quv dasturi asosida, 4-sinfda "Novda"ning shu paytgacha qaysi dastur asosida yaratilgani ochiqlanmagan darsliklari asosida tahsil olishgan. Endi 5-sinfda ularni yana "yangi dastur" kutmoqda. Bunday yondashuv bilan bu bolalarning "boy berilgan avlod"ga aylanmasligiga, ularning bilimlarida jiddiy bo'shliqlar paydo bo'lmasligiga kafolat bera olasizmi? Bu o'quvchilarni kutayotgan "yangi dastur" va "yangi darsliklar" ularning oldingi sinflarda nimalarni o'qigan va o'qimaganligini hisobga olganmi?

3. Yangi darsliklar "xorijiy tajriba asosida" yaratilayotgani aytilmoqda. Bu qanday "xorijiy tajriba", bilsak bo'ladimi? Bir Finlyandiyani "bayroq" qildik, qarasak, Finlyandiya tajribasi degani - bu darslik degani emas, keyin Singapur tomon chopdik, endi yana qandaydir "no name" "xorijiy tajriba"... Har safar "xorijiy tajriba"ni joriy qilaverib charchamadikmi? Balki ta'lim tizimi ustida "xorijiy" tajribalarni o'tkazaverishni to'xtatarmiz, a?

4. Darsliklar "5E" modeli asosida yaratilayotgan ekan. "5E" - bu konstruktivizm ta'lim nazariyaga asoslangan metodikalardan biri (bunday metodikalar ko'p) va bu metodikani har bir darsda qo'llab bo'lmaydi, chunki bu metodika o'quvchilarning muayyan tushunchani mustaqil tadqiq qilishlarini nazarda tutadi va vaqt talab qiladi. Shunday ekan, qanday qilib butun boshli darslik "5E modeli asosida" bo'lishi mumkin? Va nega aynan "5E", boshqa metodikalar emas? O'tgan yili "ura-ura" qilingan va keyinchalik katta shishirilgan pufak ekani oydinlashgan "4K modeli" nima bo'ldi? "5E" deyayotganlaringiz ham aslida shunday ichi bo'sh pufak bo'lib chiqmaydimi?

Xullas, savollar ko'p. Odatdagiday, vazirlikdan bu savollarga javob kutish befoyda - vazirlik "islohotlar" va PR bilan bilan band.

Tan olish kerak, Misr yaxshi jamoa ekan. Himoyada ham, hujumda ham yaxshi oʻynashdi.

Yigitlarga rahmat. Rosti, koʻproq narsa kutgan edim.

Oʻzbekiston Dominikan bilan oʻynaydi, ammo natija farqsiz. Uyga qaytishadi.

@birgap

Mana bu hujjatni taʼlim standarti desa boʻladi. Bu oʻquv dasturi uchun tayyor qoʻllanma ham.

Agar vazirlik mana shunday hujjatni tayyorlab eʼlon qilsa 4K, 5E kabi nomlarga hojat qolmaydi.

Mana shunday hujjatsiz PISAda 50 talikka kirishni-da orzu qilmasligimiz kerak.

Mana shunday hujjatsiz 100K yoki 5000E demaymizmi, foydasi yoʻq.

Florida universitetini taʼlim standartlari va oʻquv dasturlarini ishlab chiqishda eng oldi universitetlardan deb bilaman.

Hujjatni koʻring, oʻqing, maza qiling, koʻzingiz quvnasin.

Yuqoridagi ingliz tili uchun (ona tili sifatidagi) kimnidir matematika qiziqtirsa, mana bu yerdan yuklab oling.

P.S. bizdayam shunday hujjat boʻlgan kunlarni koʻrish nasib qilsin.

@birgap

Diyora Keldiyorova Parij–2024 musobaqasining eng kuchli sportchilaridan biri Uta Abeni magʻlub etdi. Medallar uchun asosiy daʼvogar chiqib ketdi.

Sardor Nurullayev braziliyalik raqibiga yutqazib, musobaqani tark etdi.

@birgap

Akademik eshkak eshish bahslarida qatnashayotgan Oʻzbekiston jamoasi (Shahzod Nurmatov va Sobir Safaraliyev juftligi) chiqishlarini yakunladi. Oʻzbekistonliklar 5 jamoa orasida 5-boʻlib kelishdi. Garchi musobaqadan chiqib ketishmagan boʻlishsa-da, medallar uchun kurasha olishmaydi.

@birgap

Diyora Keldiyorova chorak finalda germaniyalik raqibini magʻlub etib, yarimfinalga yoʻl oldi.

P.S. gap dzyudo haqida ketmoqda

@birgap

Boksda ham gʻalaba.

Lazizbek Mullajonov italiyalik Muhiddin Abbosni yengi.

@birgap

Diyora Keldiyorova finaldaaa!

@birgap

Dzyudo. 52 kilogrammgacha boʻlgan ayollar bahslari. Bronza medallari va final juftliklari.

@birgap