🎙 Sodiq Podcast taqdim etadi!
2-mavsum, 1-son: Sodiq School’dan — Harvardgacha yo‘l

💡 Jasurbek Umarov — oddiy oilada ulg‘aygan, ammo katta orzulari bilan Harvardgacha yo‘l olgan o‘quvchimiz.

U bilan hayotdagi stereotiplarni qanday sindirgani, shaxsiy muvaffaqiyatining sirlarini, kasb tanlashdagi muhim jihatlar hamda kelajakdagi karyerasi va jamiyatdagi roli haqida suhbatlashamiz.

Bu podkast — o‘ziga ishonmayotganlar, imkoniyat yo‘q deb o‘ylayotganlar va hali yo‘lning boshida turganlar uchun.

💬 Jasurbek: “Agar men uddalasam — demak, siz ham uddalaysiz.”

To’liq video

Mutolaa jamoasining bir qismiga aylaning — o‘qish madaniyatini birgalikda rivojlantiraylik!

📍 Manzil: Toshkent, Alisher Navoiy ko‘chasi, 11A
💼 To‘liq ish kuni

Mutolaa — o‘zbek tilidagi eng katta mobil kutubxona. Loyiha 2023-yilda Yoshlar ishlari agentligi ko‘magida boshlangan va bugungi kunda undan minglab odamlar foydalanmoqda.

🔧 Stajyor sifatida siz quyidagilar bilan shug‘ullanasiz:
- Mobil ilova va veb platforma uchun interfeyslar ishlab chiqish
- Yangi funksiyalar va yaxshilanishlar dizaynini yaratish
- Dizayn sistemani qo‘llab-quvvatlash va rivojlantirish
- Dasturchilar bilan yaqindan ishlash
- Foydalanuvchi tajribasini tahlil qilish va takomillashtirish

🧩 Biz sizdan kutamiz:
-UX/UI dizayniga qiziqish va o‘rganishga tayyorlik
- Figma dasturi bilan tanishlik (asosiy darajada bo‘lsa ham yetarli)
- Faollik, ijodiy fikrlash va tashabbuskorlik
- O‘zbek tilidagi madaniy va ta’limiy loyihalarga mehr


📄 Qanday ariza berish mumkin: Formani to'ldiring

Qiziq maʼlumot oʻqidim. Yevropada 1882-yildayoq tilni grammatika va tarjima uchun emas, muloqot uchun (kommunikativ yondashuvda) oʻqitaylik degan risola chiqqan ekan.

@birgap

Quyidagi kanalda har kuni imlo boʻyicha test qoʻyaman. Kirib soʻzlar imlosi boʻyicha bilimlaringizni mustahkamlab borishingiz mumkin.

Soʻzlar imlosi eng oxirgi imlo lugʻati asosida.

https://t.me/sandiqchamiz

Bu kanalda testlardan tashqari turli lugʻatlardan olingan qiziqarli maʼlumotlarni ham oʻrganib borishingiz mumkin.

@birgap

Iloyim shunday boʻlsin!

@birgap

🎓 Birinchi Harvard talabasini yetishtirdik. Farzandingiz — keyingisi bo‘lishi mumkin.

Sodiq School — O‘zbekistonda ilk bor Harvard University talabasi yetishgan xususiy maktab.

🚀 Bu tasodif emas. Bu — aniq metodika, o‘lchanadigan natijalar va xalqaro darajadagi ta’lim yondashuvining samarasidir.

🔹 IELTS, SAT, A-Level — 9–10-sinfdan boshlab
🔹AQSh, Angliya, Yaponiya, Qatar — Ta’lim sayohati
🔹 Bitiruvchilarning 70% dan ortig‘i — xalqaro universitetlarda
🔹 25 million dollardan ortiq grantlar — bu shunchaki raqam emas, yuzlab orzularning ro‘yobidir

💡 Farzandingiz salohiyatini ochishi, xalqaro standartlardagi ta’lim sifatida bilimga ega bo‘lishi va orzularini global sahnada ro‘yobga chiqarishi — aynan Sodiq Schoolda boshlanadi.

🔔 Sodiq School — bu marketing mahsuloti emas.
Bu — isbotlangan natija, haqiqatga aylangan orzular.

📢 Navbatdagi o‘quv yiliga qabul boshlandi.
Joylar soni cheklangan.

Bogʻlanish uchun: ☎️ 788888080

Bizni tarmoqlarda kuzatib boring
Telegram | Instagram | Facebook | YouTube

Lekin shunday kitoblar boʻladiki, undagi gʻoyani tushunib olish uchun toʻliq oʻqib chiqish shart boʻlmaydi. Ayniqsa, "bestseller" deyilayotgan kitoblarni (ular badiiy asar emas).

Masalan, men oʻqigan koʻplab ilmiy-ommabop yoki ommabop kitoblarning mazmunini 2000 soʻz bilan ifodalab berish mumkin (lekin ular 250–350 bet kitob). Biroz mahorat boʻlsa bas.

Badiiy asarlarni toʻliq oʻqib chiqishdan yaxshi usul yoʻq.

@birgap

Masalan, yaxshi kitobni qisqa bayonlab boʻlmaydi deb yozgan Behzod Hoshimovning oʻzi bosh boʻlib tarjima qilingan asar "Mamlakatlar tanazzuli sabablari"da koʻtarilgan masalani ham qisqaroq qilib tushuntirib berish mumkin edi. Ammo kitob 676 bet. Asar gʻoyasini bemalol 2–3 ming soʻzda yetkazib berish mumkin. Kitobning katta boʻlib ketishiga sabab esa misollar va tafsilotlarning koʻpligi.

@birgap

Men doim aytaman, bizning hukumatda kimdadir richag boʻlsa, boʻldi, maksimal ishlatishga harakat qiladi. Adolat esa... Ha, mayli, hamma tushundi-ku!

Axlat ustiga mato yopib qoʻyganing bilan uning hidi yoʻqolib qolmaydi. Yoki axlatlik xususiyatini oʻzgartirmaydi. Vazirlik agar shu ishni qilmoqchi boʻlsa, teranroq oʻylab koʻrishi kerak.

@birgap

Oʻzbek tilini bilish darajasini baholovchilar uchun tashkil etilgan malaka oshirish kursi oʻz nihoyasiga yetyapti. Bugun oxirgi dars va yakuniy imtihonning bir qismi.

Komil Jalilov bilan yaxshi ishladik deb oʻylayman. Oʻzim ham yana koʻp narsa oʻrgandim.

@birgap

"Ochiq dars" loyihasidagi maqolalarni eslab turaylik. Mana bu maqola haqida qanday fikrdasiz. Sizga nimadir yangilik boʻldimi? Nimani oʻzgartirishga qaror qildingiz?

Maqolani toʻliq oʻqish uchun havola:

https://mohirdev.uz/blog/darsni-togri-tashkillashtirish-ochiq-dars/

@birgap

Mohir ustoz (ismlari shunday, oʻziyam mohir), Vadim Slutskiy mana shu gapni juda toʻgʻri aytgan. Koʻp pedagoglar, psixologlar shunday deydi.

Men ham odatda shunday qilaman, oʻquv yili boshida qatʼiy va yuqori talablar qoʻyaman. Vaqt oʻtib oʻquvchilarning tirishqoqligi evaziga ularni yumshatib boraman. Masalan, oʻquv yili boshida oylik reyting imtihonlarida qatnashmagan oʻquvchilarni kechirmayman. Yilning ikkinchi yarmidan esa oʻzim oʻquvchilarni imtihondan ozod qilishni boshlayman.

Ustozlar, sizlar ham amal qiling, talabni tobora qattiqlashtirib borish sizga nisbatan simpatiya uygʻotmaydi. Aksincha qiling – avval yuqori va qattiq talablar qoʻying va sekin-asta yumshatib boring. Oʻquvchilar sizni yaxshi koʻrib qoladi. Oʻquvchilaringiz sizni yaxshi koʻradi degani, sizni hurmat qiladi degani. Bu esa darsingizni ham eshitadi deganidir.

P.S. Mohir ustoz qachon lotinga oʻtarkin endi

@birgap

Hozirgina Hilola Umarovaning Maktabgacha va maktab taʼlimi vaziri lavozimidan ketganini eshitdim.

U endi Oʻzbekiston Respublikasi Prezidenti Administratsiyasidan turib taʼlimni isloh qilish masalalari bilan shugʻullanar ekan.

Yangi vazir kim boʻlar ekan-a? Duo qilinglar, Sherzod Shermatovga oʻxshaganrogʻi uchrasin.

@birgap

7-sinf Ona tili darsligi oxiridagi xotiraning qanday ishlashi haqidagi ikki matnni oʻqiganmisiz? Oʻqituvchilik faoliyatingizda nimadir oʻzgarishiga sabab boʻlganmi? "Ha", boʻlsa ham, "yoʻq", boʻlsa ham izohlab bera olasizmi?

@birgap

Oydinlashtirish lozim boʻlgan masala chiqib qoldi.

Magistraturaga qabulda diplom balliga qarashayotgan emish (notoʻgʻri yondashuv).

Biz oʻqigan paytda 86 ball "5" bahoga hisoblangan. Hozir shu 90 ball ekan.

Endi savol, bizning paytlarda bitirganlar 86–89 orasida ball olgan boʻlsa, ularniki "4" bahoga tenglashtiriladimi? Agar shunday qilinsa, avval bitirganlarga nisbatan zulm emasmi bu?

@birgap

Tish yuvayotganingizda, ovqatga narsa toʻgʻrayotganingizda, dushda choʻmilayotganingizda, yurib ketayotganingizda xayolingizga zoʻr fikrlar, yangi gʻoyalar keladi, shundaymi?

Sababi juda oddiy ekan. Shunga oʻxshash ishlar miyamizda avtomatlashgan boʻlarkan va ular ishchi (vaqtinchalik) xotiramizdan foydalanishga majbur qilmas ekan. Boʻsh qolgan ishchi xotira nimadir qilishga urinib, yangi fikrlar bilan shugʻullanar ekan.

Ana endi, mana shu maʼlumotdan dars uchun qanday foydalanish mumkinligini oʻylab koʻring-chi.

@birgap

Har ikki tomonga foydali taklifim bor. Siz ham yutasiz, men ham yutaman.

Bugundan boshlab yangi chorlov boshlayman. Pedagogika, dars strategiyasi, oʻrganishning qanday kechishiga oid oʻzim oʻqigan kitoblardan muhim nuqtalarni sizga tushunarli tarzda ulashib boraman. Siz mendan har kuni kamida bir, koʻpi bilan ikki narsa oʻrganasiz.

Evaziga esa sizdan 2 narsa talab qilinadi:

1. Bundan buyon kanalimda shunga oʻxshash reklama postlari boʻladi. Sizlar uni oʻtkazib yubormasdan koʻrasiz, oʻqiysiz (takliflar yoqsa, link orqali kirsangiz ham boʻladi, reklamalar ishonchli).

2. Kanalimni oʻz hamkasblaringiz, taʼlimga aloqador boʻlganlarga imkon qadar tavsiya qilasiz (masalan, guruhlarda).

Qancha koʻp boʻlsak, menda ishtiyoq ham ortadi. Faqat kitoblar bilan cheklanib qolish niyatim yoʻq. Avgust oxirlarida videodarslar ham tashkillashtirmoqchiman. Faqatgina kanal aʼzolari kira oladigan videodarslar.

Demak, boshladikmi?

@birgap

Keling, mana bu yerdagi maʼlumotdan dars davomida qanday foydalanishning bir uchini ochaman.

Bu yerda gap yumushlar avtomatlashganda odamning ishchi xotirasidan joy band qilmasligi aytilgan. Demak, qancha koʻp ishni avtomatlashtirsak, miyaga shuncha oson. Ishchi xotira qancha kam yuklama olsa, shuncha yaxshi ishlaydi.

Maktabda nimalarni avtomatlashtirish mumkin? Masalan, dars boshlanishidan oldin kitob va daftarlarni tayyorlab qoʻyishni, ruchka, qalam, chizgʻich va oʻchirgʻichlar joyida ekanini tekshirishni talab qilish mumkin. Shunda oʻquvchilarga topshiriq berganingizda ular kitob, daftar, ruchka kabi narsalarni qidirib, ishchi xotirasini band qilmaydi, qoʻlini partaning chap yuqori burchagiga olib borsa, penal, penalda esa ruchka bor. Shunday qilib u bor diqqatini topshiriqqa qarata oladi.

Bu maʼlumotdan yana bir necha oʻrinlarda foydalanish mumkin. Qolganini vaʼda qilingan bepul videodarslarda aytib beraman.

P.S. agar maʼlumot sizga qiziq tuyulgan boʻlsa, kanalni hamkasblaringizga tavsiya qiling.

Kanalga ulanish: @birgap