Aytishlaricha, 40 ta xorijiy atamaning oʻzbekcha muqobili rasmiy tasdiqlanibdi.

Oʻzbekiston Respublikasi Vazirlar Mahkamasi huzuridagi Atamalar komissiyasini bunday yirik ish bilan qutlayman. Endi bu atamalar amalda qoʻllashimiz kerak. Bunda biz ziyoli qatlam – oʻqituvchilar bosh boʻlishimiz kerak deb hisoblayman.

P.S. roʻyxatni keyingi postda eʼlon qilaman.

@birgap

Mana oʻsha atamalar.

Soʻzlar haqida batafsil keyinroq yozaman. Hozircha muhokama qilib turinglar.

@birgap

Maktabgacha va maktab taʼlimi tizimidagi tenderlar 🐎 oʻyin boʻlib ketgan deyishadi.

Toʻgʻrisi, men bunga ishonmayman.

@birgap

Ixchamlashtirib, bir rasmga sigʻdirib qoʻydim.

Koʻpchilik oʻzi bu soʻzlar avvaldan bor edi-yu deyishi mumkin. Ammo bu yerda bir masala bor, yaqin yillar davomida (oʻnyilliklarda) chet tilidan oʻzlashgan va oʻzlashayotgan soʻzlarning rasmiy tarjimalari tasdiqlanmagan. Bu koʻplab davlatlarda bor amaliyot.

Endi Oʻzbekistonda ham shu ish boʻladi. Atamalar komissiyasi mana shunday qilib soʻzlar roʻyxatini eʼlon qilib boradi.

Bu nima degani, rasmiy doiralarda birinchi ustundagi soʻzni ishlatish kerak boʻlib qolsa, ikkinchi ustundagi ishlatiladi. Yaʼni endi rasman avans degan soʻz yoʻq, boʻnak bor xolos.

Avvallari hamma istagandek qoʻllardi. Bu va bundan keyingi qarorlar ana shu turfalikni yoʻqotadi.

P.S. svetoforning yoʻlchiroq boʻlganidan juda xursandman. Endi peshexodniy perexod (piyodalar oʻtish yoʻlagi)ni ham yoʻlkesar qilib olsak, yaxshi boʻlib ketadi.

P.S2. yana bir mujda bor, endi IT emas, AT yozamiz. IT parki emas, AT parki boʻladi.

@birgap

Parol soʻzi oʻron deya tasdiqlangani koʻpchilikka gʻalati tuyulyapti. Ammo bu soʻz "Boburnoma"dan olingan. Aynan parol soʻzi maʼnosini bemalol beradi.

Yuqoridagi parchadan oʻron aynan parol, maxfiy soʻz maʼnosini anglatishini bilib oldik. Ikki xil oʻron bor, deyapti Bobur mirzo: biri bittagina soʻz boʻladi, baʼzi qishloq yoki jamoa vakillari oʻzlari uchun tanlab olishadi. Oʻsha soʻzni aytsangiz, dushman emas, qavmning oʻz odami ekaningiz yuzaga chiqadi. Ikkinchi xil oʻron ikki soʻzdan tashkil topadi: ikki soʻzdan biri aytilganda siz juftini aytishingiz kerak. Masalan, Toshkent-Sayram oʻronidan Toshkent deyilsa – Sayram, Sayram deyilsa – Toshkent deyishingiz zarur. Shunda oʻronni – parolni toʻgʻri topgan boʻlasiz. Yoʻqsa, dushman yo begona sanalasiz va muomala ham shunga yarasha boʻladi.

Manba mana bu havolada.

@birgap

Kutinglar, bugun Maktabgacha va maktab taʼlimi vaziri tayinlanadi.

Eslatma, vazir yuqorida sizlar aytgan birortasi emas.

@birgap

Yangi vazirning familiyasi K dan boshlansa ajabmas

@birgap

Bummmm!

Eʼzoza Karimova

Hozirgacha Nizomiy nomidagi pedagogika universiteti rektori.

@birgap

Ixtisoslashtirilgan maktablar kirish imtihonlaridagi juda qiziq - va jamoatchilik bilishi kerak boʻlgan - holatlar

Kecha tasdiqlangan yangi vazir uchun jiddiy sinov - bu mojaroni u qanday hal qilar ekan?

Taʼlim vazirlari ishtirokida yigʻin boʻlibdi.

Koʻrib chiqilgan masalalarni yomon demayman. Yaxshi ham emas-da.

Taʼlim sifatini yaxshilash, tizimni jarlikdan qutqarib qolishga qaratilgan birorta amaliy taklifni koʻrmayapaman. Hammasi raqamlar ortidan quvishdan boshqa narsa emas.

Odamlar, shuncha pul toʻlab PISA testlarida nega qatnashyapmiz. Qani PISA tahlillari, qani ular asosida chiqarilgan xulosalar?

Xorijiy oʻqituvchilar sonini 10 000 taga yetkazasizmi, 1 000 000 taga yetkazasizmi, farqi yoʻq. Fundamental muammolarimiz bor, ularni yechmas ekanmiz, foydasi yoʻq. Undan tashqari xorijlik oʻqituvchi degani yaxshi oʻqituvchi degani emas. Taʼlim jarayonida oʻzaro tushunish, muloqot erkinligi juda muhim. Xorijlik oʻqituvchi tilni yaxshi bilmasa, qadriyatlarni tushunmasa qayerdan foyda keltiradi? Shu paytgacha ishlayotgan 2000 xorijlik oʻqituvchi faoliyati boʻyicha ilmiy tadqiqot qilindimi? Qani tahlillar?

@birgap

Prezident, ixtisoslashtirilgan maktablarda qoʻllanilayotgan baholash tizimi barcha umumtaʼlim maktablariga bosqichma-bosqich joriy etib boriladi. Yangi oʻquv yilidan boshlab ushbu tizim uch mingta maktabda amaliyotga kiritilishi rejalashtirilgan.

Prezident maktablaridan faqat baholash shakli olinadimi (uzr, mazmuni deya olmadim, sinovdan oʻtayotgan usul baholashni mazmunan zarracha ham oʻzgartirgani yoʻq)?

Ulardagi oʻqituvchi va oʻquvchiga yaratilgan sharoit va imkoniyatlar-chi? Prezident maktabidagi moddiy-texnik baza-chi? Ulardan andoza olinmaydimi? Hech boʻlmasa sasib ketmaydigan, havo aylanadigan, qishda kirsang keting muzlamaydigan hojatxona qurib beringlar ayrim maktablarga.

Issiq kunlarda terlab, sovuq kunlarda qaltirab oʻtiradigan oʻquvchiga sening "zamonaviy baholash tizimi"ng bir tiyin.

@birgap

Maktabgacha va maktab taʼlimi vaziri birinchi qilishi kerak boʻlgan ish ilmiy tadqiqotchilar uchun maʼlumotlarni ochiqlash, ilmiy tadqiqotchilarga buyurtmalar berish, ularni yollash va tizimdagi muammolarning tub ildizigacha yetib borish boʻlishi kerak.

Masalan, 2022-yilgi PISAda oʻquvchilarimizning 71.4 foizini faqatgina eng quyi darajadagi koʻrsatkichlarni qayd etgan.

OECD davlatlari orasida bu koʻrsatkich 16.4 foizni tashkil etadi.

OECD tarkibida boʻlmagan
BAAda 33.9%,
Tailandda 46.3%,
Urugvayda 30.6%,
Vyetnamda 12.2%,
Qozogʻistonda 32.8%,
Mongoliyada 39.9%.

Nega shunday? Nimaga bizda shunchalik past natijalar? Bunga sabab faqatgina birinchi bor qatnashayotganimiz emasdir. Mongoliya ham, Vyetnam ham birinchi bor qatnashgan-ku.

Bunday natijalar asosi qayerda ekanini faqatgina ilmiy tadqiqotlar bilangina oydinlashtirish mumkin. Vazirlik shu ishga qoʻl urmas ekan, islohotlar qogʻozdan va nutqlardan tashqariga chiqmaydi.

@birgap

Telegramda oʼz bizneschamni yoʻlga qoʻymoqchiman. Menda sotadigan buyum yoʻq, ammo maʼlumot sotishim mumkin.

Sxema quyidagicha:
Bir kanal ochaman, haftasiga 2 ta koʻpi bilan 3 ta post yozaman. Postlarning biri biror mavzuni (imlo, grammatika, badiiy asar, esse, oʻqib tushunish, tinglab tushunish, yozma nutq va ogʻzaki nutqni oʻstirish) oʻtish boʻyicha fayl shaklidagi qoʻllanma yoki yangicha metod va texnologiyalar haqida boʻladi.

Yana bir postda oʻzim oʻqigan, Oʻzbekistonda topish qiyin boʻlgan pedagogika, taʼlim psixologiyasi va sinfni boshqarishga oid kitoblarni ovozli tarzda sharhlayman (kitoblarni boʻlib sharhlashim mumkin, masalan, oyiga 1 ta kitob). Ikki haftada bir boʻladigan uchinchi postda esa baholash, oʻqib tushunish testlarini tuzish, turli qoʻllanma va darsliklar tayyorlash boʻyicha bilimlarni ulashaman (bu masalarda kurslar oʻtib turaman, qimmat narsa bu).

Oy oxirida esa obunachilar bilan jonli onlayn suhbat oʻtkazaman, unda oʻqituvchilar oʻzlarini qiziqtirgan savollarga javob olishlari mumkin boʻladi.

Bir oy davomida jami 8–10 ta post (postlar oddiy emas) va bitta jonli suhbat boʻlyapti.

Ishoning, yarim yil ichida oʻzingizda oʻzgarish sezasiz.

Xoʻsh, shuncha narsa uchun oyiga 44 000 soʻm toʻlashga tayyormisiz? Agar sizlarda qiziqish boʻlsa 20-avgustdan boshlab yubormoqchiman. Oʻquv yili boshlanguncha ham bilish kerak boʻlgan narsalar bor-da axir.

Iltimos, pastdagi soʻrovnomaga javob bering.

@birgap

4 198 nafar o‘qituvchiga 70 foizlik ustama beriladigan bo‘ldi

2025-yil yanvar-iyun oylarida o‘tkazilgan pedagog kadrlar attestatsiyada ishtirok etib, oliy va birinchi malaka toifasiga erishgan (yoki saqlagan) hamda 86 va undan yuqori ball to‘plagan pedagog kadrlar ro‘yxati tasdiqlandi.

Batafsil — https://xalqtaliminfo.uz/post/1272

Ta'limga oid eng so‘nggi yangiliklarni @xalqtaliminfo'da kuzatib boring.

Telegram l Instagram l YouTube

Mana bu yerda yaxshi xabar bor ekan. Faqat bu amalda qanchalik yaxshi bajarilishiga bogʻliq.

Lager tizimi qaytayotganga oʻxshaydi. Menimcha, yaxshi qaror.

Havola:
https://xalqtaliminfo.uz/post/1273

@birgap

Taʼlim haqida yozadiganlarga ham bosimlar boʻlyapti shekilli.

Ayrim tanqidchilar ustidan qoʻngʻiroq qilishlar haqida men ham eshitdim. Shunaqa holga uchrab, ommaga ochiq aytolmayotgan kishini ham bilaman.

"Xalq taʼlimi info" kanali baʼzan tanqid ham qiladi, ammo kanal asosan muhim xabarlarni, yutuqlarni yetkazish bilan shugʻullanadi. Shu kanalga ham bosim qilishayotgan boʻlsa, bilmadim endi.

Nima boʻlyapti, oʻzimiz qora tush degan davrlarga qaytyapmizmi?

@birgap

Yeyishing – kepak, kiyishing – ipak

Bu maqolni yeyish-ichishni cheklab boʻlsa hamki, bor pulini yaxshi-yaxshi kiyinishga sarflaydigan yoxud uyida hech balosi boʻlmasa ham, kiyimiga zeb berib, odamlarga oʻzini koʻz-koʻz qilib yuradigan olifta, satanglarga nisbatan kinoya tarzida qoʻllaydilar.

Yana bir varianti: yeyishing – sholgʻom-u, yotishing – Margʻilonning sirli saroyi

#lugʻatchi

Kanalga ulanish: @birgap

2022-yilgi PISA tadqiqotida Oʻzbekistonlik maktab direktorlariga berilgan soʻrovnomadan bir savol.

Qiziq savollar berilgan ekan. Masalan, yuqoridagi savol. Davlat maktablarida ichki nazorat, sifatni oshirish boʻyicha boʻlim yoki mutaxassislar bormi? Oʻzi ular kerakmi?

Kanalga ulanish: @birgap