Şokir Tursun qaraşlari
5.47K subscribers
930 photos
151 videos
225 files
1.13K links
Şokir Tursunning şaxsiy telegram kanali.

Izoh yoza oliş uçun bu guruhga qöşiling:
https://t.me/+OqHqsY_POQtkY2Iy

Fikr yuritiladigan mavzular:
Til öqitish metodikasi
Ona tili va öqiş savodxonligi darsliklari
Ona tili darsliklari
Ta'lim
Download Telegram
#machine_learning
#avtomatik_oʻrganish

Bugungi kunda judayam koʻp yangrayotgan Avtomatik oʻrganish - Machine learning tushunchasiga izoh bermoqchiman. Oʻzi nima u?

Avtomatik oʻrganish bu - savollarga javob berish uchun maʼlumotlardan foydalanish.

Yaʼni, tasavvur qiling siz kimyo fanidagi moddalar va formulalarni kompyuterga oʻrgatdingiz (xotirasiga maʼlumot sifatida kiritdingiz). Va uni buyumning kimyoviy tarkibini aniqlovchi dasturga bogʻlab qoʻydingiz. Endi siz biror buyumni shu dastur oynachasiga qoʻysangiz u sizga buyumning kimyoviy tarkibini juda qisqa muddatlarda aniqlab beradi. Endi har safar uzundan uzoq hisoblashlarni amalga oshirib oʻtirishingiz shart emas. Dastur siz avval kiritgan maʼlumotlardan foydalanib savolingizga javob beradi.

Xoʻsh, bu tilshunoslikda qanday boʻladi?

Eng oddiy koʻrinishi siz ishlatadigan elektron lugʻatlar, transliteratsiya dasturlari va tarjimonlar. Soʻzni yoki gapni kiritasiz va soniyaning 10 dan 1 qismida sizga natijani koʻrsatadi.

Qiyinroq koʻrinishlarini ham koʻrgansiz, masalan, imloviy xatolarni tekshirib beruvchi dasturlar.

Dunyodagi yirik tillar bu sohani ancha rivojlantirgan va mukammallashtirishgan. Hozirgi kunda yozmoqchi boʻlgan matningizning uslubini, maqsadini belgilaysiz va matnni kiritasiz, dastur avvaldan kiritilgan maʼlumotlar asosida grammatik va uslubiy xatolaringizni koʻrsatib, maʼqulroq variantni taklif etadi.

Yoki siz tilning qonuniyatlarini kompyuterga oʻrgatasiz u ogʻzaki va yozma nutqni siz uchun qayta ishlab, xulosalarni beradi. Nutqda qancha ot qoʻllangan, gaplarning sintaktik tahlili qanday, nutqning uslubi, nutq egasining millati-yu shevasiga koʻra hududi - hammasi haqida judayam qisqa muddatda xulosa beradi.

Faqat bunday xulosalarni berishi uchun kerakli maʼlumotlarni unga oʻrgatishingiz kerak. Sizdan olgan maʼlumotlari asosida begona vaziyatlarda toʻgʻri xulosalar chiqaradi. Aynan shuning uchun ham avtomatik oʻrganish deb nomlangan.

Tilshunoslikdagi avtomatik oʻrganish haqida yana alohida bildirgi qilaman. Ishonavering qiziq va kerakli soha.

Kanalga ulanish: @birgap