TEMIR YO‘L OSTI TUNNELINI QURISH ISHLARI OLIB BORILMOQDA

“O‘zbekiston temir yo‘llari” AJ bosh muhandisi Sh.T. Kadirov tomonidan imzolangan tegishli farmoyish ijrosini ta’minlash maqsadida Buxoro mintaqaviy temir yo‘l uzeli filiali bosh muhandisi boshchiligida uzel tasarrufidagi "Ziyovuddin–Navoiy" temir yo‘l stansiyalari oralig‘ining 3866-kilometr 7-piketida qurilish ishlari olib borildi.

Mazkur hududda temir yo‘l ostidan 2,3 × 2,0 metr o‘lchamdagi temirbeton tunnel barpo etish ishlari amalga oshirildi.

Qurilish jarayonida belgilangan texnik talablar, me’yorlar hamda poyezdlar harakati xavfsizligini ta’minlash masalalariga alohida e’tibor qaratildi.

Ushbu tunnelning barpo etilishi hududdagi infratuzilmani takomillashtirish, temir yo‘l kesishmalaridan xavfsiz foydalanish hamda yo‘lovchi va fuqarolar harakat xavfsizligini ta’minlashga xizmat qiladi.

Buxoro mintaqaviy temir yo‘l uzeli filial — xavfsizlik va barqaror infratuzilma yo‘lida!

Rasmiy sahifalarimiz⤵️
Site | Telegram | YouTube | Instagram | Facebook | Virtual murojaat

#HARAKAT_XAVFSIZLIGI_KUNI

HARAKAT XAVFSIZLIGI — DOIMIY E’TIBORDA!
Poyezdlar harakati xavfsizligini ta’minlash, hududlarda olib borilayotgan ishlar ustidan nazoratni yanada kuchaytirish hamda mehnat muhofazasi talablariga qat’iy rioya etilishini ta’minlash maqsadida Buxoro mintaqaviy temir yo‘l uzeli filiali rahbari boshchiligida Tinchlik lokomotiv deposida lokomotiv brigadalari ishtirokida yig‘ilish o‘tkazildi.

Yig‘ilishda stansiya va korxona rahbarlari hamda lokomotiv brigadalari ishtirok etib, poyezdlar harakatini tashkil etish jarayonida yuzaga kelayotgan muammoli masalalar, ularning kelib chiqish sabablari hamda bartaraf etish choralari muhokama qilindi.

Muhokamalar davomida lokomotivlarning turib qolish holatlarining oldini olish, ularning texnik va ekspluatatsion holatini nazorat qilish, ish jarayonlarini belgilangan texnologik talablarga muvofiq tashkil etish masalalariga alohida e’tibor qaratildi.

Shuningdek, “Harakat xavfsizligi va mehnat muhofazasini ta’minlash to‘g‘risida”gi buyruq talablarini so‘zsiz bajarish, belgilangan yo‘riqnomalarga qat’iy amal qilish hamda mehnat muhofazasi qoidalariga rioya etish yuzasidan mas’ullarga tegishli ko‘rsatma va topshiriqlar berildi.

Lokomotiv brigadalariga poyezdlar harakati xavfsizligi talablariga qat’iy rioya qilish, texnologik jarayonlarni buzmaslik, xizmat vazifalarini yuqori mas’uliyat va hushyorlik bilan bajarish, shuningdek, yuzaga kelishi mumkin bo‘lgan xavf-xatarlarning oldini olish bo‘yicha zarur choralarni ko‘rish topshirildi.

Yig‘ilish yakunida har bir temiryo‘l xodimining mas’uliyati, intizomi va hushyorligi poyezdlar harakati xavfsizligini ta’minlashda muhim omil ekani alohida ta’kidlandi.

Harakat xavfsizligi — umumiy mas’uliyat va doimiy e’tibor talab qiladigan ustuvor vazifa!

Rasmiy sahifalarimiz⤵️
Site | Telegram | YouTube | Instagram | Facebook | Virtual murojaat

Transkaspiy transport yo‘lagini rivojlantirish va xalqaro hamkorlikni kengaytirish yo‘lida muhim qadamlar qo‘yildi

Joriy yilning 29-sentabr kuni «O‘zbekiston temir yo‘llari» AJ rahbariyati hamda Yevropa Komissiyasi Xalqaro hamkorlik bo'yicha bosh direktorati Osiyo, Markaziy Osiyo, Tinch okeani mintaqasi va Yaqin Sharq mamlakatlari bo'yicha direktori Peteris Ustubs va Yevropa Ittifoqining O'zbekiston Respublikasidagi elchisi Toyvo Klaar o‘rtasida ikki tomonlama uchrashuv bo‘lib o‘tdi.

Muloqot davomida tomonlar avval erishilgan kelishuvlarni sarhisob qilib, O‘zbekiston va Yevropa o‘rtasidagi savdo-iqtisodiy aloqalarni rivojlantirishda temir yo‘l tarmog‘ining muhim o‘rnini ta’kidladilar. Shuningdek, mamlakatimizdagi istiqbolli transport loyihalari, Transkaspiy yo‘lagining o‘tkazuvchanligini oshirish va xalqaro moliya institutlari ko‘magida qo‘shma tashabbuslarni amalga oshirish masalalari ko‘rib chiqilib, hamkorlikni tizimli davom ettirishga kelishildi.

Ushbu amaliy muloqotlarning davomi sifatida 30-sentabr kuni Toshkentda Transkaspiy transport yo‘lagi bo‘yicha O‘zbekistondagi ikkinchi milliy konferensiya o‘z ishini boshladi. O‘zbekiston Respublikasi Transport vazirligi, Yevropa Komissiyasi va xalqaro moliya tashkilotlari vakillari ishtirok etgan tadbirda «O‘zbekiston temir yo‘llari» AJ boshqaruv raisining birinchi o‘rinbosari X.Raxmetov ma’ruza bilan qatnashib, mamlakatimizning tranzit salohiyati hamda infratuzilmani rivojlantirish istiqbollari yuzasidan taqdimot o‘tkazdi. Bo‘lib o‘tgan tadbirlar mintaqada barqaror va xavfsiz logistika zanjirlarini mustahkamlashga xizmat qiladi.

|Site|Telegram|Facebook|YouTube|Instagram|X