Kecha uchala kitobdan ham ozgina o'qib ko'rdim — tarjima ustida ancha mehnat qilingani bilinib turibdi.

"Tasodifga aldanganlar" kitobini Amina Saydaliyeva, "Prokrust yotog'i" va "Jonni o'yinga tikish" kitoblarini Sardor Salimov tarjima qilgan. Kitoblar nashrga Zabarjad Media nashriyoti bilan birgalikda tayyorlangan. Shuning uchun kitobda ikki nashriyot: Zabarjad Media va Ayub nashr logotiplarini ko'rishingiz mumkin. Albatta, bu kollaboratsiya kitobning sifatli chiqishi uchun xizmat qilgan.

Yil oxirida Talebning yana ikki kitobi: "Qora Oqqush" va "Antimo'rtlik" nashr qilinar ekan. Shu bilan, ushbu muallifning Incerto nomli seriyasidagi barcha beshta kitob o'zbek tilida chiqqan bo'ladi. Darvoqe, "Qora Oqqush" kitobi ham qayta tarjima qilinibdi.

Kecha uchta kitobni qo'limga olgach, "Jonni o'yinga tikish" kitobini ochib, Talebning o'zi o'ylab topgan Mediocristan va Extremistan tushunchalari qanday tarjima qilinganiga qiziqdim. Bu tushunchalar "Qora Oqqush" kitobida juda keng tushuntirib berilgan edi va men o'sha paytlar, uzoq o'ylab, "O'rtaston" va "Chekkaston" deb tarjima qilgandim. Yaqinda "Skin in The Game"ni o'qiganimda shu so'zlar bu kitobda ham borligini ko'rgandim. Yangi tarjimalarda bu tushunchalar "O'rtamiyoniston" va "Ekstremiston" deb tarjima qilinibdi. Tarjimon "O'rtamiyoniston" so'zini juda yaxshi o'ylab topibdi, menga yoqdi.

O'zi Talebni kitoblarida shunaqa so'zlar ko'p — omma uchun yangi g'oyalarni tasvirlash uchun ba'zi joylarda o'zi yangi tushunchalar o'ylab topgan. Mana shu joylarini tarjima qilishda tarjimonning kreativligi ko'zga tashlanadi. Xullas, menimcha, tarjima yaxshi chiqqan. O'zbek kitobxonlarini mana shunday manfaatli asarlarning tilimizga o'girilgani bilan tabriklayman. Bu kitoblarni albatta o'qish kerak.

@Bookerberg

Tanlov!

Shartlar juda oddiy:
✅Bookerberg va  Birburchak  kanallariga a'zo bo'lasiz,
✅ Bu postni 30 ta obunachisi bor guruh yoki kanalga yuborib screenshotini izohda qoldirasiz,
✅ Va pastdagi "QATNASHAMAN" tugmasini bosasiz.

G'oliblarni telegramning o'zi random orqali aniqlab beradi.
❗️E’tiborli boʻling, kanallarga a’zo boʻlmasangiz gʻolib boʻla olmaysiz.

🏆Gʻoliblarimiz 3 nafar bo'ladi. Va ularning har biriga Nassim Talebning YANGI KITOBIDAN bittadan sovgʻa qilinadi. Yutuqlarni rasmda koʻrishingiz mumkin.

Gʻoliblar 17-avgust oqshomida aniqlanadi. Tanlov haqida kitobxon doʻstlarni ogoh etishni unutmang!

Do'stimiz, postda ma'lumot yozishda biroz yanglishibdilar. G'oliblarning har biriga bittadan emas, uchtadan kitob sovg'a qilamiz. Ya'ni uch nafar g'olibga uch xil yangi kitob sovg'a qilinadi.

Bosinglar.

@Bookerberg

Bugun 1000KITOB doirasida "Charx" nomli yangi loyihani yo'lga qo'ydik. Ushbu loyiha doirasida har oyda 1000KITOB doirasida chiqqan bitta kitobning tarjimoni yoki eksperti bilan ochiq suhbat o'tkazmoqchimiz.

Loyihaning birinchi sonida Alen Bertoning "Loyihasiz tartib" nomli kitobi haqida, ushbu kitobni o'zbek tiliga o'girgan Bekzod Zakirov bilan birga suhbat bo'lib o'tdi. Urbanistika, shahar loyihasi haqida juda qiziq fikrlar aytildi.

Nasib bo'lsa, tez orada tadbirdagi suhbatning yozib olingan versiyasi YouTube'ga ham joylanadi.

@Bookerberg

Eslatma: ushbu tanlov bugun yakunlanadi va kechqurun random bot uch nafar g'olibni aniqlab beradi. Har bir g'olibga Talebning uch xil kitobi sovg'a qilinadi.

@Bookerberg

Bugun yaqinda Asaxiy Books tomonidan nashr qilingan va Ilhom Salimov tarjima qilgan "Sofiyaning dunyosi" kitobini o'qishni boshladim. Norvegiyalik yozuvchi Yustayn Gorderning bu asarini ko'pincha Lyuis Kerrolning "Alisa mo'jizalar mamlakatida" asariga qiyoslashar ekan.

Yustayn bu asar juda ko'p sotilishiga unchalik umid qilmagan, chunki falsafa yo'nalishida o'quvchi talabalar uchun, ya'ni torroq doiraga mo'ljallab yozgan. Natijada, roman dastlabki uch yil davomida Norvegiyada eng ko'p sotilgan kitoblar ro'yxatida birinchi o'rindan pastga tushmagan. 1995-yilda esa inglizcha tarjimasi dunyo bo'yicha eng ko'p sotilgan kitobga aylangan. Roman shu paytgacha 68 xil tilga o'girilgan va dunyo bo'ylab 50 mlnga yaqin tirajda sotilgan.

Tushunishimcha, asar syujet orqali yo'l-yo'lakay sizni falsafa tarixi, yirik namoyondalari va ularning g'oyalari bilan tanishtiradi. Boblarning nomlari qatorida o'zim qiziqadigan faylasuflarning ismlarini (Spinoza, Dekart, Kyerkegor, Yum, Gegel) ko'rib, bugunoq o'qishga tushdim. Tugatgach, o'z fikrlarim bilan ulashaman.

@Bookerberg