សេចក្ដីបំភ្លឺ

ក្រុមហ៊ុនអរគុណចំពោះក្រុមការងារ ជាម្ចាស់ App Kon Seavpov ដែលបានទាក់ទង និងផ្ញើសារតាមរយៈ Facebook ដល់ក្រុមការងារប៊ុកឃីអន អំពីការទទួលស្គាល់ និងបានប្រាប់ថាលុបអ្វីដែលបានលើកឡើងក្នុងការបញ្ជាក់របស់ក្រុមហ៊ុនប៊ុកឃីអន កាលពីថ្ងៃទី22 ឧសភា 2021។ ហើយក្រុមហ៊ុនរីករាយចំពោះការសហការពីក្រុមការងារ ជាម្ចាស់ App Kon Seavpov ផ្ទាល់ ក្នុងការដឹងកំហុសនេះ។

ទន្ទឹមនឹងនេះ ក្រុមហ៊ុនសោកស្ដាយខ្លាំងណាស់ ដែលក្នុងនាមអ្នកចែកចាយចំណេះដឹង នៅមានគំនិតប្រែក្រឡាស់ចំពោះសំដីរបស់ខ្លួន មកបដិសេធក្នុងការបង្ហោះជាសារធារណៈដូចបានបញ្ជាក់ក្នុងសេចក្ដីថ្លែងរបស់ខ្លួន លើPage Kon Seavpovកាលពីថ្ងៃទី27 ឧសភា 2021។
បច្ចុប្បន្នក្រុមហ៊ុនបាននឹងកំពុងរៀបចំបែបបទ និតិវិធី ដើម្បីការពារសេចក្ដីថ្លៃថ្នូរក្នុងនាមក្រុមហ៊ុនបានចុះបញ្ជីស្របច្បាប់តាមច្បាប់ពាណិជ្ជកម្មរបស់កម្ពុជា។

ជាការរំលឹកម្ដងទៀត ក្នុងនាមក្រុមហ៊ុនមានឆន្ទៈដើម្បីបញ្ចប់រឿងត្រឹមការថ្លែងបញ្ជាក់មួយនេះ ហើយតម្រូវឱ្យក្នុងនាម App Kon Seavpov ធ្វើការសុំទោសជាសាធារណៈ នៅក្នុង Page របស់ខ្លួន នឹង Page ឬគណនីបណ្ដាញសង្គមផ្សេងទៀតដែលពាក់ព័ន្ធ ដើម្បីបញ្ចប់រឿង។

ពីក្រុមហ៊ុនប៊ុកឃីអន ឯ.ក
រាជធានីភ្នំពេញ ថ្ងៃទី៣០ ខែឧសភា ឆ្នាំ២០២១