Ehhe, kanalga yozmaganimizga ham rosa 1 oy bo‘libdi-ku!

Kecha Tesla’ning uchar avtomobillari taqdimotidan keyin xayolimga shu narsa keldi

📚 Kitobni shunchaki o‘qibgina qolmay, undan ko‘proq foyda olishni xohlaysizmi?

Men yaqinda kitoblar bilan ishlashning bir nechta qiziqarli usullarini topdim. Sun’iy intellekt yordamida kitob mazmunini turli xil vizual shakllarga aylantirish mumkin ekan. Eng qizig‘i, buning uchun murakkab ko‘rsatmalar yozish ham shart emas.

Masalan:

🧠 /mindmap - kitobning asosiy g‘oyalarini fikrlar xaritasi shaklida ko‘rsatadi.

🔀 /flowchart - murakkab jarayonlar va g‘oyalarni ketma-ketlikda tushuntiradi.

🎨 /sketchnote - muhim fikrlarni rasmlar, belgilar va qisqa yozuvlar bilan ifodalaydi.

💬 /educational-comics - kitob mazmunini komiks shaklida tushuntiradi.

🃏 /flashcards - o‘qiganlaringizni eslab qolish uchun savol-javob kartochkalarini tayyorlaydi.


Siz kitob o‘qishda yoki o‘rganganlaringizni eslab qolishda sun’iy intellektdan foydalanib ko‘ring.📖

Rasm yuborishdan oldin shu promptlarni yozib keyin yuborasiz!!!

Kitobxonlikda ham uyatli sirlar bo‘ladi.

Hali ham o‘qimaganingiz uchun o‘zingizni noqulay his qiladigan kitobingiz bormi?

Bizda bor edi… 👀

Kel, dunyoni bo‘lamiz tengga,
Hamma narsa, hammasi senga.
«Sizga-chi?» deb so‘rasang agar,
Dunyo senga,
Sen esa manga. ❤️

Va yana Dushanbaa…

📚 #book_review | Yer ostidan maktublar

Dostoyevskiy insonning ichki tuyg‘ulari bilan juda kuchli o‘ynashgan ekan bu kitobida. Uning deyarli har bir asarida inson ruhiyatining eng nozik nuqtalariga duch kelishimiz aniq. Lekin “Yer ostidan maktublar” ni o‘qib, ich - ichimdan g‘alati bir holatga tushdim.

Bir o‘ylab ko‘ring: inson butun umrini yashab o‘tsa, o‘zicha yaxshi yashadim, deb o‘ylasa-yu, ortga qarab, aslida umri behuda o‘tganini anglasa-chi? Butun umr o‘zini haq deb bilib, oxir - oqibat o‘zidan shubhalana boshlasachi?

Bu asar jamiyatdan butunlay chekinib, odamlardan uzoqlashgan, o‘z dunyosiga berkinib olgan inson haqida. Ammo ba’zan insonning eng katta yolg‘izligi odamlar orasida emas, o‘z ichida bo‘ladi. Toza iymon va vijdon bilan yashash har qanday zamonda ham oson bo‘lmagan. Inson ba’zan jamiyat bilan, ba’zan odamlar bilan, eng achinarlisi, o‘zi bilan kurashishga majbur bo‘ladi.

“ Yer ostidan maktublar” ni o‘qib, bir narsani his qildim: balki insonning eng katta fojeasi noto‘g‘ri yashagani emas, balki noto‘g‘ri yashayotganini juda kech anglashidir. Sabr qilib o’qisangiz ancha narsa oladigan kitob ekan.

Devonani o‘zim olaman deb yurib, biror kitob do‘koniga yetib borolmayotgandim. Bugun esa o‘zi ishxonamizga kelibdi.

Mazza qilib o‘qiymiz endi, Fotih Duman!

Bugun faqat sof o‘zbek tilida gapiryapman, lekin ba’zi birovlar tushunmayapdi.

Qiziq, judayam qiziq… ❤️‍🩹

Fotih Duman akaning “Devona” hikoyasidagi Ejevet ismli oshiq 24 yildan beri hamon sevgilisini kutayotgan ekan…(Rostan ham)

Kitobni yakunlab, bu hikoyaning ortidan izlandim. Ma’lum bo‘lishicha, Ejevet hayotda ham bor ekan. Ko‘zlari yaxshi ko‘rmas, sog‘lig‘ida ham muammolari bor ekan. Balki shu sababli bir joyda o‘tirishi unga qulaydir. Balki u hozir ham sevadi, balki yo‘q… Buni aniq bilmaymiz.

Nima bo‘lganda ham, uning hikoyasi meni juda qiziqtirdi. Ba’zan hayotning o‘zi kitoblardan ham ta’sirliroq hikoyalar yozadi.

Ejevet bilan o‘tkazilgan suhbat videosini ham topdim. Sizlarga ham qiziq bo‘lsa, havolasini qoldiryapman.

Kitobga review ni ertaga yozaman.

“Tavakkal qil”