تبي الصراحه دونك العُمر مابيه
‏عجزت أساير دنيتي وأنت غايب

ماعاد يعنيني ان غبت او جيت
ترا وصلك صار مثل فرقاك .

خل يديني في يدينكِ ونتعاهد في هوانا
‏ماتغيرنا الليالي و الظروف المستحّيله .

‏ما عاد ارتجي منك وصلٍ تشدّه
‏قلبي منك اعتزل و اعلن غيابه

‏من عرفتك وعقلي منشغل فيك
وغلاتك ماعاد لي خاطر بغيرك

دامك اقفيت لا يطري عليك الرجوع
ما عاد لك في نواحي القلب ذرة غلا

عطني من الود ما يرضي غروري
وأعطيك قلبٍ ما عرف إلا طريقك

لا صرت تجهل عزتِي في برُودك
تذكر إني بالقطاعه قوية بأس .

زعلتني و اقفيت و الوضع عادي
ماكن لي خاطر ولا كن لي قلب

ماقلت لك بنساك لو تماديت !
ماقلت لك إني لابغيت اقسى قسيت

لاعاد ترجع وصلك ماعاد يعنيني
خلك على غيبتك وأيامنا سلامِ عليها

‏مصيرك ترجع لي وطبع الزمن دوار
لكن والله ان تبطي ماعدت لك ثاني

ما اخترتك عشان أفارقك بيوم
وماعرفتك عشان أدور لك بديل

من بغى فرقاك دوّر بك عيوب
ومن هوى قربك تحمل خطاك

وين تلقى أحن من قلب
شايل عليك وشايلك ؟

رح للغياب اللي يناسب شعورك
معاد اشوفك مثل ما كنت اشوفك

دامني علمتك اسلوب الرمايه
مستعده اكسر يمينك لو رميتني

وإن كنت ناسي كمل وعيش دنياك
بس هات قلب من ضلوعي خذيته

ماعرفت تغيب إلا على قلب هواك
ماعرفت تقسى إلا على اللي يحبك

جيتك وأنا ناوي وصالك وحبك
وما عفتك إلا بعد ما خاطري طاب