📢 Peshku tumanida sayyor qabul va tibbiy ko‘rik o‘tkazildi

16-oktabr kuni Peshku tumanidagi “Turkiston” MFY “Obod turmush” OSHPda Abu Ali ibn Sino nomidagi Buxoro davlat tibbiyot instituti rahbariyati ishtirokida sayyor qabul va aholi uchun tibbiy ko‘rik tashkil etildi.

Sayyor qabul davomida fuqarolarning ijtimoiy masalalar, sog‘liqni saqlash sohasi bilan bog‘liq muammolari, taklif va murojaatlari tinglandi.

Shuningdek, 14 nafar tibbiyot mutaxassisi ishtirokida 100 ga yaqin fuqaro tibbiy ko‘rikdan o‘tkazildi. Aholiga salomatlikni muhofaza qilish, kasalliklarning oldini olish va davolanish bo‘yicha zarur tibbiy maslahatlar berildi.

Bunday tadbirlar tibbiy xizmatlarni aholiga yanada yaqinlashtirish, fuqarolar murojaatlarini joyida o‘rganish hamda aholi salomatligini mustahkamlashga xizmat qiladi.

“Xavfsiz talaba” platformasini joriy etish bo‘yicha amaliy ishlar davom etmoqda

🇺🇿 Prezident topshirig‘i ijrosini ta’minlash maqsadida Bosh prokuratura, Ichki ishlar vazirligi, Oliy ta’lim, fan va innovatsiyalar vazirligi hamda boshqa mutasaddi idoralar hamkorligida oliy ta’lim muassasalarida “Xavfsiz talaba” platformasini joriy etish bo‘yicha amaliy ishlar olib borilmoqda.

Mazkur tashabbusdan ko‘zlangan asosiy maqsad — talabalar xavfsizligini ta’minlash, davomat nazoratini kuchaytirish, huquqbuzarliklarning oldini olish hamda oliy ta’lim muassasalarida xavfsiz va sog‘lom ta’lim muhitini shakllantirishdan iborat.

🏛Buxoro davlat tibbiyot institutida ham talaba-yoshlarning xavfsizligini ta’minlash, institut hududida jamoat tartibi va osoyishtalikni saqlash, huquqbuzarliklar profilaktikasini kuchaytirish hamda talabalar uchun xavfsiz ta’lim muhitini yaratishga alohida e’tibor qaratilmoqda.

✅Talabalar xavfsizligini ta’minlash;

✅Davomat nazoratini kuchaytirish;

✅Huquqbuzarlik va salbiy holatlarning oldini olish;

✅Institut hududida tartib-intizom va xavfsizlikni mustahkamlash;

✅Talaba-yoshlar o‘rtasida huquqiy madaniyat va mas’uliyat hissini oshirish bo‘yicha tizimli ishlar olib borilmoqda.

➡️Ushbu chora-tadbirlar “Xavfsiz hudud” va “Xavfsiz talaba” tamoyillari asosida talaba-yoshlarning huquq va manfaatlarini himoya qilish, ularning osoyishta ta’lim olishi uchun munosib sharoit yaratish hamda institutda xavfsiz muhitni yanada mustahkamlashga xizmat qiladi.

Talabalar o‘rtasida shaxmat va shashka bo‘yicha saralash musobaqasi o‘tkazildi

Dekabr oyida oliy ta’lim muassasalari talabalari o‘rtasida bo‘lib o‘tadigan Respublika intellektual olimpiadasida ishtirok etish uchun shaxmat va shashka sport turlari bo‘yicha saralash musobaqasi tashkil etildi.

Musobaqa yakunlariga ko‘ra, g‘olib va sovrindorlar quyidagicha aniqlandi:
♟ Shaxmat — qizlar
🥇 1-o‘rin — Po‘latova Rayxon (227-guruh) 🥈 2-o‘rin — Sultonova Amira (117-guruh) 🥉 3-o‘rin — Mustafoeva Intizor (220-guruh)

🏁 Shashka — qizlar 🥇 1-o‘rin — Axmatova Lobar (322-guruh) 🥈 2-o‘rin — Islomova Feruza (351-guruh) 🥉 3-o‘rin — Muhammadieva Muazam (219-guruh)

♟ Shaxmat — yigitlar 🥇 1-o‘rin — Xamitov Jasurbek (125-guruh) 🥈 2-o‘rin — Hikmatov Otaxon (139-guruh) 🥉 3-o‘rin — Ismatov Asadbek (223-guruh)

🏁 Shashka — yigitlar 🥇 1-o‘rin — Xolmurodov Iskandar (210-guruh) 🥈 2-o‘rin — Daminov Behruz (215-guruh) 🥉 3-o‘rin — Onarov Shoxrux (201-guruh)

G‘olib va sovrindorlarni tabriklaymiz hamda Respublika intellektual olimpiadasida muvaffaqiyat tilaymiz!