🇺🇸АҚШнинг мудофаа ва технология компаниялари демократлар билан алоқаларни кучайтирмоқда — WP

АҚШдаги мудофаа ва технология компаниялари Конгрессда назорат Демократик партия қўлига ўтиши мумкинлиги сабабли демократлар билан алоқалар ўрнатишга ҳаракат қилмоқда. Бу ҳақда The Washington Post хабар берди.

Нашр маълумотига кўра, компаниялар сиёсий хайрияларни кимга йўналтириш ва директорлар кенгашига кимларни жалб қилиш масаласини кўриб чиқмоқда.

Демократ қонун чиқарувчилар эса мудофаа компаниялари фаолиятини текширишга тайёрланмоқда. Эҳтимолий текширувлар Доналд Трамп оиласи ва Илон Маск билан боғлиқ компанияларни ҳам қамраб олиши мумкин.

🔥@burchakostida

🇷🇺 Россиялик депутатларнинг банк ҳисобларида 500 млн доллардан ортиқ маблағ мавжуд

Хабар берилишича, Россия Давлат Думасининг 450 нафар депутати банк ҳисоб рақамларида 44,4 миллиард рубл (550 млн доллар) сақланмоқда. Бу Россиянинг олтита ҳудуди йиллик бюджетидан кўпроқ. Декларациялар асосидаги ҳисоб-китобларга кўра, бу маблағ Россия таркибидаги Олтой Республикаси, Қорачой-Черкасия, Ингушетия, Қалмоғистон, Яҳудий автоном вилояти ва Ненец автоном округининг йиллик бюджетларидан кўпроқ ҳисобланади.

Депутатларнинг умумий даромадлари миқдори 24,9 миллиард рублни (308 млн доллар) ташкил этди ва бу Вологда, Рязан, Астрахан, Курск ҳамда Череповец ҳудудларининг йиллик бюджетларидан ҳам кўпроқдир.

🔥 @burchakostida

Сунъий интеллект инсоният учун ҳалокатли хавфлар туғдириши мумкин

Бу ҳақда Financial Times нашри Claude сунъий интеллекти яратувчиси Дарио Амодейнинг ҳисоботига таяниб хабар берди.

Амодей Anthropic компаниясини биржага чиқариш учун тайёрлаган махсус ҳисоботида илғор сунъий интеллект моделлари, жумладан, компаниянинг ўз ишланмалари ҳам инсоният учун улкан хавф туғдириши мумкинлигини қайд этган.

У эҳтимолий хавфлар қаторида нейротармоқларнинг маълумотларни яшириши, одамларни манипуляция қилиши ва шантажга қўл уриши кабиларни санаб ўтган.

🔥 @burchakostida

🇺🇿🇪🇬 Миср Ўзбекистон фуқаролари учун мамлакатга киришнинг янги талабларини жорий этишни кечиктирди

Ўзбекистон фуқароларининг Мисрга киришига оид янги қоидаларни жорий этиш муддати 2027 йил 1 мартга қадар кечиктирилди. Бу ҳақда Ўзбекистон Ташқи ишлар вазирлиги матбуот хизмати хабар берди.

Аввалроқ Мисрга борадиган Ўзбекистон фуқаролари учун 2026 йил 1 ноябрдан янги талаблар жорий этилиши хабар қилинганди. Унга кўра, сайёҳлар мамлакатга боришдан олдин дипломатик ваколатхоналар орқали виза расмийлаштириши, туристик сафарлар эса ваколатли туроператорлар орқали ташкил этилиши керак эди.

Шунингдек, 40 ёшгача бўлган фуқароларнинг фақат ота-онаси, турмуш ўртоғи ёки фарзандлари ҳамроҳлигида саёҳат қилиши, бунда оиланинг камида 5 минг доллар нақд маблағи бўлиши талаб этилиши кўзда тутилганди. 40 ёшдан ошган мустақил сайёҳлар учун эса камида 3 минг доллар нақд пулга эга бўлиш талаби белгиланган эди.

🔥 @burchakostida

🇺🇿🇮🇷🇺🇸 26 октябрь Эрон Ислом Республикасининг Арманистон, Болгария, Зимбабве, Финляндия ва Хитойдаги элчихоналари томонидан Ўзбекистоннинг тарихий-маданий мероси билан боғлиқ, сиёсий мазмундаги баёнотлар ваколатхоналарнинг “Х” тармоғидаги саҳифаларидан олиб ташланди.

🔥@burchakostida

🇺🇸🇮🇱🇮🇷 Трамп исроилликларни сайловда Нетаняҳуга овоз беришга чақирди

АҚШ президенти Доналд Трамп Исроил халқига мурожаат қилиб, Бинямин Нетаняҳуни Эрон таҳдидларига қарши курашда энг ишончли ҳамкор деб атади. Шунингдек, Трамп Нетаняҳуни “буюк жангчи” деб таърифлаб, унинг раҳбарлигида бошланган ишларни охирига етказиш зарурлигини билдирди.

"Сайловга чиққанингизда Биби буюк жангчи бош вазир эканини унутманг", — деб ёзди Трамп ўзининг Truth Social платформасида.

Трамп Исроил ва Қўшма Штатларнинг Эронга қарши “Эпик ғазаб” деб номланган ҳарбий амалиётини бунга мисол сифатида тилга олди. У Нетаняҳу билан бирга ғалаба қозонишда ажойиб ҳамкор бўлганини ва буни ҳатто душманлар ҳам яхши билишини айтди.

АҚШ президенти агар ўз вақтида чора кўрилмаганда, Эрон ўз таҳдидларини амалга оширган бўлишини айтди. Трампнинг таъкидлашича, ҳозирда бу мамлакат ҳарбий ва молиявий томондан барбод қилинган. Шунингдек, у Исроилда бошқа раҳбар сайланса, АҚШ бу курашни ёлғиз ўзи давом эттиришга мажбур бўлишини билдирди.

Трамп Нетаняҳунинг қайта сайланишини тўлиқ қўллаб-қувватлашини яна бир бор таъкидлади ва "Биби Нетаняҳу сизни ҳеч қачон уялтирмайди!", деб қўшимча қилди.

🔥 @burchakostida

🇮🇷🇮🇱 Эрон ТИВ Исроилдаги сайлов натижалари Теҳрон учун ҳеч қандай аҳамиятга эга эмаслигини билдирди

"Минтақамизга зўравонлик ва қирғинбаротдан бошқа ҳеч нарса келтирмаган режимга ушбу сайловларда ким раҳбарлик қилиши биз учун муҳим эмас", — деди Эрон Ташқи ишлар вазирлиги матбуот котиби Исмоил Бақоий.

🔥 @burchakostida

🇺🇸🇳🇴 Трамп ўзига Нобел мукофоти берилмагани учун Норвегияни “ахлат мамлакати” деб атади

АҚШ президенти Доналд Трамп пойтахт Норвегия пойтахти Ослода жойлашган Нобел қўмитаси унга Тинчлик мукофотини бермагани учун норвегиялик иммигрантларни Қўшма Штатларда кўришни истамаслигини айтди. У бу ҳақда келаси ҳафтада бўлиб ўтадиган Конгрессга оралиқ сайловлар олдидан Мичиган штатининг Порт Ҳурон шаҳрида ўтказилган сиёсий митингда айтиб ўтди.

"Баъзи мамлакатлардан келган иммигрантларни бажонидил қабул қиламан, лекин бу Норвегияга тааллуқли эмас. Чунки мен Нобел мукофотини олмадим... Шунинг учун Норвегиядан ҳеч ким келишини хоҳламайман. Норвегия аслида ахлат мамлакатга айланди", — деди у.

Трамп октябр ойи бошида ҳам ўзига Тинчлик бўйича Нобел мукофоти берилмаганига муносабат билдириб, буни Норвегия учун “ўчмас доғ” деб атаган эди.

🔥 @burchakostida

🇳🇴🇺🇸 Норвегия TИВ раҳбари Трампга Нобел қўмитаси мустақил тузилма эканини эслатди

Норвегия ташқи ишлар вазири Эспен Барт Эйде АҚШ президенти Доналд Трампнинг мамлакат ҳақидаги баёнотига муносабат билдирди.

"Нобел қўмитаси мустақил. Бу ҳақда кимдир шубҳа қилса, биз буни эслатиб турамиз. Бу тамойил ҳануз ўзгармаган", — деди Эйде.

🔥 @burchakostida

🇺🇦🇺🇸🇷🇺 Армияни қисқартириш ва Украинанинг бетарафлиги умуман муҳокама қилинмайди — Володимир Зеленский

Украина президенти Володимир Зеленский ҳудудлар масаласи фақат давлат раҳбарлари даражасида ҳал қилиниши мумкинлигини айтди. У Россия делегацияси билан музокараларда Украина армияси сонини чеклаш ва мамлакатнинг бетараф мақомини белгилаш муҳокама қилинмаслигини таъкидлади.

"Хавфсизлик кафолатларимиз — бу бизнинг хавфсизлик кафолатларимиз. Уларни Россия томони белгилаб бера олмайди", — деди Зеленский.
Украина президенти, шунингдек, АҚШ таклиф қилаётган ҳудудлар алмашинуви вариантига Киев рози эмаслигини билдирди. Унинг таъкидлашича, ноябр ойидаги музокараларда томонлар президентлар даражасида учрашув ўтказиш имкониятини ҳам кўриб чиқиши керак. Зеленский президентлар иштирокидаги учрашувдан олдин Россияга қарши санкцияларни бекор қилмасликка чақирди.

"Санкциялар агрессия учун қўлланган, музокара олиб бориш имконияти учун эмас. Мен бу ҳақда АҚШ делегациясига ҳам айтдим. Россиянинг содиқлиги ҳақида гап кетганда, уни бундай нарх билан сотиб олишимиз керак эмас. Путин билан учрашувда санкцияларсиз, пулсиз ёки музлатилган активларсиз қолишимизни хоҳламайман. Чунки ўшанда, жаноб Трамп айтганидек, қўлимизда кўп карта бўлмайди", — деди Зеленский.

Ноябр ойида Украина, Россия ва АҚШ делегациялари иштирокида уч томонлама музокаралар ўтказилиши режалаштирилган. Унда урушдан кейин Украина хавфсизлиги қандай кафолатланиши, шунингдек, давлат раҳбарлари даражасида янги учрашув ташкил этиш имконияти муҳокама қилиниши мумкин. Музокаралар 10 ноябр куни ёки ундан кейин бошланиши кутилмоқда.

🔥 @burchakostida

🇩🇿🇳🇪 Жазоир қўшма энергетика ва иқтисодий манфаатларни ҳимоя қилиш мақсадида Нигерга қўшин юборади — Жазоир президенти девони

Қайд этилишича, жазоирлик ҳарбийлар террорчи гуруҳларга қарши курашда ҳам ёрдам кўрсатади.

Аввалроқ Жазоир ва Нигер нефт конларини қидириш ва хавфсизлик соҳасида ҳамкорлик қилиш бўйича келишув имзолаган эди.

🔥 @burchakostida

🇺🇸Трамп Обамани Оқ уй реконструкцияси ҳақидаги танқиди учун жавоб қайтарди

Доналд Трамп собиқ президент Барак Обамани Оқ уй реконструкциясини ресторан очилишига қиёслагани учун танқид қилди.

Аввалроқ Обама Демократик партиянинг сайловолди митингида реконструкцияни “Саддам Ҳусайн Cheesecake Factory ресторанини очгандек”дея таърифлаган эди.

Трампнинг айтишича, Обамага ўхшаган одамлар атрофдаги камчиликларни пайқамайди. У Оқ уй Америка рамзи эканини таъкидлаб, бино тоза сақланиши, устунлари ва ғиштлари эса бутун бўлиши кераклигини айтди.

🔥@burchakostida

🇷🇺Путин аборт ҳақидаги сўровлар бўйича қидирув натижаларини ўзгартиришни топширди

Россия президенти Владимир Путин аборт ҳақидаги сўровлар бўйича қидирув натижаларини ўзгартириш юзасидан таклифлар ишлаб чиқишни топширди.

🔥@burchakostida

🇺🇸🇷🇺Россия дизел ёқилғисини АҚШга импорт қилган нефт компанияларига 20 йилгача қамоқ жазоси таҳдид солмоқда — Politico

Демократ-конгрессмен Жейми Раскин қоидабузарлар фуқаролик ва жиноий жавобгарликка тортилиши мумкинлигидан огоҳлантирди. Бу чоралар АҚШдаги кейинги маъмурият даврида ҳам қўлланилиши мумкин.

Аввалроқ Трамп, Россия янги келишувга кўра АҚШ ва дунё мамлакатларига миллионлаб тонна дизел етказиб беришини эълон қилган эди.

🔥@burchakostida

🇷🇺Дмитриев: Европа тинчликпарварлик масаласида АҚШдан ўрганиши керак

Россия президентининг махсус вакили Кирилл Дмитриев Европа Иттифоқи ва Буюк Британия АҚШнинг тинчликпарварлик ёндашувидан ўрнак олиши кераклигини айтди.

“Президент Трамп ва унинг жамоаси гуманитар ёндашув ва тинчликпарварлик урушни авж олдиришдан устун бўлишини талаб қилмоқда. Европа Иттифоқи ва Буюк Британия амалдорларининг бу ёндашувдан ўрганадиган жиҳатлари бор”, — деди у.

🔥@burchakostida

🇰🇿Қозоғистон дронларни бутловчи қисмлардан тортиб, дастурий таъминотгача бўлган тўлиқ ишлаб чиқариш циклини йўлга қўйишни режалаштирмоқда

Рақамли ривожланиш вазирлиги маълум қилишича, маҳаллий ишлаб чиқарувчиларга давлат харидларида қўллаб-қувватлаш каби давлат ёрдами чоралари кўрсатилади.

2029 йилгача камида 1000 нафар мутахассис тайёрлаш ва иккита илмий-тадқиқот марказини ташкил этиш режалаштирилган. Дронларни рўйхатдан ўтказиш ва уларнинг парвозларини келишиш жараёнлари ягона рақамли платформага ўтказилади. Шунингдек, 2027–2028 йилларда учувчисиз аппаратлар ёрдамида юк ташиш синовдан ўтказилади.

Бундан ташқари, дрон эгаларининг жавобгарлигини мажбурий суғурталаш ва улардан фойдаланишни назорат қилиш бўйича айрим ваколатларни Ички ишлар вазирлигига ўтказиш масалалари ҳам кўриб чиқилади.

🔥 @burchakostida

🇺🇸АҚШ Бразилияга савдо ва сиёсий босим ўтказиши мумкин

Бразилия Федерал университети профессори Карлос Артур Галло фикрича, Луис Инасиу Лула да Силванинг президентлик сайловида ғалаба қозониши АҚШ ва унинг иттифоқчилари режаларига мос келмаган.

“Шу сабабли Бразилияга нисбатан янги савдо ва сиёсий босим чоралари қўлланилиши мумкин”, — деди сиёсатшунос РИА Новости агентлигига берган интервьюсида.

🔥@burchakostida