ZILZILA VA FAVQULODDA OQIBATLARINI BARTARAF ETISH BO‘YICHA O‘QUV MASHQLARI O‘TKAZILDI.

28–30-oktabr kunlari viloyatimiz hududida aholini zilzila vaqtida to‘g‘ri harakat qilishga tayyorlash maqsadida hamkorlikdagi qo‘mondonlik-shtab o‘quv mashqlari o‘tkazilmoqda.

Mazkur tadbir doirasida Olot tumanida ham tegishli o‘quv mashqlari tashkil etildi. Belgilangan signal asosida tuman hokimi, fuqaro muhofazasi boshlig‘i Nargiza Nematova rahbarligida tuman Favqulodda vaziyatlar davlat quyi tizimi rahbarlari ishtirokida tuman markaziy o‘yingohida tezkor shtab tashkil etildi.

Shtab faoliyati davomida yuzaga kelishi mumkin bo‘lgan favqulodda vaziyatlarda amalga oshirilishi lozim bo‘lgan vazifalar belgilab olinib, mas’ullarga tegishli ko‘rsatmalar berildi. Favqulodda vaziyatlar tuzilmalarining kuch va vositalari yuqori tayyorgarlik holatiga keltirildi.

Shuningdek, Amu-Buxoro mashina kanalining 2-nasos stansiyasida obyekt tuzilmalari hamda tuman favqulodda vaziyatlar tuzilmalari ishtirokida amaliy mashg‘ulotlar o‘tkazildi. Unda zilzila oqibatida yuzaga kelishi mumkin bo‘lgan vaziyatlarni bartaraf etish, jabrlanganlarni qutqarish va ularga birinchi yordam ko‘rsatish ishlari bajarildi.

Mashg‘ulotlar davomida hududda yuzaga kelgan shartli yong‘in bartaraf etildi. Shuningdek, shartli ravishda hududga kirib kelgan begona shaxs ichki ishlar organlari xodimlari tomonidan qisqa vaqt ichida qo‘lga olindi.

O‘quv mashqlari yakunida amalga oshirilgan ishlar muhokama qilinib, tuzilmalarning harakatlari tahlil etildi. Bunday tadbirlar favqulodda vaziyatlarda tezkor va hamjihatlikda harakat qilish, aholi xavfsizligini ta’minlash hamda yuzaga kelishi mumkin bo‘lgan talafotlarning oldini olishda muhim.

O`quv mashg‘ulotlar davom etmoqda.

https://t.me/olottumani