KOGON MAGISTRAL GAZ QUVURLARI BOSHQARMASIDA O‘QUV MASHQI O‘TKAZILDI

Buxoro viloyatida 2026–2027-yillar kuz-qish mavsumiga tayyorgarlik ko‘rish, energetika va gaz tizimlarining barqaror ishlashini ta’minlash hamda yuzaga kelishi mumkin bo‘lgan favqulodda vaziyatlarning oldini olishga qaratilgan qo‘mondonlik-shtab o‘quv mashqi doirasida Kogon magistral gaz quvurlari boshqarmasida amaliy o‘quv mashqlari o‘tkazildi.

Mashg‘ulotlarda magistral gaz quvurlarida yuzaga kelishi mumkin bo‘lgan shartli avariya holatini tezkor aniqlash, xavfli hududni belgilash, gaz sizib chiqishining oldini olish, zarur hollarda tegishli uchastkani xavfsiz tarzda ajratish hamda avariya oqibatlarini bartaraf etish bo‘yicha amaliy harakatlar bajarildi.

O‘quv mashqi davomida gaz ta’minoti tizimida yuzaga kelishi mumkin bo‘lgan avariyalarni qisqa muddatlarda bartaraf etish, aholi va iqtisodiyot tarmoqlarining barqaror gaz ta’minotini ta’minlash hamda kuz-qish mavsumini betalofat o‘tkazish bo‘yicha mavjud imkoniyatlar baholandi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

🔥 KOGON SHAHRIDA PROFILAKTIK TADBIRLAR DAVOM ETMOQDA

Kogon shahar Favqulodda vaziyatlar bo‘limi xodimlari tomonidan aholi xonadonlarida yong‘in va is gazidan zaharlanish bilan bog‘liq ko‘ngilsiz holatlarning oldini olish maqsadida profilaktik tadbirlar o‘tkazildi.

Tadbirlar davomida xonadonlardagi isitish qozonlari, gaz va elektr jihozlarining holati, mo‘ri hamda shamollatish (ventilyatsiya) tizimlari ko‘zdan kechirildi. Aniqlangan kamchiliklarni bartaraf etish yuzasidan fuqarolarga tegishli tavsiyalar berilib, isitish moslamalaridan foydalanishda xavfsizlik talablariga qat’iy rioya qilish zarurligi tushuntirildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw