Kuz-qish mavsumini betalofat o‘tkazish hamda ma’naviy-ma’rifiy tadbirlar mavzusida ucgrashuv bo`lib o`tdi.

Aholi xavfsizligini ta’minlash, ijtimoiy soha obyektlarini sovuq kunlarga puxta tayyorlash va yoshlar ma’naviyatini yuksaltirish doimo dolzarb masalalardan bo‘lib kelgan. Bugun tuman hokimligida ushbu yo‘nalishdagi muhim masalalar va galdagi vazifalarga bag‘ishlangan uchrashuv va yig‘ilishlar o‘tkazildi.

Tuman hokimi o‘rinbosari Jamil Alloqov hamda Favqulodda vaziyatlar tuman bo`limi boshlig`i Umid Teshayev boshchiligida o‘tkazilgan yig‘ilishda kuz-qish mavsumida yong‘inlar, is gazidan zaharlanish hamda havo-gaz aralashmasi chaqnashi kabi favqulodda holatlarning oldini olish va ularga yo‘l qo‘ymaslik masalalari atroflicha muhokama qilindi.

Yig‘ilishda tumandagi 35 ta umumta’lim maktabi va 33 ta maktabgacha ta’lim tashkilotlari rahbarlari maktab direktorlari hamda talim tashkilotlari mudiralari ishtirok etishdi. Mas’ullarga mavsumni betalofat o‘tkazish, isitish tizimlarining uzluksiz va xavfsiz ishlashini ta’minlash, texnika xavfsizligi qoidalariga qat’iy rioya etish bo‘yicha aniq topshiriq va ko‘rsatmalar berildi. Har bir muassasada yong‘in xavfsizligi choralarini kuchaytirish hamda doimiy nazoratni yo‘lga qo‘yish zarurligi alohida ta’kidlandi.

Shuningde respublika targ‘ibot guruhi vakillari va "Kitoblar karvoni" loyihasi ishtirokchilari bilan samimiy va mazmunli uchrashuv bo‘lib o‘tdi.

Tadbirlar davomida maktab va ma’naviyat xodimlari hamda kitobxonlar ishtirokida kitob mutolaasi, yoshlar o‘rtasida kitobxonlik madaniyatini ommalashtirish hamda ta’lim muassasalarini sifatli adabiyotlar bilan ta’minlash borasida o‘zaro fikr almashildi. Uchrashuvda so‘z olganlar kitob – ma’naviyat ko‘zgusi hamda kelajak bunyodkorlarini tarbiyalashda eng muhim qurol ekanligini alohida e’tirof etishdi.

https://t.me/olottumani