USTOZ VA MURABBIYLAR — YUKSAK EHTIROM SOHIBI

Buxoro viloyati Favqulodda vaziyatlar boshqarmasida 1-oktabr — O‘qituvchi va murabbiylar kuni munosabati bilan tantanali tadbir bo‘lib o‘tdi. Unda Favqulodda vaziyatlar boshqarmasi rahbariyati, tizimda ko‘p yillar samarali xizmat qilgan faxriylar, Hayot faoliyati xavfsizligi o‘quv markazi o‘qituvchilari, harbiy xizmatchilar va xizmatchilar ishtirok etdilar.

Tadbir avvalida Favqulodda vaziyatlar vaziri general-mayor A.I. Ikramovning bayram tabrigi o‘qib eshittirildi. Unda yurtimizda o‘qituvchi va murabbiylarga ko‘rsatilayotgan yuksak ehtirom, ularning yosh avlodni har tomonlama barkamol etib tarbiyalashdagi beqiyos o‘rni alohida ta’kidlandi.
Batafsil...

𝑩𝒖𝒙𝒐𝒓𝒐 𝒗𝒊𝒍𝒐𝒚𝒂𝒕𝒊 𝑭𝑽𝑩
𝑨𝑿𝑩𝑶𝑹𝑶𝑻 𝑿𝑰𝒁𝑴𝑨𝑻𝑰

Yangi qutqaruv avtomobillari bilan tanishildi

Buxoro viloyati Favqulodda vaziyatlar boshqarmasi boshlig‘ining birinchi o‘rinbosari hamda Buxoro neftni qayta ishlash zavodi direktori bilan birgalikda BNQIZ OFV qismlariga yangi olib kelingan zamonaviy qutqaruv avtomobillari bilan tanishildi.

Tashrif davomida maxsus texnikalarning imkoniyatlari, jihozlanishi va favqulodda vaziyatlarda tezkor hamda samarali harakatlanishdagi ahamiyati ko‘rib chiqildi. Yangi qutqaruv avtomobillari qutqaruv bo‘linmalarining texnik salohiyatini yanada oshirish, hodisa va avariyalarga tezkor javob qaytarish hamda inson hayoti va sog‘lig‘ini muhofaza qilishga xizmat qiladi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

#HFXOʻM
#Aholini_tayyorlash

Buxoro viloyati Favqulodda vaziyatlar boshqarmasi Hayot faoliyati xavfsizligi o‘quv markazi xodimlari tomonidan Jondor va Vobkent tumanlaridagi umumta’lim maktablari rahbar va ishchi xodimlari, ishlab chiqarish korxonalari hamda bozorlarning ishchi xodimlari shartnoma asosida 24 soatlik dastur asosida “Aholi va hududlarni favqulodda vaziyatlardan muhofaza qilish va Fuqaro muhofazasi hamda yong‘in xavfsizligi qoidalariga rioya qilish, zilzilada to‘g‘ri harakat qilish” yo‘nalishi bo‘yicha tayyorgarlikdan o‘tkazilmoqda.

Mashg‘ulotlar davomida tinglovchilarga favqulodda vaziyatlar vaqtida to‘g‘ri harakat qilish, aholi xavfsizligini ta’minlash, fuqaro muhofazasi hamda yong‘in xavfsizligi qoidalariga rioya qilish, zilzilada to‘g‘ri harakat qilish bo‘yicha nazariy va amaliy bilimlar berilmoqda.

Shuningdek, turli favqulodda vaziyatlarda tezkor va to‘g‘ri qaror qabul qilish ko‘nikmalarini shakllantirishga alohida e’tibor qaratilib, ishtirokchilarning tayyorgarlik darajasi yanada oshirilmoqda.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw