"Oʻqituvchi va murabbiylar kuni" munosabati bilan faxriy holidan xabar olindi

1 oktabr — O‘qituvchi va murabbiylar kuni munosabati bilan Buxoro viloyati Favqulodda vaziyatlar boshqarmasi xodimlari FVB faxriylari holidan xabar oldilar. Samimiy suhbat davomida faxriyning xizmat yillari, boy hayotiy va kasbiy tajribasi yodga olinib, sohada yosh avlodga o‘rnak bo‘lib kelayotgan fidoyi insonlarga chuqur hurmat va ehtirom bildirildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

“Ma’naviy yuksalish kuni”

Buxoro viloyati Favqulodda vaziyatlar boshqarmasida navbatdagi “Ma’naviy yuksalish kuni” “Har bir millatning dunyoda borligini ko‘rsatadigan oyinayi hayoti — til va adabiyotidir” mavzusi yuzasidan Buxoro davlat pedagogika instituti O‘zbek tili va adabiyoti kafedrasi mudiri U.Amonov ma’ruza qildi.

Ma’ruzada til va adabiyotning millat ma’naviyati, milliy o‘zlikni anglash hamda xalqning tarixiy xotirasini asrashdagi beqiyos o‘rni haqida so‘z yuritildi. Shuningdek, ona tiliga hurmat bilan munosabatda bo‘lish, adabiy merosni chuqur o‘rganish va yosh avlodni milliy qadriyatlarga sadoqat ruhida tarbiyalash muhim ekani ta’kidlandi.

Shuningdek, tadbirda Buxoro viloyati IIB YHXB xodimi ishtirok etib, yo‘l harakati qoidalariga qat’iy rioya qilish, “Yo‘l qoidalariga rioya qilish — xavfsizlik kafolati” mavzusida haydovchi va piyodalarning mas’uliyati, yo‘llarda xavfsizlikni ta’minlash hamda yo‘l-transport hodisalarining oldini olish bo‘yicha zarur tavsiyalar berdi.

Tadbir davomida ishtirokchilar bilan yo‘l harakati xavfsizligiga oid muhim masalalar yuzasidan fikr almashildi. Kundalik hayotda yo‘l qoidalariga amal qilish inson hayoti va salomatligini asrashning muhim omillaridan biri ekani ta’kidlandi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

KUZ-QISH MAVSUMINI BETALOFAT OʻTKAZISH BOʻYICHA MUHOKAMA YIGʻILISHI OʻTKAZILDI.

Joriy yilning 5-6-oktabr kunlari Buxoro viloyatida kuz-qish mavsumiga tayyorgarlik ko’rish, aholi hamda iqtisodiyot tarmoqlariga elektr energiyasi va gaz resurslarini yetkazib berishda sodir bo’lishi mumkin bo’lgan favqulodda vaziyatlarning oldini olishga qaratilgan maxsus-taktik o’quv mashqini o‘tkazish bo‘yicha muhokama yig‘ilishi bo‘lib o‘tdi.
Muhokama yig‘ilishida Buxoro viloyat hokimi-Fuqaro muhofazasi boshligʻi B.K.Zaripov hamda viloyat Favqulodda vaziyatlar boshqarmasi boshlig‘i polkovnik Sh.H.Ayubov tomonidan mutasaddi tashkilotlarga topshiriqlar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw