KOGON TUMANIDA AHOLI BILAN TARG‘IBOT TADBIRLARI O‘TKAZILMOQDA

Kogon tuman Favqulodda vaziyatlar bo‘limi xodimlari tomonidan mahallalarda aholi bilan uchrashuvlar o‘tkazilib, kuz-qish mavsumida xavfsizlik qoidalariga rioya qilish, xonadonlarda yong‘inlarning oldini olish, is gazidan zaharlanish hamda gaz-havo aralashmasining chaqnashi bilan bog‘liq baxtsiz hodisalarning oldini olish bo‘yicha tushuntirish va targ‘ibot ishlari olib borilmoqda.

Suhbatlar davomida fuqarolarga isitish moslamalaridan to‘g‘ri foydalanish, gaz va elektr jihozlarini nazoratsiz qoldirmaslik, nosoz elektr simlaridan foydalanmaslik hamda xonadonlarda yong‘in xavfsizligi talablariga qat’iy amal qilish yuzasidan zarur tavsiyalar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

BOZORLARDA YONG‘IN XAVFSIZLIGI BO‘YICHA KENG KO‘LAMLI TADBIRLAR O‘TKAZILDI

Buxoro viloyati Favqulodda vaziyatlar boshqarmasining shahar va tuman bo‘limlari tomonidan hududlardagi bozorlar va savdo obyektlarida yong‘in xavfsizligini ta’minlashga qaratilgan keng ko‘lamli tadbirlar amalga oshirildi. Tadbirlar davomida savdo rastalari, omborxonalar va boshqa obyektlarning yong‘in xavfsizligi holati o‘rganilib, aniqlangan kamchiliklarni bartaraf etish bo‘yicha tegishli choralar ko‘rildi.

Shuningdek, yong‘in kelib chiqish xavfini oshiruvchi yonuvchan materiallar belgilangan talablarga muvofiq joylashtirilishi ta’minlandi, savdo hududlarida o‘zboshimchalik bilan yopilgan va xavfsizlik talablariga javob bermaydigan chodirlar hamda konstruksiyalar tartibga keltirildi. Tadbirkor va savdo xodimlariga yong‘in xavfsizligi qoidalariga qat’iy rioya qilish, elektr jihozlaridan to‘g‘ri foydalanish hamda favqulodda vaziyatlarning oldini olish yuzasidan tushuntirishlar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

KORRUPSIYAGA QARSHI BIRGALIKDA KURASHAMIZ

Buxoro viloyati Favqulodda vaziyatlar boshqarmasida “Korruptsiyaga qarshi birgalikda kurashamiz” mavzusida seminar tashkil etildi. Unda viloyat Harbiy prokuraturasi mas'ul xodimi, boshqarma boʻlim boshliqlari hamda tumanlar xodimlari ZOOM platformasi orqali ishtirok etdi.
Tadbir davomida korrupsiyaga qarshi kurashish, qonuniylik va xizmat intizomiga qat’iy rioya etish, xodimlarning huquqiy bilim va mas’uliyatini oshirish masalalariga alohida e’tibor qaratildi.
Seminarning asosiy kun tartibidan boshqarma Favqulodda vaziyatlar profilaktikasi hamda Shaharsozlik sohasida profilaktika bo‘limlari faoliyatida korrupsiyaviy holatlarning oldini olish masalalari o‘rin oldi. Mutaxassislar tomonidan korrupsiyaviy xavf-xatarlarni barvaqt aniqlash va bartaraf etish, manfaatlar to‘qnashuviga yo‘l qo‘ymaslik hamda xizmat vazifalarini halol va vijdonan bajarish yuzasidan tegishli tushuntirish va tavsiyalar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw