OLOT TUMANIDA PROFILAKTIK TARG‘IBOT TADBIRLARI O‘TKAZILDI

Olot tuman Favqulodda vaziyatlar bo‘limi xodimlari tomonidan oy davomida iqtisodiy va ijtimoiy soha obyektlarida favqulodda vaziyatlarning oldini olish, is gazidan zaharlanish hamda kuz-qish mavsumini xavfsiz o‘tkazish masalalariga qaratilgan targ‘ibot-tushuntirish ishlari olib borildi.

Tadbirlar davomida obyektlarda yong‘in xavfsizligi qoidalariga rioya etish, isitish moslamalaridan to‘g‘ri foydalanish, gaz va elektr jihozlarini soz holatda saqlash, xonalarni muntazam shamollatib turish bo‘yicha tavsiyalar berildi. Shuningdek, mavzuga oid videoroliklar namoyish etilib, fuqarolar va mas’ullarning e’tibori xavfsizlik choralariga qaratildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

KOGON TUMANIDA TA’LIM MUASSASALARIDA PROFILAKTIK TADBIRLAR

Kogon tuman Favqulodda vaziyatlar bo‘limi xodimlari tomonidan ta’lim muassasalarida o‘quvchilar va pedagoglar ishtirokida profilaktik targ‘ibot tadbirlari o‘tkazildi.

Tadbirlar davomida yong‘in xavfsizligi qoidalariga rioya qilish, favqulodda vaziyatlarning oldini olish, elektr va gaz jihozlaridan xavfsiz foydalanish, shuningdek, is gazidan zaharlanishning oldini olish bo‘yicha tushuntirishlar berildi. O‘quvchilarga xavf yuzaga kelganda to‘g‘ri va tezkor harakat qilish qoidalari tushuntirildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

BOZORLARDA YONG‘IN XAVFSIZLIGI BO‘YICHA KENG KO‘LAMLI TADBIRLAR O‘TKAZILDI

Buxoro viloyati Favqulodda vaziyatlar boshqarmasi boshligʻi polkovnik Sh.Ayubov tomonidan Buxoro markaziy dеhqon bozori AJga qarashli Buxoro shahar Ibn Sino ko'chasi yo'l yoqasida joylashgan (Xalq tilida eski PMK savdo majmuasi)da yong‘in xavfsizligini ta’minlashga qaratilgan keng ko‘lamli tadbirlar amalga oshirildi. Tadbirlar davomida savdo rastalari, omborxonalar va boshqa obyektlarning yong‘in xavfsizligi holati o‘rganilib, aniqlangan kamchiliklarni bartaraf etish bo‘yicha tegishli choralar ko‘rildi.

Shuningdek, yong‘in kelib chiqish xavfini oshiruvchi yonuvchan materiallar belgilangan talablarga muvofiq joylashtirilishi ta’minlandi, savdo hududlarida o‘zboshimchalik bilan yopilgan va xavfsizlik talablariga javob bermaydigan chodirlar hamda konstruksiyalar tartibga keltirildi. Tadbirkor va savdo xodimlariga yong‘in xavfsizligi qoidalariga qat’iy rioya qilish, elektr jihozlaridan to‘g‘ri foydalanish hamda favqulodda vaziyatlarning oldini olish yuzasidan tushuntirishlar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw