✍️✍️✍️✍️✍️

📘 BuxDUda maxsus-taktik o‘quv mashg‘uloti o‘tkazildi

Buxoro davlat universitetining 6-talabalar turar joyida favqulodda vaziyatlarning oldini olish, yuzaga kelishi mumkin bo‘lgan xavf-xatarlarda to‘g‘ri harakat qilish va fuqaro muhofazasi tuzilmalarining shayligini oshirish maqsadida maxsus-taktik o‘quv mashg‘uloti o‘tkazildi.

📍 Hamkorlikdagi amaliy mashg‘ulot
2026-yil 8-oktyabr kuni soat 17:00 da tashkil etilgan mashg‘ulotda universitet rahbar xodimlari, professor-o‘qituvchilar va talabalar, Buxoro viloyati Favqulodda vaziyatlar boshqarmasi, Buxoro shahar Favqulodda vaziyatlar bo‘limi, Buxoro viloyati IIB Qo‘riqlash boshqarmasi tezkor harakat guruhi hamda shoshilinch tibbiy yordam brigadasi xodimlari ishtirok etdi.

Mashg‘ulot davomida nimalar bajarildi?
🔹 Zilzila vaqtida xavfsiz harakatlanish va binodan evakuatsiya qilish;
🔹 Yong‘in sodir bo‘lganda jabrlanganlarni qutqarish va ularga birinchi tibbiy yordam ko‘rsatish;
🔹 Talabalar turar joyining yuqori qavatlarida qolib ketgan talabalarni maxsus narvonlar va arqonlar yordamida xavfsiz tushirish;
🔹 Yong‘in bilan bog‘liq favqulodda vaziyatlarda tezkor harakatlanish;
🔹 Terrorchilik holatiga aloqadorlikda gumon qilingan shaxslarni aniqlash, ushlash va huquqni muhofaza qiluvchi organlarga topshirish bo‘yicha amaliy harakatlarni bajarish.

Maxsus texnikalar va tezkor xizmatlar hamkorligi
O‘quv mashg‘ulotiga Buxoro viloyati Favqulodda vaziyatlar boshqarmasining 4 ta yong‘in o‘chirish va maxsus avtomashinasi, IIB Qo‘riqlash boshqarmasining 1 ta maxsus avtomashinasi hamda shoshilinch tibbiy yordam xizmatining 1 ta avtomashinasi jalb etildi.
Mutaxassislar maxsus texnikalar imkoniyatlarini namoyish etib, favqulodda vaziyatlarda amalga oshiriladigan tezkor harakatlar, qutqaruv ishlari va xavfsizlik qoidalari yuzasidan ishtirokchilarga tushuntirishlar berdilar.

Mashg‘ulotning asosiy maqsadi — favqulodda vaziyatlarda insonlar hayotini muhofaza qilish, talaba-yoshlarning xavfsizlik bo‘yicha bilim va ko‘nikmalarini mustahkamlash, rahbar xodimlar hamda fuqaro muhofazasi tuzilmalarining amaliy tayyorgarligini oshirish va tegishli xizmatlar o‘rtasidagi hamkorlikni kuchaytirishdan iborat.

Xavfsizlik — barchamizning mas’uliyatimiz!

✅ Ijtimoiy tarmoqlardagi sahifalarimiz:

🌐  BuxDU.uz | ✅ Telegram | 🌐 Instagram | ✅ Facebook | 📹 Youtube