OCHIQ ESHIKLAR KUNI: XAVFSIZLIK BO‘YICHA AMALIY KO‘NIKMALAR

Buxoro viloyati Favqulodda vaziyatlar boshqarmasi binosida fuqarolar uchun “Ochiq eshiklar kuni” tashkil etildi. Tadbir davomida boshqarma rahbariyati tomonidan fuqarolarga yong‘in xavfsizligini ta’minlash, yong‘in o‘chirish vositalaridan to‘g‘ri foydalanish hamda favqulodda vaziyatlarda dastlabki choralarni ko‘rish tartibi tushuntirildi. Yong‘in o‘chirgichlardan amaliy foydalanish bo‘yicha ko‘rsatmalar berilib, xavfsizlik qoidalariga rioya etishning ahamiyati alohida ta’kidlandi.

Shuningdek, fuqarolarga is gazidan zaharlanishning oldini olishda gaz analizatorlarining ahamiyati, ulardan foydalanish tartibi va qurilma yordamida xavfli holatlarni o‘z vaqtida aniqlash bo‘yicha tushunchalar berildi. Bunday tadbirlar aholining favqulodda vaziyatlarda to‘g‘ri harakat qilish ko‘nikmalarini oshirish, xonadonlarda xavfsizlik madaniyatini shakllantirish hamda inson hayoti va salomatligini muhofaza qilishga xizmat qiladi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

G‘ijduvon tumanidagi dehqon bozorida profilaktik tadbirlar o‘tkazildi.

O‘zbekiston respublikasi FVV masʼullari va hamkor tashkilotlar bilan o‘rganishlar olib borildi. Tadbir davomida bozor ma’muriyati mas’ullari va tadbirkorlarga favqulodda vaziyat yuzaga kelganda odamlarning erkin va xavfsiz harakatlanishiga to‘sqinlik qiluvchi qo‘shimcha rastalarni zudlik bilan bartaraf etish, elektr ta’minotidan belgilangan talablar asosida foydalanish hamda yong‘in xavfsizligi qoidalariga qat’iy rioya qilish bo‘yicha tegishli tavsiyalar berildi.

Shuningdek, bozorlardagi yong‘in xavfsizligi uchun zarur bo‘lgan suv hovuzlari, yong‘in gidrantlari hamda yong‘in xavfsizligi burchaklarida mavjud jihozlarning sozligi va foydalanishga tayyorligi ko‘rikdan o‘tkazildi.

YONG‘IN XAVFSIZLIGI VA JANGOVAR SHAYLIK — DOIMIY E’TIBORDA

Buxoro viloyati Favqulodda vaziyatlar boshqarmasi boshlig‘i Shofirkon tumanidagi paxta qabul qilish maskanida bo‘lib, hududda yong‘in xavfsizligi talablariga rioya etilishi, paxta xomashyosini saqlash va qayta ishlash jarayonida yong‘inlarning oldini olishga qaratilgan chora-tadbirlar holatini o‘rgandi. O‘rganish davomida mavjud xavf omillarini bartaraf etish, yong‘in xavfsizligi qoidalariga qat’iy amal qilish hamda favqulodda vaziyatlarning oldini olish yuzasidan mas’ullarga tegishli ko‘rsatmalar berildi.

Shuningdek, tuman Favqulodda vaziyatlar bo‘limiga qarashli yong‘in-qutqaruv qismida xizmat faoliyati va mavjud shart-sharoitlar ko‘zdan kechirildi. Shaxsiy tarkibning jangovar shayligi, maxsus texnika va yong‘in-qutqaruv anjomlarining doimiy tayyorligi, xodimlarning favqulodda vaziyatlarda tezkor va samarali harakat qilish ko‘nikmalarini oshirish masalalariga alohida e’tibor qaratildi. Belgilangan vazifalar ijrosini ta’minlash hamda xizmat samaradorligini yanada oshirish bo‘yicha tegishli topshiriqlar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

#sayyor_qabul

     Buxoro viloyati Favqulodda vaziyatlar boshqarmasi rahbariyatining Vobkent tumanida ommaviy sayyor qabuli o'tkazildi. Sayyor qabulda soha xodimlari hamda fuqarolar murojaatlari o'rganildi.
    Fuqarolar tomonidan Favqulodda vaziyatlar boshqarmasi rahbariyati nomiga 10 ga yaqin murojaatlar kelib tushgan bo‘lib, murojaatlar mazmuniga ko‘ra boshqarma vakolati bo‘yicha hal etildi, ayrim murojaatlar tegishliligi bo‘yicha yo‘naltirildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw