Bozorlarda yong‘in xavfsizligi ta’minlanmoqda

FVV hamda Buxoro viloyati Favqulodda vaziyatlar boshqarmasi mas’ullari tomonidan Jondor tumanidagi bozorlarda yong‘in xavfsizligi holati o‘rganildi. Aniqlangan kamchiliklarni bartaraf etish, yong‘inlarning oldini olish hamda xavfsizlik talablariga rioya etish yuzasidan tegishli tavsiyalar berildi.

Shuningdek, favqulodda vaziyatlarda tezkor va samarali harakat qilish ko‘nikmalarini mustahkamlash maqsadida yong‘in o‘chirish bo‘yicha amaliy mashq o‘tkazildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

Kogon shahar savdo majmuasida o‘tkazilgan tungi o‘rganishlar davomida aniqlangan kamchiliklarni bartaraf etish, savdo hududida tartib va xavfsizlikni ta’minlash bo‘yicha amaliy ishlar olib borildi.
 
Xususan, tungi o‘rganishlar davomida bozor hududida belgilangan talablarga zid ravishda tashkil etilgan noqonuniy qurilmalar, savdo rastalari hamda favqulodda vaziyatlarda fuqarolarning harakatlanishiga xalaqit berishi mumkin bo‘lgan to‘siqlar aniqlanib, ularni bartaraf etish ishlari olib borilmoqda.
 
Mazkur jarayonda, ayniqsa, yong‘in yoki boshqa favqulodda holat yuzaga kelganda maxsus texnika va tezkor xizmatlarning hududga kirib kelishi, fuqarolarning xavfsiz chiqib ketishi uchun zarur bo‘lgan yo‘lak va yo‘nalishlarning ochiq bo‘lishiga alohida e’tibor qaratilmoqda.
 
𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw.

ESKI SHAHAR HUDUDIDA XAVFSIZLIK TADBIRLARI O‘TKAZILDI

Buxoro viloyati Favqulodda vaziyatlar boshqarmasi shaxsiy tarkibi tomonidan tegishli xizmatlar bilan hamkorlikda Buxoro shahrining Eski shahar hududida xavfsizlik tadbirlari amalga oshirildi.

Tadbirlar davomida "Mr Beast" ning ijodiy guruhining tashrifi, xorijiy sayyohlar xavfsizligini ta’minlash, fuqarolar muhofazasi talablariga rioya etish hamda yong‘inlarning oldini olishga alohida e’tibor qaratildi. Asosiy maqsad — qadimiy shahar hududida aholi va mehmonlar uchun xavfsiz muhitni ta’minlashdan iborat.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw