VATANPARVAR YOSHLAR SAFI KENGAYMOQDA!

Buxoro viloyatining Peshku, Shofirkon va Romitan tumanlarida tashkil etilgan “Jasorat” sinflariga yangi qabul qilingan o‘quvchilarning tantanali “Va’da berish” marosimlari bo‘lib o‘tdi.

Tadbirlarda Favqulodda vaziyatlar boshqarmasi mas’ullari, nuroniylar, o‘quvchilarning ota-onalari hamda keng jamoatchilik vakillari ishtirok etdi.

Tantanali marosim davomida yoshlar davlatimiz bayrog‘i ostida Vatanga sadoqatli bo‘lish, el-yurt tinchligi va osoyishtaligini asrash hamda sharafli qutqaruvchilik kasbiga munosib bo‘lishga va’da berdilar.

Tadbirlar doirasida o‘quvchilar tomonidan saf tayyorgarligi bo‘yicha ko‘rgazmali chiqishlar namoyish etildi. Faol va namunali o‘quvchilarga esdalik sovg‘alari topshirildi.

“Jasorat” sinflari yosh avlod qalbida vatanparvarlik, jasorat, intizom va mas’uliyat tuyg‘ularini shakllantirish, ularni kelgusida xalqimiz tinchligi va xavfsizligi yo‘lida fidokorona xizmat qiladigan munosib kadrlar etib tarbiyalashga xizmat qiladi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

Yoshlar bilan muloqot – kelajak sari muhim qadam!

G‘ijduvon tumani va Kogon shahar Favqulodda vaziyatlar bo‘limlari boshliqlari hamda ularning o‘rinbosarlari tomonidan o‘zlariga biriktirilgan yoshlar bilan uchrashuvlar tashkil etildi.

Uchrashuvlar davomida yoshlarning muammo va takliflari tinglanib, ularni har tomonlama qo‘llab-quvvatlash, bandligini ta’minlash, kasb-hunarga yo‘naltirish, bo‘sh vaqtlarini mazmunli tashkil etish hamda vatanparvarlik ruhida tarbiyalash masalalariga alohida e’tibor qaratildi.

Shuningdek, yoshlarga favqulodda vaziyatlar sohasidagi kasblar, qutqaruvchilarning sharafli va mas’uliyatli faoliyati haqida ma’lumotlar berilib, ularning kelajakka bo‘lgan ishonchi va intilishlarini mustahkamlash yuzasidan samimiy suhbatlar o‘tkazildi.

Zero, har bir yoshning taqdiri va kelajagiga e’tibor – jamiyat taraqqiyotining muhim garovidir!

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw.

SPORT-SALOMATLIK GAROVI

Buxoro viloyati Favqulodda vaziyatlar boshqarmasi shaxsiy tarkibining jismoniy salomatligini mustahkamlash maqsadida O'zbеkiston Rеspublikasi Favqulodda vaziyatlar vazirining tеgishli buyruqlari ijrosi yuzasidan shaxsiy tarkibi o'rtasida jismoniy tayyorgarlik sport mashg'ulotlari o'tkazildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

BOZORLARDA YONG‘IN XAVFSIZLIGI TALABLARI O‘RGANILDI

Buxoro viloyati Favqulodda vaziyatlar boshqarmasi boshlig‘i Qorako‘l tumanidagi bozor hududida yong‘in xavfsizligi holatini o‘rgandi. O‘rganish davomida savdo rastalari orasidagi masofalar, elektr simlarining texnik holati, elektr jihozlaridan xavfsiz foydalanish, yong‘in o‘chirish vositalarining mavjudligi hamda favqulodda vaziyatlarda fuqarolarning erkin harakatlanishi uchun yaratilgan sharoitlarga alohida e’tibor qaratildi.

Shuningdek, bozor ma’muriyati va tadbirkorlarga yong‘in xavfsizligi qoidalariga qat’iy rioya etish, elektr tarmoqlaridan to‘g‘ri foydalanish hamda ehtimoliy yong‘inlarning oldini olish choralarini kuchaytirish yuzasidan tegishli tavsiyalar berildi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw