🇺🇿 O‘zbek tili — milliy o‘zligimiz timsoli

Buxoro viloyati Favqulodda vaziyatlar boshqarmasida o‘tkazilgan “Ma’naviy yuksalish va vatanparvarlik kuni” soatlari "21-oktabr — O‘zbek tili bayrami kuni" mavzusiga bag‘ishlandi. Unda boshqarmaning shahar va tumanlaridagi shaxsiy tarkibi ishtirok etdi.

Tadbirda Buxoro Davlat Universiteti professori o‘zbek tilining tarixi, uning milliy o‘zligimiz va ma’naviy hayotimizdagi beqiyos o‘rni, shuningdek, ona tilimizning dunyodagi nufuzi haqida so‘z yuritdi. Shuningdek, o‘zbek tilini asrab-avaylash, uning mavqeini yanada mustahkamlash, tilimizning sofligini saqlash va kelajak avlodga yetkazish borasida amalga oshirilishi lozim bo‘lgan muhim vazifalar haqida fikr-mulohazalar bildirildi.

📚 Ona tili — millatning ruhi, tarixi va ma’naviy boyligidir. Uni asrash va rivojlantirish — barchamizning sharafli burchimiz!

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

🇺🇿 “Millat ona tili bilan tirikdir!”

21-oktabr — O‘zbek tili bayrami munosabati bilan Buxoro garnizonidagi harbiy qismda Buxoro harbiy prokuraturasi hamda O‘zbekiston yoshlar ittifoqi Buxoro viloyati Kengashi hamkorligida “Millat ona tili bilan tirikdir” shiori ostida “Zakovat” intellektual o‘yini tashkil etildi.

🧠 Bellashuvda Buxoro viloyatidagi kuch tuzilmalarining harbiy xizmatchilari va xodimlari ishtirok etib, o‘z bilim va salohiyatlarini sinovdan o‘tkazdilar. Ishtirokchilar zukkolik, tezkor fikrlash va jamoaviy hamjihatlik borasida o‘zaro bellashdilar.

📚 Tadbir davomida ona tilimiz milliy o‘zligimiz va ma’naviyatimizning muhim timsoli ekanligi ta’kidlanib, davlat tiliga hurmat va ehtiromni yanada mustahkamlashga alohida e’tibor qaratildi.

🏆 Yakuniy natijalarga ko‘ra:
🥇 1-o‘rin — 28803-harbiy qismning “Mudofaa strateglari” jamoasi;
🥈 2-o‘rin — Favqulodda vaziyatlar boshqarmasining “Yosh qutqaruvchilar” jamoasi;
🥉 3-o‘rin — Favqulodda vaziyatlar markazining “Luok” jamoasi.

🎁 G‘olib va faol ishtirok etgan jamoalar Buxoro harbiy prokurorining diplomlari hamda qimmatbaho sovg‘alari bilan taqdirlandilar.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw

🇺🇿 BUXORODA “UMUMMILLIY DIKTANT” LOYIHASI DAVOM ETMOQDA

Buxoro viloyati Favqulodda vaziyatlar boshqarmasida davlat tiliga bo‘lgan hurmatni oshirish, o‘zbek tilining nufuzini yuksaltirish hamda xodimlarning yozma savodxonligini mustahkamlashga qaratilgan “Umummilliy diktant” loyihasi tizimli ravishda davom etmoqda.
✍️ Loyiha doirasida boshqarma rahbariyati, harbiy xizmatchilar va xodimlar ishtirokida diktant tashkil etildi. Ishtirokchilar o‘zbek tilida to‘g‘ri yozish, imlo qoidalari hamda adabiy til me’yorlariga rioya qilish borasidagi bilim va ko‘nikmalarini sinovdan o‘tkazdilar.
📚 Mazkur loyiha davlat tilining nufuzini oshirish, ona tilimizga bo‘lgan e’tiborni kuchaytirish va savodxonlik madaniyatini yuksaltirishda muhim ahamiyat kasb etadi.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw