Qorakoʻl tumanida ommaviy sayyor qabul o‘tkaziladi

Buxoro viloyati Favqulodda vaziyatlar boshqarmasi rahbariyati tomonidan fuqarolar, harbiy xizmatchilar va ularning oila a’zolari hamda soha faxriylarini ijtimoiy himoya qilish, har tomonlama qo‘llab-quvvatlash, mavjud muammolarni joylarga chiqqan holda o‘rganib, hal qilinishini ta’minlash maqsadida, ommaviy sayyor qabul o‘tkaziladi.

Qabul 2026-yil 21 oktabr kuni soat 11:00 da Qorakoʻl tumani Poykent MFY binosida boshlanadi.

Shu munosabat bilan, murojaatlaringiz bo‘yicha ushbu ommaviy sayyor qabulda ishtirok etish uchun taklif etamiz.

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw.

ISITISH MAVSUMINI XAVFSIZ BOSHLAYLIK!

Kuz-qish mavsumida xonadonlarda gaz pechlari, elektr isitkichlari va boshqa isitish moslamalaridan foydalanish ortadi. Afsuski, oddiy e’tiborsizlik yong‘in, gaz-havo aralashmasining chaqnashi va is gazidan zaharlanish kabi og‘ir oqibatlarga olib kelishi mumkin.

Shu bois Buxoro viloyatida oktabr oyi “Isitish mavsumini xavfsiz boshlaylik” shiori ostida o‘tkazilmoqda. Maqsad — aholi xonadonlarida xavfsizlik qoidalariga rioya etish va favqulodda vaziyatlarning oldini olish.

Hurmatli yurtdoshlar, isitish mavsumida quyidagi qoidalarga amal qiling:

• Gaz pechlari, mo‘rilar va tutun chiqarish kanallarini mutaxassislarga tekshirtiring. Gaz uskunalarini o‘zboshimchalik bilan ta’mirlamang.
• Gaz plitasidan xonani isitish uchun foydalanmang. Is gazidan zaharlanishning oldini olish uchun shamollatish va havo almashinuvini ta’minlang.
• Elektr isitkichlarini yonuvchan buyumlardan uzoqda saqlang, ustida kiyim quritmang va nosoz elektr simlaridan foydalanmang.
• Pechlarni qarovsiz qoldirmang, mo‘rilarni muntazam tozalating, kulni to‘liq sovigandan keyingina xavfsiz joyga chiqaring.
• Bolalarni isitish moslamalari, gugurt va zajigalkalardan uzoq tuting.

Gaz hidi sezilsa, elektr chiroqlarini yoqmang yoki o‘chirmang, ochiq olovdan foydalanmang va xavfsiz joyga chiqing. Yong‘in sodir bo‘lsa, odamlarni xavfsiz joyga olib chiqib, 101 yoki 112 raqamiga qo‘ng‘iroq qiling. Is gazidan zaharlanish alomatlarida jabrlanganlarni toza havoga olib chiqing va 103 raqamiga murojaat qiling.

Aziz yurtdoshlar! Xavfsizlik — har birimizning mas’uliyatimiz. Oddiy ehtiyot choralariga amal qilish orqali o‘zimiz va yaqinlarimiz hayotini asrab qolishimiz mumkin.

Isitish mavsumini xavfsiz boshlaylik, xonadonlarimizda osoyishtalik va oilalarimizda xotirjamlikni ta’minlaylik!

𝐵𝑢𝑥𝑜𝑟𝑜 𝑣𝑖𝑙𝑜𝑦𝑎𝑡𝑖 𝐹𝑉𝐵 𝑟𝑎𝑠𝑚𝑖𝑦 𝑠𝑎𝑦𝑡𝑖
https://t.me/joinchat/AAAAAEoigWz6iodESNWGuw